ករណីយ៍ចិនត្រូវធ្វើទារុណកម្មស្លាប់នៅប៉ៃលិនសមត្តកិច្ចប្រកាសពីការស៊ើបអង្កេត!
30-March-2025 / ព័ត៌មានជាតិ
ភ្នំពេញ ៖ អ្នកនាំពាក្យកងរាជអាវុធហត្ថលើផ្ទៃប្រទេស បានឲ្យដឹងថា នៅថ្ងៃទី៩ ខែតុលា ឆ្នាំ២០២៤ កងរាជអាវុធហត្ថ បានឃើញអត្ថបទព័ត៌មានមួយពាក់ព័ន្ធនឹងបញ្ជាការដ្ឋានកងរាជអាវុធហត្ថខេត្តប៉ៃលិន ដែលសរសេរថា “ប្រភពពីខេត្តប៉ៃលិន បានឱ្យដឹងថា នៅថ្ងៃទី១៥ ខែសីហា ឆ្នាំ២០២៤ មេការកាស៊ីណូ ញូវហ្វ័រធូណា បាននាំខ្លួនជនរងគ្រោះ ជនជាតិចិនឈ្មោះ Zhou Chunhua អាយុ៣៦ឆ្នាំ តាមរថយន្ត Alphard ពណ៌ស ទៅកាន់បញ្ជាការដ្ឋានកងរាជអាវុធហត្ថខេត្តប៉ៃលិន ដោយចោទប្រកាន់ថា ជនរងគ្រោះជំពាក់លុយពួកគេ។
ក្នុងអំឡុងពេលនៅបញ្ជាការដ្ឋានកងរាជអាវុធហត្ថខេត្តប៉ៃលិន មានមន្ត្រីកងរាជអាវុធហត្ថខេត្តមួយរូបឈ្មោះ សុផល បានទូរស័ព្ទទៅស្ដ្រីខ្មែរម្នាក់ជាប្រពន្ធជនរងគ្រោះឱ្យយកលុយចំនួន ២ម៉ឺនដុល្លារមកដើម្បីដោះស្រាយរឿងប្តី។ នៅថ្ងៃទី១៦ ខែសីហា ឆ្នាំ២០២៤ មេការកាស៊ីណូ បានឱ្យបក្សពួកទៅដឹកជនរងគ្រោះពីបញ្ជាការដ្ឋានកងរាជអាវុធហត្ថត្រលប់ទៅកាស៊ីណូវិញ។ ប៉ុន្តែដោយជនរងគ្រោះរងរបួសធ្ងន់ធ្ងរពីការធ្វើទារុណកម្ម ជនរងគ្រោះក៏បានស្លាប់។”
ឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស សូមគោរពជម្រាបជូនសាធារណជន អ្នកសារព័ត៌មាន និងបុគ្គលពាក់ព័ន្ធនឹងករណីខាងលើនេះ មេត្តាជ្រាបថា៖
១-តាមសេចក្តីរាយការណ៍របស់លោកឧត្តមសេនីយ៍ត្រី កែវ សុផល មេបញ្ជាការកងរាជអាវុធហត្ថខេត្តប៉ៃលិន និងលោកអនុសេនីយ៍ទោ ផូរ៍ សុផល នាយការិយាល័យព្រហ្មទណ្ឌ មន្ទីរស្រាវជ្រាវនិងបង្ក្រាបបទល្មើស បានបញ្ជាក់ថា នៅវេលាម៉ោងប្រមាណ៩ជាងពេលយប់ ថ្ងៃទី១៥ ខែសីហា ឆ្នាំ២០២៤ មានខាងកាស៊ីណូដឹកមនុស្សម្នាក់មកបញ្ជាការដ្ឋានកងរាជអាវុធហត្ថខេត្តប៉ៃលិន ហើយបានប្រាប់ថា ជនជាតិចិននេះជាបុគ្គលិករបស់ក្រុមហ៊ុន បានលួចលុយក្រុមហ៊ុន ខាងក្រុមហ៊ុនមកដាក់ពាក្យបណ្ដឹងនៅបញ្ជាការដ្ឋានកងរាជអាវុធហត្ថខេត្តប៉ៃលិន ដោយសារពេលយប់មិនមានអ្នកបកប្រែ មន្ត្រីនគរបាលយុត្តិធម៌មិនទាន់បានទទួលពាក្យបណ្ដឹង ហើយបុគ្គលជនជាតិចិននោះ ត្រូវបានរក្សាទុកសម្រាកក្នុងបន្ទប់នៅបញ្ជាការដ្ឋានកងរាជអាវុធហត្ថខេត្តប៉ៃលិន។
