គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 6649 នាក់

ម្សិលមិញ 9682 នាក់

សរុប 20666559 នាក់

ជើងហោះហើរក្នុងស្រុកដំបូង នៅព្រលានយន្តហោះតារាសាគរ ដែលរងការដាក់ទណ្ឌកម្មពីអាមេរិក

21-September-2026 / សេដ្ឋកិច្ច

កោះកុង៖ ប្រតិភូចម្រុះក្រសួង-ស្ថាប័ន ក៏ដូចជាអ្នកដំណើរប្រមាណ ៦០នាក់ បានធ្វើដំណើរជាមួយជើងហោះហើរជួលក្នុងស្រុក (Domestic charter flight) លើកដំបូង ពីអាកាសយានដ្ឋានអន្តរជាតិភ្នំពេញ ទៅកាន់អាកាសយានដ្ឋានអន្តរជាតិតារាសាគរ ខេត្តកោះកុង នាព្រឹកថ្ងៃទី២៦ ខែធ្នូ ឆ្នាំ២០២៤នេះ។ a sakor

អ្នកដំណើរទាំង ៦០នាក់ ក៏ទទួលបានការស្វាគមន៍យ៉ាងកក់ក្ដៅ ពីសំណាក់លោកបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល ជំទាវមិថុនាភូថងអភិបាលេត្តកោះកុងនិងលោក លី ម៉ុងឈិន (Li Mengchen) ប្រធានក្រុមប្រឹក្សាភិបាលក្រុមហ៊ុន Coastal Airport Investment (CAI) ព្រមទាំងមានការបំពាក់ក្រមាខ្មែរ អមដោយអ្នកភ្លេងឆៃយ៉ាំប្រពៃណីខ្មែរ ប្រគំស្វាគមន៍ផងដែរ។ យន្តហោះដឹកអ្នកដំណើរនេះដែរ គឺជាយន្តហោះខ្នាតតូច របស់ក្រុមហ៊ុនអាកាសចរណ៍អង្គរអ៊ែរ (Angkor Air)។

លោកប្រធាន លី ម៉ុងឈិន បានឲ្យកាសែតដឹងថា អាកាសយានដ្ឋានអន្តរជាតិតារាសាគរ ត្រូវបានអភិវឌ្ឍដោយក្រុមហ៊ុន Coastal Airport Investment។ ក្នុងដំណាក់កាលទី១ ក្រុមហ៊ុនកំពុងអភិវឌ្ឍនៅលើផ្ទៃដី២១៨ហិកតា និងមានដីបម្រុងសម្រាប់ការអភិវឌ្ឍបន្តចំនួន១ពាន់ហិកតា ដោយចំណាយថវិកាប្រមាណ ២០០លានដុល្លារ។ តាមផែនការមេស្តីពីការអភិវឌ្ឍអាកាសយានដ្ឋានអន្តរជាតិ តារាសាគរ រយៈពេលខ្លី និងមធ្យម ក្នុងករណីមានការបើកការហោះហើរ ជាលក្ខណៈពាណិជ្ជកម្មក្នុងស្រុក និងអន្តរជាតិពេញលេញ ក្រុមហ៊ុនរំពឹងថាអាកាសយានដ្ឋាននេះ អាចទទួលអ្នកដំណើរប្រមាណ ៧លាននាក់ និងទំនិញប្រមាណ១ម៉ឺនតោនក្នុងមួយឆ្នាំ ព្រមទាំងបន្តកើនអ្នកដំណើរដល់២០លាននាក់ និងទំនិញ៦ម៉ឺនតោនក្នុងមួយឆ្នាំ ចាប់ពីឆ្នាំ២០៣០-២០៥០។

លោកប្រធាន លី បានបន្តថា នៅក្នុងប្រទេស ក្រៅពីអាកាសយានដ្ឋានអន្តរជាតិភ្នំពេញ អាកាសយានដ្ឋានអន្តរជាតិតារាសាគរ ក៏អាចតភ្ជាប់ជើងហោះហើរ ពីអាកាសយានដ្ឋានអន្តរជាតិកងកេង ខេត្តព្រះសីហនុ អាកាសយានដ្ឋានអន្តរជាតិសៀមរាប-អង្គរ ខេត្តសៀមរាបជាដើម ពិសេសក្រុមហ៊ុនក៏មានផែនការតភ្ជាប់ជើងហោះហើរ នៅក្រៅប្រទេសផងដែរ ពោលគឺនៅពេលបើកដំណើរអាកាសយានដ្ឋានអន្តរជាតិតារាសាគរនេះ ជាជាផ្លូវការ នាពាក់កណ្ដាលឆ្នាំ២០២៥ខាងមុខ។

