សមិទ្ធផលទំនើបកម្មមូលដ្ឋានសមុទ្ររាម និងមជ្ឈមណ្ឌលភស្តុភារ និងហ្វឹកហ្វឺនរួមគ្នាកម្ពុជា-ចិន ផែរាមត្រុវបានប្រកាសឲ្យប្រើប្រាស!

ជនជាតិកាមេរ៉ូនម្នាក់ធ្លាប់ជាប់គុកតែដោះលែងទុកឲ្យប្រព្រឹត្ត ករណីជម្រឹតទាប្រាកស្ត្រីឡាវ២០ម៉ឺនដុល្លារទៀត!

អ្នកកាសែតចង់បានច្បាប់ស្តីពីសិទ្ធទទួលនិងផ្តល់ពត៍មានទើបងាយរកពត៍មានពិត

ទីតាំងសិប្បកម្មកែច្នៃឈើដុះស្លែចំនួនជិត២០កន្លែង នៅក្នុងភូមិសាស្ត្រ សង្កាត់អូរស្មាច់ នៅតែដំណើរការយ៉ាងរលូន!?

រដ្ឋមន្ត្រីក្រសួងព័ត៌មាន ប្រកាសបើក យុទ្ធនាការ «និយាយថាទេ ចំពោះព័ត៌មានក្លែងក្លាយ!» ចាប់ពីថ្ងៃទី១មេសា

ក្រុមហ៊ុនតៃវ៉ាន់មួយបញ្ជាទិញគ្រាប់ស្វាយចន្ទីកែច្នៃរួចពីកម្ពុជាចំនួន ៣ពាន់តោនក្នុង ១ឆ្នាំ!

កាស៊ីណូ ក្បែរច្រកទ្វារព្រំដែនអន្ដរជាតិបន្ទាយចក្រី ជាទីតាំងលេងល្បែងស៊ីសងគ្រប់ប្រភេទ បើកអោយខ្មែរ និងយួន ចូលមកលេងល្បែង សមត្ថកិច្ច និង អាជ្ញាធរសម្ងំប្រមូលលាភសក្ការ!

ជាច្រើនទៀត

ចំនួនអ្នកទស្សនា

ថ្ងៃនេះ 2496 នាក់

ម្សិលមិញ 3250 នាក់

សរុប 16500920 នាក់

MGI ប្រកាសដកតំណែងបវរកញ្ញាមីយ៉ាន់ម៉ាជាប់លំដាប់រងលេខបន្ទាប់ពីតំណាងមីយ៉ានម៉ាបោះចោលពាន!(វិដេអូ)

30-March-2025 / សិល្បះនិងបែ្លកៗ

ប្រទេសថៃ៖នៅថ្ងៃទី២៨ ខែតុលា យោងទៅតាមគេហទំព័រហ្វេសប៊ុក Miss Grand International (MGI) បានប្រកាសជាផ្លូវការថា បេក្ខភាពតំណាងប្រទេសមីយ៉ាន់ម៉ា គឺបវរកញ្ញា Thae Su Nyein ត្រូវបានដកហូតដំណែងលំដាប់រងលេខ២ មូលហេតុគឺដោយសារអាកប្បកិរិយា និងសកម្មភាពមិនសមរម្យរបស់តំណាងផ្ទាល់តែម្ដង។ a miss mgi

នៅក្នុងសេចក្តីប្រកាសផ្លូវការបានសរសេរថា ស្ថាប័ន MGI បានសម្រេចដកតំណែង Miss Grand Myanmar 2024 គឺបវរកញ្ញា Thae Su Nyein ពីតំណែងរងទី២ ដោយសារអាកប្បកិរិយាមិនសមរម្យ និងបំពានលើបទប្បញ្ញត្តិជាច្រើនលើសលុប។ការប្រកាសនេះធ្វើឡើងបន្ទាប់ពីយប់ថ្ងៃប្រកួតចុងក្រោយ អ្នកដឹកនាំប្រទេសមីយ៉ាន់ម៉ា បានឡើងលើឆាក ហើយបានយកមកុដរបស់កញ្ញាថែស៊ូង៉េន( Thae Su Nyein) និងខ្សែក្រវាត់ឆៀងរងទីពីរ នៅចំពោះមុខទស្សនិកជនយ៉ាងភ្ញាក់ផ្អើល។ វីដេអូដែលថតបានទិដ្ឋភាពនេះបានសាយភាយយ៉ាងឆាប់រហ័ស បង្កឲ្យមានការចម្រូងចម្រាសយ៉ាងខ្លាំង។ អ្នកទាំងពីរមិនបានស្នាក់នៅក្នុងប្រទេសថៃ ប៉ុន្តែបានចាកចេញទៅទាំងយប់តែម្ដង។