លុះព្រឹកឡើងថ្ងៃទី១៦ ខែសីហា ឆ្នាំ២០២៤ មន្ត្រីជំនាញបានរកអ្នកបកប្រែ ហើយសួរបុគ្គលនោះអំពីដំណើរហេតុមួយហ៊ាន បានដឹងថា មិនមែនជាករណីលួចទេ គឺជាការជំពាក់ប្រាក់ ដូច្នេះមន្ត្រីជំនាញក៏មិនទទួលពាក្យបណ្ដឹងពីក្រុមហ៊ុនទេ ព្រោះការជំពាក់ប្រាក់ជារឿងរដ្ឋប្បវេណី បន្ទាប់មកមន្ត្រីជំនាញបានទំនាក់ទំនងខាងក្រុមហ៊ុនកាស៊ីណូ ឱ្យមកយកបុគ្គលជនជាតិចិននោះទៅវិញ។
២-បុគ្គលឈ្មោះ Zhou Chunhua ពេលមកដល់បញ្ជាការដ្ឋានកងរាជអាវុធហត្ថខេត្តប៉ៃលិន មិនមានស្នាមរបួស និងមិនបានធ្វើទារុណកម្ម ហើយនៅពេលប្រគល់ជូនទៅខាងក្រុមហ៊ុនកាស៊ីណូវិញ ក៏មិនមានរបួសធ្ងន់ធ្ងរទេ។
៣-ឯកឧត្តម នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស បានបង្កើតគណៈកម្មការចំពោះកិច្ច ដើម្បីធ្វើការស្រាវជ្រាវស៊ើបអង្កេតករណីនេះ ទាំងអង្គហេតុ ទាំងការអនុវត្តនីតិវិធី និងក្រមសីលធម៌ វិជ្ជាជីវៈ។ កងរាជអាវុធហត្ថ ស្នើសុំស្ដ្រីដែលជាប្រពន្ធរបស់ជនរងគ្រោះ និងបុគ្គលពាក់ព័ន្ធ សហការជាមួយនឹងមន្ត្រីនគរបាលយុត្តិធម៌ ដើម្បីអនុវត្តនីតិវិធីករណីខាងលើនេះ។
សូមបញ្ជាក់ថាបើតាមប្រភពពីខេត្ត ប៉ៃលិន បានអោយដឹងថា នៅថ្ងៃទី ១៥ ខែ សីហា ឆ្នាំ ២០២៤ មេការកាស៉ីណូ ញូវហ្វ័រធូណា បាននាំខ្លួនជនរងគ្រោះជនជាតិចិនឈ្មោះ Zhou Chunhua អាយុ ៣៦ ឆ្នាំ តាមរថយន្ត Alphard ពណ៌ស ទៅកាន់ បញ្ជាការដ្ឋានកងរាជអាវុធហត្ថខេត្តប៉ៃលិន ដោយចោទប្រកាន់ថាជនរងគ្រោះជំពាក់លុយពួកគេ ។ ក្នុងអំឡុងពេលនៅបញ្ជាការដ្ឋានកងរាជអាវុធហត្ថខេត្តប៉ៃលិន មានមន្ត្រីកងរាជអាវុធហ្ថខេត្តមួយរូបឈ្មោះ សុផល បានទូរស័ព្ទទៅស្ត្រីខ្មែរម្នាក់ជាប្រពន្ធជនរងគ្រោះអោយយកលុយចំនួន ២ម៉ឺនដុល្លារមកដេីម្បីដោះស្រាយរឿងប្ដី ។
