លោក ហាស់ វិបុល ប្រធានមន្ទីរបរិស្ថានខេត្តមណ្ឌលគិរី ត្រូវកូនចៅប្តឹងហើយធ្លាប់ចៅហ្វាយខេត្តស្នើដក!

ដីចំណីផ្លូវសាធារណ:នៅតាមដងផ្លូវទៅច្រកទ្វារព្រំដែនអន្តរជាតិអូរស្មាច់ត្រូវបានគេរំលោភបំពានយកធ្វើសំណង់អគារតូបលក់ដូរឯកជន ស្រេចចិត្ត ?

រដ្ឋាភិបាលសម្រេចឱ្យក្រសួងការពារជាតិ ជ្រើសរើស«ពលទាហានថ្មី ចំនួន៣០០នាក់»

ស្ងាត់ៗឈ្មួញចាក់ដីលុបទន្លេសាបចូលជ្រៅ៧០ម៉ែត្រ អាជ្ញាធរខេត្ត និងមន្ទីរធនធានទឹក ទើបដឹង!

អតីតនាយករដ្ឋមន្ត្រីរដ្ឋាភិបាលជជុះលោក សម សេរី វិលត្រឡប់ចូលស្រុកវិញរកលាភសក្កាៈ

ក្រសួងបរិស្ថាន ប្រកាសថ្កោលទោស និងស្នើឱ្យមានកិច្ចសហការតាមចាប់ព្រានព្រៃដែលបាញ់មន្ត្រីឧទ្យានុរក្ស័ស្រែពក(មានវីដេអូ)

បញ្ជូនប្រពន្ធនគរបាលនិងគ្នីគ្នា៤នាក់ទៀតទៅតុលាការករណីយ៍ជួញគ្រឿងញៀន

ជាច្រើនទៀត

ចំនួនអ្នកទស្សនា

ថ្ងៃនេះ 231 នាក់

ម្សិលមិញ 8656 នាក់

សរុប 16620945 នាក់

ដើមក្ងោកប្រមាណជាង ២ពាន់ដើម មន្ត្រីឧទ្យាននុរក្សនៃមន្ទីរបរិស្ថានខេត្ត យកទៅដាំនៅអមបណ្តោយផ្លូវ ឡើងទៅកាន់រមណីយដ្ឋានធម្មជាតិគីរីរម្យ

06-April-2025 / ទេសចរណ៏និងវប្បធម៌

កំពង់ស្ពឺ៖ដើមក្ងោកប្រមាណជាង ២ពាន់ដើមនៅថ្ងៃទី២១ ខែកក្កដា ឆ្នាំ២០២៤ ត្រូវបានមន្ត្រីឧទ្យាននុរក្សនៃមន្ទីរបរិស្ថានខេត្តយកទៅដាំនៅអមបណ្តោយផ្លូវឡើងទៅកាន់រមណីយដ្ឋានធម្មជាតិគីរីរម្យ ។ a pea cok tree1

ប្រធានមន្ទីរបរិស្ថានខេត្តកំពង់ស្ពឺលោក ចន្ទ័ថេត ថានរៈ បានឱ្យដឹងថា ក្រសួងបរិស្ថានបានរៀបចំ “យុទ្ធសាស្ត្រ ចក្រាវិស័យបរិស្ថាន ឆ្នាំ២០២៣-២០២៨ ក្នុងគោលបំណងតម្រង់ទិស និងចង្អុលបង្ហាញការងារជាអាទិភាព ដើម្បីធានាឱ្យបាននូវចីរភាពបរិស្ថាន និងសុក្រឹតកម្មបរិស្ថាន កិច្ចឆ្លើយតបទៅនឹងការប្រែប្រួលអាកាសធាតុ និងលើកកម្ពស់សេដ្ឋកិច្ចបៃតង សំដៅសម្រេចគោលដៅយុទ្ធសាស្ត្របញ្ចកោណ គឺ«ជាប្រទេស អព្យាក្រឹតកាបូន និងមានគម្របព្រៃឈើ ៦០ភាគរយ នៅឆ្នាំ២០៥០ ដើម្បីឆ្លើយតបទៅនឹងគោលបំណង និងការចង្អុលទិសនេះ មន្ទីរបរិស្ថានក៏បានបំផុសដល់ប្រជាពលរដ្ឋទាំងអស់ឱ្យមានផ្នត់គំនិតស្រឡាញ់នូវព្រៃឈើ បញ្ឈប់នូវរាល់សកម្មភាពកាប់បំផ្លាញ ហើយនាំគ្នាដាំដុះឡើងវិញដើម្បីជាគុណប្រយោជន៍សង្គមជាតិទាំងមូល។ លោកថា ការដាំដុះព្រៃឈើឡើងវិញ គឺបានបង្កើននូវភាពបៃតងហើយផ្សាភ្ជាប់ជាមួយវិស័យទេសចរណ៍និងការរស់នៅរបស់មនុស្សជាតិ។

លោកប្រធានមន្ទីរបរិស្ថានខេត្តកំពង់ស្ពឺលោក បញ្ជាក់បន្ថែមថា គីរីរម្យគឺជារមណីយដ្ឋានធម្មជាតិ បច្ចុប្បន្នភ្ញៀវជាតិ និងភ្ញៀវអន្តរជាតិបាននិងកំពុងមានការចាប់អារម្មណ៍ខ្លាំងនិងបានមកកម្សាន្តលេងជារៀងរាល់ថ្ងៃដើម្បីស្រូបយកខ្យល់អាកាសធម្មជាតិដ៏បរិសុទ្ធ។ ដោយមើលឃើញពីកំណើននៃភ្ញៀវទេសចរនេះ មន្ទីរបរិស្ថានបានដឹកនាំមន្ត្រីក្រោមឱវាទ អាជ្ញាធរមូលដ្ឋានធ្វើការដាំដើមក្ងោកដែលជាដើមផ្តល់នូវផ្កាស្រស់ស្អាតនៅអមសងខាងផ្លូវឡើងទៅកាន់ខ្នងភ្នំគីរីរម្យនេះ ដោយរំពឹងថាសម្រស់នៃផ្ការបស់វានឹងបង្កើននូវការទាក់ទាញភ្ញៀវទេសចរណ៍មួយកម្រិតបន្ថែមទៀត។ចូលរួមដាំដើមក្ងោកជាង ២ពាន់ដើមដោយលោក ចន្ទ័ថេត ថានរៈ ប្រធានមន្ទីរបរិស្ថានខេត្តកំពង់ស្ពឺ លោក ខន សុខុន ប្រធានការិយាល័យឧទ្យានជាតិគីរីរម្យ លោក ឃាង វុធពៅ អនុប្រធានការិយាល័យ មេឃុំត្រែងត្រយឹង ឃុំចំបក់ និងឃុំលោកយាយម៉ៅពេជ្រនិល ដោយដាំអមបណ្តោយផ្លូវពីច្រកចូលផ្លូវជាតិលេខ៤រហូតដល់មជ្ឈមណ្ឌលព្រះពុទ្ធសាសនាកម្ពុជា៕ a pea cok tree a pea cok tree2