វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5944 នាក់
ម្សិលមិញ 5020 នាក់
សរុប 14121391 នាក់
ភ្នំពេញ ៖ បុរសចំណាស់ត្រូវបានគេដឹងថា ស្លាប់លើបង្គង កាលពីវេលាម៉ោង១២រំលងអធ្រាត្រ ឈានចូលថ្ងៃទី២៣ ខែតុលា ឆ្នាំ២០១៨ នៅចំណុចបន្ទប់លេខ២០៥ ជាន់ទី២ ផ្ទះសំណាក់យីហោ ហេងហេង បឹងត្របែកមានទីតាំងស្ថិតនៅតាមបណ្តោយផ្លូវព្រះមុនីវង្ស ក្រុម៣០ ភូមិ៤ សង្កាត់ផ្សារដើមថ្កូវ ខណ្ឌចំការមន។
បុរសស្លាប់លើបង្គងពេលឡើងឋានសួគ៍ មានឈ្មោះរុន សារឿន អាយុ៥៨ឆ្នាំ មុខរបរកម្មករលីសែង ស្នាក់នៅផ្ទះលេខ ៩២D ផ្លូវ១០៥ ភូមិ៦ សង្កាត់ផ្សារដើមថ្កូវ ខណ្ឌចំការមន។ ចំណែកស្ត្រីជាគូស្នេហ៍ មានឈ្មោះឡោ ស្រីមុំ អាយុ៤៩ឆ្នាំ មុខរបរលក់សាច់ឆ្កែ ស្នាក់នៅផ្ទះជួល ផ្លូវ១០១ ភូមិ៥ សង្កាត់ផ្សារដើមថ្កូវ ខណ្ឌចំការមន។
ម្ចាស់ផ្ទះសំណាក់ ហេង ហេង បឹងត្របែក បានឲ្យដឹងថា កាលពីវេលាម៉ោង៥ល្ងាច ថ្ងៃទី២២ ខែតុលា ឆ្នាំ២០១៨ បុរសរងគ្រោះខាងលើ បានជិះម៉ូតូដឹកស្រីស្នេហ៍របស់ខ្លួន (ស្ត្រីខាងលើ) ចូលមកជួលបន្ទប់ផ្ទះសំណាក់របស៉គាត់នៅបន្ទប់លេខ២០៥ ជាន់ទី២។
លុះមកដល់វេលាម៉ោង១២រំលងអធ្រាត្រ ឈានចូលថ្ងៃទី២៣ ខែតុលា ឆ្នាំ២០១៨ ក៏ស្រាប់តែឃើញស្ត្រីជាស្រីស្នេហ៍បុរសរងគ្រោះ បានរត់ចុះមកក្រោម ស្រែកឆោឡោ ហៅបុគ្គលិកផ្ទះសំណាក់ឱ្យជួយ ដោយប្រាប់ថា ជនរងគ្រោះកើតអាការៈមិនសូវស្រួលខ្លួន ទើបធ្វើឱ្យកើតមានការភ្ញាក់ផ្អើល ជួលរ៉ឺម៉កម៉ូតូកង់បី ដឹកទៅសង្គ្រោះនៅមន្ទីរពេទ្យក្បែរនោះដែរ តែពេទ្យមិនទទួល ទើបដឹកបញ្ជូនបន្តទៅកាន់មន្ទីរពេទ្យបាយ័ន ក្បែរគល់ស្ពានអាកាសក្បាលថ្នល់ដែរ តែអកុសល ជនរងគ្រោះបានដាច់ខ្យល់ស្លាប់បាត់ទៅហើយ។
ស្ត្រីជាដៃគូរបស់បុរសរងគ្រោះ បានឲ្យដឹងថា ជនរងគ្រោះ បានចូលទៅផឹកស៊ីក្លែមសាច់ឆ្កែ ហៅហាងរបស់គាត់លក់ដូរ រហូតដល់ស្រវឹង ក៏បបួលគាត់ឡើងផ្ទះសំណាក់ ។ស្រាប់តែមកដល់វេលាម៉ោង១១យប់ថ្ងៃដដែល ពេលដែលគាត់ភ្ញាក់ដឹងខ្លួន ឃើញប្រុសស្នេហ៍ដេកមិនកម្រើក ក៏ដាស់ និងហៅដោយសំឡេងខ្លាំងៗ តែមើលទៅសភាព ដូចជាមិនស្រួល ក៏រត់ចុះមកខាងក្រោមហៅមេការផ្ទះសំណាក់ ឱ្យជួយហៅកង់បី ឱ្យដឹកយកទៅមន្ទីរពេទ្យនៅជិត ក្រោយមកក៏ដឹកបញ្ជូនបន្តទៅកាន់មន្ទីរពេទ្យបាយ័ន ទៀត តែពេលដឹកទៅដល់គ្រូពេទ្យពិនិត្យរួច បានបញ្ជាក់ប្រាប់ថា ជនរងគ្រោះ បានដាច់ខ្យល់ស្លាប់បាត់ទៅហើយ ទើបគាត់បានឱ្យកង់បីជួយជូនមកដាក់នៅវត្តសន្សំកុសល ដើម្បីតម្កល់ទុក និងរាយការណ៍ប្តឹងសមត្ថកិច្ចប៉ុស្តិ៍នគរបាលផ្សារដើមថ្កូវ ឱ្យចុះមកត្រួតពិនិត្យ និងធ្វើកោសល្យវិច័យសព ខ្លាចពាក់ព័ន្ធដល់រូបគាត់។
សមត្ថកិច្ចជំនាញ បច្ចេកទេសស្នងការរាជធានីភ្នំពេញ បានចុះពិនិត្យ និងធ្វើកោសល្យវិច័យសព រួចបញ្ជាក់ថា ជនរងគ្រោះ ពិតជាស្លាប់ដោយសារគាំងបេះដូង (ស្លាប់លើបង្គង) ប្រាកដមែន៕