នៅថ្ងៃទី ១៦ សីហា ឆ្នាំ ២០២៤ មេការកាស៉ីណូ បានអោយបក្សពួកទៅដឹកជនរងគ្រោះពីបញ្ជាការដ្ឋានកងរាជអាវុធហត្ថត្រលប់ទៅកាស៉ីណូវិញ ។ ប៉ុន្តែដោយជនរងគ្រោះរងរបួសធ្ងន់ធ្ងរពីការធ្វេីទារុណកម្ម ជរងគ្រោះក៏បានស្លាប់ ។បន្ទាប់ពីជរងគ្រោះស្លាប់ សមត្ថកិច្ចខេត្តប៉ៃលិនបានចុះត្រួតពិនិត្យសាកសព និងវាយតម្លៃថាជនរងគ្រោះមិនមែនស្លាប់ដោយសារការធ្វើទារុណកម្មទេ ហើយការស៊ើបអង្កេតហាក់ដូចធ្វើមិនអស់ពីសមត្ថភាព ។ បន្ទាប់មកក៏បញ្ជូនសំណុំរឿងទៅអយ្យការអមសាលាដំបូងខេត្តប៉ៃលិន ។
ដោយគ្មានសង្ឃឹមថា សមត្ថកិច្ចខេត្តប៉ៃលិនអាចរកយុត្តិធម៌ជូនប្ដីគាត់បានជនរងគ្រោះបានមកដាក់ពាក្យបណ្ដឹងជាថ្មីនៅ អគ្គស្នងការដ្ឋាននគរបាលជាតិ ដើម្បីសុំអោយបើកការស៊ើបអង្កេតឡើងវិញ ទោះបីពេលនេះជនល្មើសរត់គេចខ្លួនអស់ក៏ដោយបន្ទាប់ពីត្រុវបានចាប់ខ្លួនមកស្នងការនគរបាល ។ ករណីនេះ សមត្ថកិច្ចគួរពង្រីកការស៊ើបអង្កេត តែអស់លោកមួយចំនួន ហាក់ដូចជាចង់បិទបាំងករណីឃាតកម្មនេះណាស់ ។
សូមបញ្ជាក់ថា កាស៉ីណូ ញ៉ូវហ្វ័រធូណាយ មានទីតាំងស្ថិតនៅជិតផ្សារព្រំ សង្កាត់ស្ទឹងកាច់ ខេត្ត ប៉ៃលិន ។(ប្រភពលោកផែងវណ្ណៈ)បន្ទាប់ពីមានការប្រកាសរបស់កងរាជអាវុធហត្ថអយ្យការអមតុលាការខេត្តប៉ៃលិនក៏បានយល់ព្រម អនុញ្ញាតអោយមន្ដ្រីនគរបាលយុត្តិធម៌ពីក្រសួងមហាផ្ទៃ ចុះទៅសហការស្រាវជ្រាវករណីធ្វើទារុណកម្មលើជនជាតិចិនបណ្ដាលឲ្យស្លាប់ផងដែរ។
លោក សេង គឹមឡាក់ ព្រះរាជអាជ្ញាអមសាលាដំបូងខេត្តប៉ៃលិន ដែលបានយល់ព្រម អនុញ្ញាតអោយមន្ដ្រីនគរបាលយុត្តិធម៌ពីក្រសួងមហាផ្ទៃ ចុះទៅសហការស្រាវជ្រាវករណីធ្វើទារុណកម្មលើជនជាតិចិនបណ្ដាលឲ្យស្លាប់ នៅថ្ងៃទី ១៦ ខែ សីហា ឆ្នាំ ២០២៤ នៅខេត្តប៉ៃលិន ។ តាមអ្នកដែលដឹងរឿងបានលើកឡើងថាដោយដាក់បន្ទុកថាលោកស្នងការខេត្តប៉ៃលិនលោក សេង សុគន្ធ និង លោក កែវ សុផល មេបញ្ជាការកងរាជអាវុធហត្ថខេត្តប៉ៃលិន បានចូលរួមបិទបាំងភូតភរ តាមថៅកែកាស៊ីណូ ៕
.jpg&h=97&w=146)
.jpg&h=97&w=146)