សូមបញ្ជាក់ថាគម្រោងអភិវឌ្ឈន៍នេះកាលពីបុន្មានឆ្នាំមុនក្រសួងហិរញ្ញវត្ថុសហរដ្ឋអាមេរិកបានដាក់ទណ្ឌកម្មសេដ្ឋកិច្ចលើក្រុមហ៊ុនចិន ដែលកំពុងធ្វើប្រតិបត្តិការនៅក្នុងប្រទេសកម្ពុជា ក្រោមមូលហេតុការរឹបអូសដីធ្លី និងការបណ្តេញពលរដ្ឋចេញពីផ្ទះសម្បែងដើម្បីអភិវឌ្ឍគម្រោងមណ្ឌលកម្សាន្ត និងកន្លែងលេងល្បែងដ៏ប្រណិតក្នុងទឹកប្រាក់ចំនួន ៣,៨ ពាន់លានដុល្លារ។

មណ្ឌលកម្សាន្តទេសចរណ៍ តារាសាគរ ដែលត្រូវបានអភិវឌ្ឍដោយក្រុមហ៊ុន យូញៀន ឌីវេឡុបមេន គ្រុប ឬ Union Development Group (UDG) របស់ចិន នៅក្នុងខេត្តកោះកុង រួមមានអាកាសយានដ្ឋានអន្តរជាតិ និងផែសម្រាប់កប៉ាល់ទេសចរណ៍ ដែល «របាយការណ៍គួរឱ្យទុកចិត្ត» បានលើកឡើងថា អាចជាទីតាំងប្រើប្រាស់បានដោយយោធាចិន។ក្រុមហ៊ុននេះបានពិពណ៌នាគម្រោងនេះថា ជាផ្នែកមួយនៃគំនិតផ្តួចផ្តើមអភិវឌ្ឍន៍ហេដ្ឋារចនាសម្ព័ន្ធនៃគម្រោងផ្លូវក្រវ៉ាត់ពាណិជកម្មជាសាកលរបស់ចិន ឬហៅកាត់ថា (BRI)។ ក្រុមហ៊ុន Tianjin Union Development Group បានប្រាប់សារព័ត៌មាន Fresh News ដែលជាសារព័ត៌មានស្និទ្ធនឹងរដ្ឋាភិបាលកម្ពុជាថា ការចោទប្រកាន់លើក្រុមហ៊ុន UDG របស់ក្រសួងហិរញ្ញវត្ថុសហរដ្ឋអាមេរិក «គឺជាការមិនអើពើនឹងការពិត» និងជារឿងដែលត្រូវបានប្រឌិដ្ឋឡើង។

កាលនោះរដ្ឋមន្ត្រីការបរទេសសហរដ្ឋអាមេរិកជំនាន់លោកដូណាល់ត្រាំ លោក Mike Pompeo បាននិយាយថា មាន «របាយការណ៍គួរឱ្យទុកចិត្ត» លើកឡើងថា តំបន់តារាសាគរ «អាចត្រូវបានប្រើប្រាស់ធ្វើជាមូលដ្ឋានសម្រាប់រក្សាទុកសព្វាវុធ (ចិន)»។លោក Mike Pompeo បានលើកឡើងបន្ថែមទៀត នៅក្នុងសេចក្តីថ្លែងការណ៍ថា «ប្រសិនបើដូច្នេះមែន (នេះ) នឹងផ្ទុយពីរដ្ឋធម្មនុញ្ញរបស់កម្ពុជា និងអាចគំរាមដល់ស្ថិរភាពនៅតំបន់ឥណ្ឌូប៉ាស៊ីហ្វិក ដែលអាចនឹងប៉ះពាល់ដល់អធិបតេយ្យភាពរបស់កម្ពុជា និងសន្តិសុខរបស់សម្ព័ន្ធមិត្តរបស់យើង»។