ករណីយ៍នេះ នាយកគ្រប់គ្រងជាតិរបស់មីយ៉ាន់ម៉ា (នាយកជាតិ) បានផ្សាយបន្តផ្ទាល់ថា លោកណាវ៉ាត់រៀបចំលទ្ធផលដោយអយុត្តិធម៌ ហើយបញ្ជាក់ថា កញ្ញាថែស៊ីង៉េន(Thae Su Nyein )ស័ក្តិសមនឹងទទួលបានពានរង្វាន់ សំលៀកបំពាក់ជាតិ និង អំណាចប្រទេសប្រចាំឆ្នាំ បន្ថែមទៀត។ ទោះជាយ៉ាងណា នៅពេលត្រូវបានគេប្រកាស តំណាងមីយ៉ាន់ម៉ាមិនត្រូវបានគេបញ្ចេញឈ្មោះទេ។ លោកណាវ៉ាត់ស្ថាបនិកកម្មវិធីMGIបានរិះគន់ថាកញ្ញាថេស៊ីង៉េន( Thae Su Nyein )អាយុ១៧ឆ្នាំខ្វះភាពចាស់ទុំ ថ្វីដ្បិតតែនាងមានសក្ដានុពល ប៉ុន្តែនាងមិនមានសេចក្តីក្លាហានគ្រប់គ្រាន់ ដើម្បីបំពេញតម្រូវការក្នុងការប្រកួតអន្តរជាតិ។

ឆ្លើយតបនឹងប្រតិកម្មរបស់នាយកជាតិមីយ៉ានម៉ា លោកណាវ៉ាត់បាននិយាយថា Miss Grand International នឹងលុបចោលការរក្សាសិទ្ធិ Miss Grand Myanmar ក្រោមហេតុផលថា នាយកជាតិមីយ៉ាន់ម៉ាជំពាក់បំណុលគេជាច្រើន ហើយមិនមានទំនួលខុសត្រូវក្នុងការចំណាយលើការរៀបចំការប្រកួត។ ការសម្រេចចិត្តនេះបានបង្កជម្លោះកាន់តែខ្លាំងឡើងក្នុងមជ្ឈដ្ឋានអ្នកគាំទ្រសម្រស់ ខណៈពួកគេបានចែកចេញជាពីរមតិគឺ ភាគីម្ខាងជឿថា Thae Su Nyein ស័ក្តិសមជាង ភាគីម្ខាងទៀតជឿថា នាងស័ក្តិសមត្រឹមតំណែងលេខ២ប៉ុណ្ណោះ ដោយសារអាកប្បកិរិយាមិនស្តង់ដារ។
ចំណែកឯស្រីស្អាត ថេស៊ីង៉េន(Thae Su Nyein)វិញ បានសម្តែងការមិនពេញចិត្តចំពោះតំណែងជាបេក្ខនារីចំណាត់ថ្នាក់លេខ២ នាងបន្តសម្តែងការខកចិត្តរហូតស្រក់ទឹកភ្នែកក្រោយចប់ការប្រកួត ។ នៅលើប្រព័ន្ធផ្សព្វផ្សាយសង្គម មនុស្សជាច្រើនក៏បានចោទសួរពីអាកប្បកិរិយារបស់ Thae Su Nyein ចំពោះបេក្ខនារីផ្សេងទៀតអំឡុងពេលប្រកួត រួមទាំងការចោទប្រកាន់ថាបានប្រើក្រុមការងារផ្ទាល់ខ្លួន និងមានអាកប្បកិរិយាមិនសូវរួសរាយរាក់ទាក់។
ថ្មីៗនេះ អគ្គនាយក Miss Grand Myanmar – លោក Htoo Ant Lwin ក៏បានប្រកាសលាលែងពីតំណែង និងប្រគល់មកុដចំណាត់ថ្នាក់លេខ២ មកគណៈកម្មាធិការរៀបចំវិញដែរ ព្រោះលោកជឿជាក់ថា ការប្រលងលែងមានភាពយុត្តិធម៌ទៀតហើយ។ រឿងនេះត្រូវបានគេរំពឹងថានឹងបន្តទាក់ទាញការចាប់អារម្មណ៍ខណៈភាគីពាក់ព័ន្ធបន្តនិយាយ។

សូមបញ្ជាក់ថាកម្មវិធីបវរកញ្ញាអន្តរជាតិ( Miss Grand International 2024) នៅយប់ចុងក្រោយថ្ងៃទី ២៥ ខែតុលា បានបញ្ចប់ទៅដោយជ័យជម្នះបានទៅលើបវរកញ្ញា Rachel Gupta តំណាងមកពីប្រទេសឥណ្ឌា។ តំណែងនៃលំដាប់រងដែលនៅសេសសល់រួមមានតំណាងប្រទេសហ្វីលីពីន, មីយ៉ាន់ម៉ា បារាំង និងប្រេស៊ីល។

