លោក ហាស់ វិបុល ប្រធានមន្ទីរបរិស្ថានខេត្តមណ្ឌលគិរី ត្រូវកូនចៅប្តឹងហើយធ្លាប់ចៅហ្វាយខេត្តស្នើដក!

ដីចំណីផ្លូវសាធារណ:នៅតាមដងផ្លូវទៅច្រកទ្វារព្រំដែនអន្តរជាតិអូរស្មាច់ត្រូវបានគេរំលោភបំពានយកធ្វើសំណង់អគារតូបលក់ដូរឯកជន ស្រេចចិត្ត ?

រដ្ឋាភិបាលសម្រេចឱ្យក្រសួងការពារជាតិ ជ្រើសរើស«ពលទាហានថ្មី ចំនួន៣០០នាក់»

ស្ងាត់ៗឈ្មួញចាក់ដីលុបទន្លេសាបចូលជ្រៅ៧០ម៉ែត្រ អាជ្ញាធរខេត្ត និងមន្ទីរធនធានទឹក ទើបដឹង!

អតីតនាយករដ្ឋមន្ត្រីរដ្ឋាភិបាលជជុះលោក សម សេរី វិលត្រឡប់ចូលស្រុកវិញរកលាភសក្កាៈ

ក្រសួងបរិស្ថាន ប្រកាសថ្កោលទោស និងស្នើឱ្យមានកិច្ចសហការតាមចាប់ព្រានព្រៃដែលបាញ់មន្ត្រីឧទ្យានុរក្ស័ស្រែពក(មានវីដេអូ)

បញ្ជូនប្រពន្ធនគរបាលនិងគ្នីគ្នា៤នាក់ទៀតទៅតុលាការករណីយ៍ជួញគ្រឿងញៀន

ជាច្រើនទៀត

ចំនួនអ្នកទស្សនា

ថ្ងៃនេះ 909 នាក់

ម្សិលមិញ 8656 នាក់

សរុប 16621623 នាក់

មនុស្ស ៣៥ នាក់ត្រូវអាជ្ញាធរសឹង្ហបុរីចាប់ខ្លួនជាប់សង្ស័យថាមានជាប់ពាក់ព័ន្ធក្នុងការក្លែងបន្លំអត្តសញ្ញាណជាមន្ត្រីរដ្ឋាភិបាល

06-April-2025 / ព័ត៌មានអន្តរជាតិ

សិង្ហបុរី៖ កងកម្លាំងនគរបាលជាតិសិង្ហបុរី (SPF) បានរៀបចំប្រតិបត្តិការប្រឆាំងនឹងការឆបោកនៅទូទាំងដែនកោះ ដោយចាប់ខ្លួនមនុស្សចំនួន ៣៥ នាក់ដែលសង្ស័យថាមានជាប់ពាក់ព័ន្ធក្នុងករណីក្លែងបន្លំខ្លួនជាមន្ត្រីរដ្ឋាភិបាលនាពេលថ្មីៗនេះ ។ a fake singapor1

នៅថ្ងៃសុក្រសប្តាហ៍នេះ កងកម្លាំងនគរបាលជាតិសិង្ហបុរី (SPF) បានបញ្ជាក់ថា ជនសង្ស័យទាំង ៣៥ នាក់ រួមមាន បុរស ២៦នាក់ និងស្ត្រី ៩នាក់ មានអាយុចន្លោះពី ១៧ឆ្នាំ រហូតដល់ ៤៧ឆ្នាំ ។ ម្នាក់ក្នុងចំណោមជនសង្ស័យទាំងអស់ បានប្រើប្រាស់គណនីធនាគារផ្ទាល់ខ្លួន ឬឯកសារធនាគារតាមអ៊ីនធើណិត ដើម្បីជួយសម្រួលដល់ការបោកប្រាស់ ។

មន្ត្រីនិយាយថា ខណៈនេះ មនុស្ស ២៣ នាក់ផ្សេងទៀត ដែលមានបុរស ១៣នាក់ និងស្ត្រី ១០នាក់ ដោយមានអាយុចន្លោះពី ១៦ឆ្នាំ ដល់ ៦១ឆ្នាំ ក៏ជាផ្នែកមួយកំពុងស្ថិតនៅក្រោមការស៊ើបអង្កេតផងដែរ ។

