វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2228 នាក់
ម្សិលមិញ 8227 នាក់
សរុប 14129109 នាក់
រាជធានីភ្នំពេញ៖បុរស២នាក់ត្រូវប៉ូលិសឃាត់ខ្លួនក្រោយពីបានបើករថយន្ដដេញបុកឪពុកម្ដាយរបស់ក្មេងស្រីម្នាក់ តែសំណាងល្អបុកមិនត្រូវ ក៏ជ្រុលទៅបុកនិងបង្គោលភ្លើង និងបណ្ដាលអោយរថយន្ដខ្ទេចបើកទៅមុខលែងរួច កាលពីវេលាម៉ោង០៩និង៤០នាទីយប់ ថ្ងៃសុក្រ ទី១៩ ខែតុលា ឆ្នាំ២០១៨ នៅតាមបណ្ដោយផ្លូវ៦០ម៉ែត្រ ត្រង់ចំណុចជិតសំណង់អាណាធិបតេយ្យ ស្ថិតក្នុងភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
អ្នកបើកបររថយន្តបង្កហេតុមានឈ្មោះ ហុយ សុងភី អាយុ២៩ឆ្នាំ មុខរបរបើករថយន្ត ព្រៃខ្សាវ ស្រុកស្អាង ខេត្តកណ្តាល (ជាអ្នកបើកបររថយន្ត)។ និងអ្នករួមដំណើរ មិនត្រូវបានស្គាល់ឈ្មោះនោះទេ។
ប្រភពពីឪពុកម្តាយក្មេងស្រីបានឲ្យដឹងថា ៖ ដំបូងឡើយ មិនដឹងបុរស២នាក់នោះទៅផឹកស្រានៅឯណាទេ លុះផឹកស្រវឹងក៏បានមកនិយាយលេងជាមួយកូនស្រីរបស់គាត់ អាយុទើប១៦ឆ្នាំ រួចក៏លួងលោមចុះឡើងៗ ក៏បបួលទៅរួមដំណេកជាមួយ ហើយប្រាប់ថាចាំមកវិញអោយលុយចាយ។ ពួកគាត់ជាឪពុកម្ដាយលឺចឹងក៏បានដើរចេញមកហៅកូនចូលផ្ទះ រួចហាមឃាត់កូនមិនឲ្យទៅណាផ្ដេសផ្ដាសជាមួយអ្នកមិនស្គាល់ទេ។
ស្រាប់តែបុរស២នាក់នោះ បានមកឈ្លោះប្រកែកគ្នាជាមួយគាត់ដែលជាឪពុកម្ដាយ ធ្វើឲ្យបុរសទាំង២នាក់នោះផ្ទុះកំហឹង ព្រោះមិនឲ្យកូនទៅជាមួយ ទើបដើរទៅបើករថយន្ត ម៉ាកកាមេរីបាឡែន ពណ៌ទឹកប្រាក់ ពាក់ស្លាកលេខកណ្តាល 2B-6323 ក្នុងល្បឿនលឿនមកបំបុកម្តាយឪពុកក្មេងស្រីនោះ តែសំណាងល្អពួកគាត់ឃើញទាន់ក៏ស្ទុះទៅក្រោយបង្គោលភ្លើង ។បុរសដែលជាអ្នកបើកបាន កាច់ចង្កូតមកបុកបញ្ជិតបង្គោលភ្លើង បណ្តាលឲ្យទ្រេតកោងជិតដល់ដី និងខ្ទេចរថយន្តខាងមុខខ្លាំងគួរសមដែរ តែនៅបើកបានទៅចេញទៀត រួចបន្ថែមល្បឿនគេចបាត់ស្រមោលផ្អើលប្រជាពលរដ្ឋនៅជិតនោះចេញមកមើល ។
មួយសន្ទុះក្រោយមកក៏ ឃើញបុរសទាំង២នាក់នោះ បើករថយន្តដដែលនោះត្រឡប់មកវិញ ក្នុងល្បឿនលឿន តម្រង់មកកន្លែងមនុស្សកំពុងឈរមើល ទើបគាត់ស្រែកអោយរត់ចូលក្នុងអោយផុតមក ភ្លាមនោះរថយន្តក៏បានមកបុកចំបង្គោលភ្លើងដដែលនោះ បាក់រលំដល់ដីតែម្ដង បណ្ដាលឲ្យបង្គោលភ្លើងដទៃទៀតឆ្លងភ្លើងខ្លះដាច់ និងខ្លះទៀតភ្លឹបភ្លែតៗ ។ ប្រជាពលរដ្ឋដែលឈរមើលបន្ទាប់ពីបានរត់ចែកជើងប្រសាចពេញវាលខ្សាច់នោះ នាំគ្នារត់មកជួយចាប់បុរសទាំង២នាក់នោះ រួចបញ្ចេញកំហឹងស្វាគមន៍ម្នាក់មួយដៃម្នាក់មួយជើង និងវាយបែកកញ្ចក់រថយន្តខ្ទេចផងដែរ បណ្ដាលឲ្យបុរសដែលជិះរថយន្តជាមួយរបួសធ្ងន់សន្លប់ស្ដូក ត្រូវបានរថយន្តគិលានសង្គ្រោះគ្លីនិកហុងហាក់ មកដឹកយកទៅមន្ទីរពេទ្យ។
រីឯបុរសដែលជាអ្នកបើករថយន្តរងរបួសបែកមុខបែកមាត់ និងប៉ោងភ្នែក បន្ទាប់មកទើបប្រជាពលរដ្ឋរាយការណ៍ប្រាប់អោយសមត្ថកិច្ចប៉ុស្តិ៍ចាក់អង្រែលើចុះមកយកកន្លែងកើតហេតុ រួចធ្វើការឃាត់ខ្លួន វាយខ្នោះយកទៅសាកសួរនៅប៉ុស្តិ៍ផងដែរ។ឪពុកនិងម្តាយក្មេងស្រីជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលចាក់អង្រែលើ ដើម្បីសុំឲ្យសមត្ថកិច្ចធ្វើការអន្តរាគមន៍ដើម្បីធ្វើការតាមនីតិវិធីផង៕