ដ្បិតថារកឃើញម្ចាស់មកុដក្ដី ប៉ុន្តែឧបទ្ទវហេតុរវាង Miss Grand មីយ៉ាន់ម៉ា និងលោកណាវ៉ាត( Nawat) ឈានដល់ចំណុចកាន់តែរសើបខ្លាំង បន្ទាប់ពីវគ្គផ្តាច់ព្រ័ត្របានបញ្ចប់ជាស្ថាពរ។ ភាគីមីយ៉ាន់ម៉ាបានសម្តែងការខកចិត្តនៅពេលដែលតំណាងរបស់ខ្លួនគឺបវរកញ្ញា Thae Su Nyein បានត្រឹមតែឈរនៅក្នុងតំណែលំដាប់រងលេខ២ ហើយក្នុងនាមជានាយកថ្នាក់ជាតិ (ND) នៃស្ថាប័នមួយនេះ គឺលោក Htoo Ant Lwin ក៏មានបំណងបោះមកុដចោលពីឆាកអន្តរជាតិផងដែរ។

យ៉ាងណាក៏ដោយ កាលថ្ងៃទី ២៦ ខែតុលា ទូរទស្សន៍ Myanmar Celebrity TV បានរាយការណ៍ថា នាយកថ្នាក់ជាតិនៃ Miss Grand មីយ៉ាន់ម៉ាមានបំណងប្រគល់មកុដ Miss Grand International លំដាប់រងលេខ២របស់ Thae Su Nyein ជូនលោកណាវ៉ាត់ ព្រោះបេក្ខនារីក៏មានអារម្មណ៍ថា ការប្រលងលែងមានភាពយុត្តិធម៌ទៀតហើយ។
ស្របពេលថ្មីៗនេះនៅគេហទំព័រ MGI ឯណោះវិញ ក៏បង្ហាញបវរកញ្ញាដែលជាប់ចំណាត់ថ្នាក់ត្រឹមតែ៩រូបប៉ុណ្ណោះ! ដូច្នេះទស្សនិកជនអាចស្មត់បានថាជម្លោះរវាងមីយ៉ាន់ម៉ានឹងលោកណាវ៉ាត់គឺមិនធម្មតានោះទេ។

ក្រឡេកមកមើល តំណាងប្រទេសមីយ៉ាន់ម៉ាកញ្ញា Thae Su Nyein ធ្វើបានល្អពេញកម្មវិធីប្រលង ប៉ុន្តែខណៈដែលចូលរួមក្នុងសកម្មភាព សម្រស់នេះត្រូវបានចោទប្រកាន់ថាបានប្រើបក្ខពួករបស់នាងជាជំនួយក្នុងការតុបតែងមុខ។ បន្ទាប់ពីនោះមក នាងថែមទាំងរងការចោទប្រកាន់ថាបានបន្តបង្ហាញអាកប្បកិរិយាមិនរាក់ទាក់ចំពោះបេក្ខនារីផ្សេងទៀត។ ឧទាហរណ៍ធម្មតាគឺការមិនអើពើនឹងតំណាងប្រទេសវេណេហ្ស៊ុយអេឡា ឬងាកចេញនៅពេលឃើញតំណាងវៀតណាមជាដើម។

យ៉ាងណាមិញ Miss Grand International ឆ្នាំនេះមិនត្រឹមតែជាឆាកសម្រាប់សម្រស់ប៉ុណ្ណោះទេ ថែមទាំងក្លាយជាកន្លែងក្តៅគគុកនៃជម្លោះ និងការមិនចុះសម្រុងគ្នាដែលមិនធ្លាប់មានពីមុនមក។ ប្រការនេះ បានធ្វើឲ្យព្រឹត្តិការណ៍នៅឆ្នាំនេះត្រូវបានគេចងចាំដោយមានភាពចម្រូងចម្រាសជាងបវរកញ្ញាឡើងគ្រងមកុដទៅទៀត។ជាក់ស្តែងលោកណាវ៉ាតបានអុកឡុកបង្ខូចកម្មវិធីដែលត្រូធ្វើនៅស្រុកខ្មែរហើយយកទៅធ្វើជំនួសនៅស្រុកថៃវិញនិងមានការបរិហារពីបវរកញ្ញាអ៊ុយក្រែនលើកលោកណាវ៉ាតនិងរៀងចុងក្រោយនេះផងដែរ។ a miss miyamar a miss miyamar3 a miss miyamar4 a miss miyamar5