កាលពីថ្ងៃព្រហស្បតិ៍ ទាំងមន្ត្រីនគរបាល និងមន្ត្រីហិរញ្ញវត្ថុសិង្ហបុរី អះអាងថា ក្នុងខែកញ្ញា អាជ្ញាធរទទួលបានការរាយការណ៍យ៉ាងហោចណាស់ ១០០ ករណី ដែលបញ្ជាក់ថា ទឹកប្រាក់ប្រហែល ៦.៧ លានដុល្លារសិង្ហបុរី (៥.១លានដុល្លារអាម៉េរិក) ត្រូវជនសង្ស័យដែលបន្លំខ្លួនជាមន្ត្រីរដ្ឋាភិបាល បោកប្រាស់ពីជនរងគ្រោះ ។

នៅក្នុងផែនការបោកប្រាស់នោះ ជនសង្ស័យខ្លះ បានបន្លំខ្លួនជាមន្ត្រីធនាគារ រួចទូរសព្ទទៅកាន់ជនរងគ្រោះ តាមរយៈកម្មវិធីផ្ញើសារ WhatsApp ដោយឆបោកថា ប្រតិបត្តិការហិរញ្ញវត្ថុផ្ទាល់ខ្លួនរបស់ជនរងគ្រោះ មានជាប់ពាក់ព័ន្ធនឹងលុយកខ្វក់ ដែលតម្រូវឱ្យជនរងគ្រោះ បញ្ជាក់ពីប្រតិបត្តិការហិរញ្ញវត្ថុទាំងនោះ បើជនរងគ្រោះបដិសេធ នោះជនឆបោក នឹងផ្ទេរទូរសព្ទទៅកាន់ជនឆបោកបន្ទាប់ដែលក្លែងអត្តសញ្ញាណជាមន្ត្រីនគរបាល ឬមន្ត្រីហិរញ្ញវត្ថុ។ ពេលខ្លះ មានទាំងទូរសព្ទជាវីដេអូ ទៅកាន់ជនរងគ្រោះ ដើម្បីបង្ហាញថា ជនឆបោក គឺជាមន្ត្រីដែលមានទាំងឯកសណ្ឋានជាអ្នកអនុវត្តច្បាប់ត្រឹមត្រូវថែមទៀតផង ។

"ក្នុងករណីខ្លះ ជនឆបោក បានប្រើប្រាស់ប័ណ្ណធានាក្លែងក្លាយ ឬឯកសារផ្លូវការក្លែងក្លាយ ដើម្បីផ្តល់ទំនុកចិត្តដល់ជនរងគ្រោះ សម្រាប់សម្រួលដល់ការបោកប្រាស់របស់ពួកគេ" ។ ក្នុងដំណើរការនេះ ជនឆបោក ព្យាយាមបំភ័យថា ជនរងគ្រោះ មានជាប់ពាក់ព័ន្ធក្នុងសកម្មភាពឧក្រិដ្ឋកម្ម ដូចជា ការលាងលុយកខ្វក់ និងតម្រូវឱ្យជនរងគ្រោះផ្ទេរប្រាក់ទៅ «គណនីធនាគារសុវត្ថភាព» ដែលកំណត់ដោយរដ្ឋាភិបាល ដើម្បីជួយសម្រួលក្នុងការស៊ើបអង្កេត ។

ជាចុងក្រោយ ជនរងគ្រោះ បានដឹងថា ពួកគេចាញ់បោកជនឆបោកដែលបន្លំអត្តសញ្ញាណជាមន្ត្រី នៅពេលមិនអាចទាក់ទងបាន ឬនៅពេលជនរងគ្រោះ ទៅផ្ទៀងផ្ទាត់អត្តសញ្ញាណរបស់ជនឆបោក ជាមួយមន្ត្រីធនាគារ ឬមន្ត្រីនគរបាលពិតប្រាកដ ។
មន្ត្រីនគរបាលជាតិសិង្ហបុរី ព្រមានថា មន្ត្រីនឹងមិនស្ទាក់ស្ទើរក្នុងការចាត់វិធានការតាមផ្លូវច្បាប់ ចំពោះជនបោកប្រាស់ឡើយ ដោយជនឆបោក អាចនឹងជាប់ពន្ធនាគារយ៉ាងហោចណាស់ ៦ ខែ ប៉ុន្តែតុលាការក៏មានឆន្ទានុសិទ្ធិក្នុងការបង្កើនការកាត់ទោសបន្ថែមផងដែរ ប្រសិនបើមានកត្តាធ្វើឱ្យមានស្ថានទម្ងន់ទោស ៕ a fake singapor a fake singapora