ល្អហួស សម្រេចក្តីស្រមៃរាំ «របាំអប្សរា» នៅប្រាសាទអង្គរវត្តបន្ទាប់ពីជោគជ័យនៅស្រុកថៃ
15-March-2026 / សិល្បះនិងប្លែកៗ
ភ្នំពេញ៖ កញ្ញាល្អហួសកាលពីពេលថ្មីៗកន្លងមកនេះបានទទួលជោគជ័យនៅក្នុងការប្រកួតគ្រងមកុដ Miss Preteen Junior Idol 2024 នៅឆាកអន្តរជាតិ។កញ្ញា ជូរី ល្អហួសនាង បានបង្ហើបពីក្តីស្រមៃរបស់ខ្លួនចង់រាំរបាំអប្សរានៅប្រាសាទអង្គរវត្តដើម្បីផ្សព្វផ្សាយអំពីវប្បធម៌ អរិយធម៌ ខ្មែរទៅកាន់ពិភពលោក។
ពេលនេះម្ចាស់ Miss Preteen Junior Idol 2024 កញ្ញាល្អហួស បានប្រកាសពីដំណឹងថា ក្តីស្រមៃរបស់នាងពេលនេះបានសម្រេចហើយ ពោលគឺកញ្ញាទទួលបានការអនុញ្ញាតឱ្យថត «របាំអប្សរា» នៅប្រាសាទអង្គរវត្តដូចការរំពឹងទុកនាពេលកន្លងមក។ជូរី ល្អហួស បានឲ្យដឹងតាមបណ្តាញសង្គមថា” ដំណឹងល្អដែលនាងខ្ញុំទន្ទឹងរង់ចាំ ចង់ជម្រាបជូនទៅកាន់ប្រជាជនកម្ពុជាឱ្យបានជ្រាបថា នាងខ្ញុំសុំច្បាប់បានហើយក្នុងការអនុញ្ញាតិឱ្យថត «របាំអប្សរា» នៅប្រាសាទអង្គរវត្ត ក្តីស្រម៉ៃក្លាយជាការពិត”។ ក្នុងនោះក៏មានអ្នកគាំទ្របានសម្តែងការចូលរួមអបអរផងដែរ។
ជាការពិតណាស់ម្ចាស់មកុដបវរកញ្ញាវ័យក្មេង ជូរី ល្អហួស កាលពីកន្លងទៅពោលគឺអំឡុងពេលនាងចេញទៅប្រកួតនៅប្រទេសថៃ យុវតីរូបនេះក៏បាននាំយកនូវរបាំ អប្សរារបស់ដូនតាខ្មែរដើម្បីយកទៅបង្ហាញនៅលើឆាកអន្តរជាតិ ដើម្បីឱ្យពិភពលោកកាន់តែបានស្គាល់ច្បាស់ថែមទៀត។ សកម្មភាពនេះ ត្រូវបានមហាជនមួយចំនួនធំបានសម្តែងការគាំទ្រ និងសរសើរគ្រប់ៗគ្នា។
លើសពីនេះថែមទៀត បវរកញ្ញាវ័យក្មេង ជូរី ល្អហួស ក៏ធ្លាប់បានសន្យាក្នុងការចូលរួមការងារសង្គមជាតិ នឹងធ្វើជាគំរូល្អសម្រាប់យុវតីកម្ពុជាដើម្បីលើកតម្លៃស្ត្រីទូទាំងសកលផងដែរ។ ការសន្យានេះ ស្របពេលដែល ល្អហួស ជោគជ័យក្នុងការប្រកួតលើឆាកអន្តរជាតិកន្លងទៅ៕ឈុតតំណាជាតិដែល ល្អហួស បានគ្រងនេះមានឈ្មោះថា « អធិរាជិនីហង្សាវតីស្រី កម្ពុជា » ដែលមានន័យថា កំពូលក្សត្រិយ៍ នៃអប្បូររាជហង្សក្នុងដែន កម្ពុជា » ។ ល្អហួស ពិតជាស្រស់ស្អាតប្លែកក្នុងឈុតតំណាងជាតិដ៏ស្រស់ស្អាតនេះ ។តាមរយៈវិដេអូក្នុងឈុតតំណាងជាតិដែល ល្អហួស បានបង្ហោះនៅលើ ហ្វេសប៊ុករបស់ខ្លួននោះ គឺពិតជាទាក់ទាញខ្លាំង រហូតទទួលបានការសរសើរច្រើនពីមហាជន ប៉ុន្តែនៅពីក្រោយនៃការគ្រងឈុតនេះ ល្អហួស បានជួបគ្រោះថ្នាក់មួយនឹកស្មានមិនដល់ ។
ល្អហួស បានបញ្ចេញវិដេអូស្រក់ទឹកភ្នែកនៅពេលដែលនាងថតឈុតតំណាងជាតិ ដោយអមជាមួយសារថា « នាងខ្ញុំមិនបោះបង់ទេ ទៅមុខបន្តទៀត » ។តាមពិតនៅពេលដែល ល្អហួស កំពុងថតឈុតតំណាងជាតិនេះ គឺនាងបានធ្លាក់ពីលើតុធ្វើឱ្យនាងមានការភិតភ័យជាខ្លាំង រហូតដល់ស្រក់ទឹកភ្នែក តែទោះជាយ៉ាងណា ល្អហួស បានប្រឹងប្រែងបំពេញការងាររបស់ខ្លួនរហូតបានចប់សព្វគ្រប់ ហើយទទួលបានលទ្ធផលយ៉ាងល្អ គាប់ប្រសើរ ថែមទាំងទទួលបានការសរសើរច្រើនពីមហាជន ។ឈុតតំណាងជាតិរបស់ លួហួស សម្រាប់ត្រៀមចេញទៅប្រទេសនៅក្នុងកម្មវិធី Miss Pretteen នៅប្រទេស ថៃ គឺចំណាយថវិការក្នុងការធ្វើអស់រាប់ពាន់ដុល្លារ បើប្រៀបធៀបនិងការធ្វើឈុតតំណាងជាតិនាពេលកន្លងមកគឺខុសគ្នាឆ្ងាយណាស់ ៕
