ខ្មែរបើកឲ្យរថយន្តវៀតណាមធុនយក្ស ឆ្លងដែនចូលមកដឹកទំនិញដល់ក្នុងដីខ្មែរសង្ស័យនាំចេញទំនិញគេចពន្ធ

ខេត្តស្វាយរៀង : នៅវេលាម៉ោង៤និ១០នាទីល្ងាចថ្ងៃទី៨ ខែកញ្ញា ឆ្នាំ២០២៤ នៅចំណុចដើមស្នាយជិតគម្រោងដីឡូត៍អមតៈ ស្ថិតនៅភូមិក្បាលត្រាច ឃុំថ្មី ស្រុកកំពង់រោទិ៍ ខេត្តស្វាយរៀង ប្រជាពលរដ្ឋបានឃើញឈ្មួញជនជាតិវៀតណាមបាន យករថយន្តធុនធំខ្នាតយក្សប្រភេទវ៉េអងចំនួន០៣គ្រឿង ឆ្លងដែនពីប្រទេសវៀតណាម ចូលមកដឹកទំនិញនៅក្នុងដីខ្មែរ ផ្ទេរទំនិញនៅក្នុងដីខ្មែរពេលថ្ងៃរហូតដល់វេលាម៉ោង៦និង៥០នាទីព្រលប់ ទើបដឹកចូលទៅប្រទេសវៀតណាមតាមច្រករបៀងដើមស្នាយ ដោយគ្មានសមត្ថកិច្ចជំនាញណាមករំខានឡើយដែលគេសង្ស័យថាជាទំនិញគេចពន្ធឬបង់ពន្ធមិនគ្រប់។ 

ប្រជាពលរដ្ឋបាន ប្រាប់អ្នកសារព័ត៌មានយើងថា នៅចំណុចគម្រោងដីឡូត៍អមតៈនេះ ឈ្មួញវៀតណាមតែងតែយករថយន្តឆ្លងដែនចូលមកដីខ្មែររៀងរាល់ថ្ងៃរង់ចាំ ឈ្មួញខ្មែរដឹកទំនិញមកដល់ ក៏ផ្ទេរទំនិញដាក់រថយន្តវៀតណាមដឹកឆ្លងដែនទៅប្រទេសវៀតណាម។ ទំនិញទាំងនោះរួមមាន ស្ករ ស គ្រឿងអេឡិចត្រនិច បារីស៊ែត  ក្រណាត់គីប និងសំលៀកបំពាក់ សង្ស័យជាទំនិញគេចពន្ធ ដោយមិនឃើញមានសមត្ថកិច្ចជំនាញណាមកក្បែរទេដែលធ្វើឲ្យគេជឿថាបើគ្មានផលប្រយោជន៍ទេសមត្តកិច្ចណាឲ្យចូល ។

មហាជនបានរិះគន់ចំៗទៅលើអាជ្ញាធរមានសមត្ថកិច្ច ថា បានបើកដៃឲ្យឈ្មួញប្រើប្រាស់រថយន្តដឹកទំនិញធុនធំធ្ងន់ៗប្រភេទវ៉េអង ចំណុះចាប់ពី ៤០តោន ទៅ ៥០តោន ធ្វើចរាចរណ៍នៅលើផ្លូវជាតិបង្កឲ្យបាក់ស្រុតផ្លូវថ្នល់ខូចជាបណ្តើរៗហើយ បើគ្មានការទប់ស្កាត់ទេ គឺផ្លូវថ្នល់ត្រូវខូចអស់ជាមិនខាននេះមិននិយាយពីការឃុបឃឹតគ្នានាំទំនិញញកេចពន្ធនោះទេ។លោក យ៉ន សុផល  ប្រធានវរៈការពារព្រំដែនលេខ៦០៩អាចទាក់ទងសុំការបកស្រាយ បានទេ ។ ចំណែកលោក ចាន់ ដារ៉ា ប្រធានការិយាល័យសាខាគយ និងរដ្ឋាករប្រចាំច្រកទ្វារព្រំដែនអន្តរជាតិព្រៃវល្លិក៏ អ្នកសារព័ត៌មានយើងមិនអាចរកការបំភ្លឺបានទេ រហូតមកដល់ល្ងាចថ្ងៃទី៩ ខែកញ្ញាឆ្នាំ២០២៤នេះ។