ការដាក់ទណ្ឌកម្មរបស់សហរដ្ឋអាមេរិកទៅលើក្រុមហ៊ុនគ្រប់គ្រងដោយរដ្ឋចិន គឺធ្វើតាមបទបញ្ជាប្រធានាធិបតីលេខ ១៣៨១៨ ដែលយោង និងអនុវត្តតាមច្បាប់ម៉ានីតស្គី (Global Magnitsky) ដោយសំដៅដល់បុគ្គល ឬស្ថាប័នដែលរំលោភសិទ្ធិមនុស្សធ្ងន់ធ្ងរ និងប្រព្រឹត្តអំពើពុករលួយ និងអ្នកគាំទ្ររបស់ខ្លួនផងដែរ។សហរដ្ឋអាមេរិកបានចោទថា ក្រុមហ៊ុន UDG បានធ្វើប្រតិបត្តិការក្នុងនាមជាក្រុមហ៊ុនកម្ពុជា តាមរយៈលោកនាយឧត្តមសេនីយ៍ គន់ គីម ដែលជាមនុស្សជំនិតរបស់សម្តេចនាយករដ្ឋមន្ត្រីហ៊ុន សែន។ លោកត្រូវបានគេចោទថា បានប្រើប្រាស់សិទ្ធិយោធាដើម្បីរឹបអូសដីធ្លី ដើម្បីសម្រេចគោលដៅរបស់ខ្លួនក្នុងការបណ្តេញពលរដ្ឋក្នុងមូលដ្ឋាន ចេញពីតំបន់ដែលក្រុមហ៊ុន UDG ចង់បានសម្រាប់គម្រោងមណ្ឌលកម្សាន្តទេសចរណ៍របស់ខ្លួន។

សហរដ្ឋអាមេរិកបានដាក់ទណ្ឌកម្មលើលោកនាយឧត្តមសេនីយ៍ជាន់ខ្ពស់រូបនេះ ភរិយារបស់លោក និងកូនរបស់លោកពីរនាក់ផ្សេងទៀត កាលពីថ្ងៃទី៩ ខែធ្នូ ឆ្នាំ២០១៩ ចំពោះ «ការពាក់ព័ន្ធរបស់លោកនៅក្នុងអំពើពុករលួយ»។ នេះបើយោងតាមក្រសួងហិរញ្ញវត្ថុសហរដ្ឋអាមេរិក។ លោក គន់ គីម ត្រូវបានសហរដ្ឋអាមេរិកចោទប្រកាន់ថា បានប្រើប្រាស់ឥទ្ធិពលនិងបណ្តាញរបស់លោក ដើម្បីផ្តល់ប្រយោជន៍ដល់ក្រុមហ៊ុនចិននៅក្នុងប្រទេសកម្ពុជា។

កាលនោះ ស្ថានទូតចិនប្រចាំនៅកម្ពុជាបានបង្ហោះសេចក្តីថ្លែងការណ៍មួយ នៅលើទំព័រហ្វេសប៊ុកដោយនិយាយថា៖«រដ្ឋាភិបាលសហរដ្ឋអាមេរិកបានប្រែក្រឡាស់រឿងពិត ចោទប្រកាន់មិនសមហេតុផល បានប្រើច្បាប់ក្នុងប្រទេសខ្លួនមកដាក់ទណ្ឌកម្មលើគម្រោងរបស់សហគ្រាសចិនក្នុងទឹកដីប្រទេសកម្ពុជានេះ គឺជាសកម្មភាពប្រើអំណាចគាបសង្កត់យ៉ាងខ្លាំង។ ការគាបសង្កត់របស់សហរដ្ឋអាមេរិកទៅលើការវិនិយោគស្របច្បាប់របស់សហគ្រាសចិនក្នុងប្រទេសកម្ពុជា មិនត្រឹមតែធ្វើឱ្យប៉ះពាល់ដល់អត្ថប្រយោជន៍សិទ្ធិស្របច្បាប់របស់សហគ្រាសនោះទេ ហើយរឹតតែជាការរំលោភបំពានទាំងស្រុងលើអធិបតេយ្យភាពរបស់ប្រទេសកម្ពុជាផងដែរ»។ a sakor1 a sakora a sakora1