
វីដេអូ
តាមដានសង្គម

ចំនួនអ្នកទស្សនា
ថ្ងៃនេះ 402 នាក់
ម្សិលមិញ 5988 នាក់
សរុប 18745737 នាក់
ភ្នំពេញ៖ ថ្ងៃ ទូកងសារាយតេជោសែនជ័យ (ខេត្តកណ្តាល) នឹងត្រូវប៉ះជាមួយសារ៉ាត់សែនជ័យបារមីអន្ទងស (ខេត្តព្រៃវែង)នៅក្នុងពិធីអុំទូកថ្ងៃទី៣ត្រូវនឹងថ្ងៃទី១៦ ខែវិច្ឆិកា ឆ្នាំ២០២៤ដែលជាថ្ងៃបង្ហើយនៃព្រះរាជពិធីបុណ្យអុំទូក បណ្ដែតប្រទីប សំពះព្រះខែ អកអំបុក ។ក្រៅពីទូកមានល្បឿនលឿនទី១ខាងលើចំណែកទូកលេខ២ពីរថ្ងៃជាប់គ្នា តេជោកែវវិជ័យបារមីចៅសែន (ពោធិ៍សាត់) នឹងជួបជាមួយសព្រួញពេជ្រ (ព្រៃវែង)។
សម្រាប់ឌីសែនជ័យបារមីបូព៌ារបស់ខេត្តស្វាយរៀង ប្រកួតជាមួយស្រីម៉ៅក្រាំងយ៉ូវខេត្តកណ្ដាល។ឯនរិន្ទរង្សីពិជ័យចិត្របុត្ររបស់ខេត្តបាត់ដំបងប្រកួតជាមួយឌួងសូរិយាបុប្ផាស្ទឹងសែនបារមីក្ដីងដូងមកពីខេត្តកំពង់ធំ។សូមបញ្ជាក់ថាព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គនឹងស្តេចយាងជាព្រះរាជធិបតីភាពក្នុងពិធីកាត់ព្រ័ត្រនៅមុខព្រះបរមរាជវាំង នាល្ងាចថ្ងៃទី១៦ ខែវិច្ឆិកា ឆ្នាំ២០២៤ ដែលជាថ្ងៃបញ្ចប់នៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក។
គណៈកម្មាធិការជាតិរៀបចំបុណ្យជាតិ-អន្តរជាតិ បានឱ្យដឹងថា នៅថ្ងៃទី១៦ ខែវិច្ឆិកា ឆ្នាំ២០២៤ ដែលជាថ្ងៃចុងក្រោយនៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក នឹងមានការប្រណាំងទូក ង និងទូកមួង ចាប់ពី១១:០០នាទីព្រឹក ដល់ម៉ោង៥:០០នាទីល្ងាច។នៅម៉ោង៣រសៀលក្រុមបារគូដង្ហែដាវជ័យចេញពីព្រះបរមរាជវាំងឆ្ពោះទៅកាន់ព្រះពន្លាបុណ្យអុំទូក ហើយព្រះរាជវង្សានុវង្ស សមាជិក សមាជិកា រាជរដ្ឋាភិបាល រដ្ឋសភា ព្រឹទ្ធសភា យាង និងអញ្ជើញដល់ទីតាំងព្រះពន្លា។
គណៈកម្មាធិការជាតិរៀបចំបុណ្យជាតិ-អន្តរជាតិ បានឱ្យដឹងទៀតថា ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នឹងស្ដេចយាងដល់ព្រះពន្លានៅវេលាល្ងាច។បន្ទាប់ពីព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រយាងដល់ព្រះពន្លា ក្រុមបារគូនឹងនាំដាវជ័យមកក្រាបថ្វាយបង្គំ សុំព្រះបរមរាជានុញ្ញាតពីព្រះករុណាជាអម្ចាស់ជីវិតលើត្បូងដើម្បីនាំទៅកាត់ព្រ័ត្រ។កម្មវិធីបញ្ចប់ ព្រះករុណាជាអម្ចាស់ជីវិតលើត្បូង នឹងប្រទានរង្វាន់ដល់ទូកជ័យលាភីជានិមិត្តរូប ចំណាត់ថ្នាក់លេខ១ ទូកអុំ ទូកចែវ ទូកខ្នាតអន្តរជាតិ បុរស-នារី។