សមត្ថកិច្ចពាក់ព័ន្ធឈរជើងការពារទឹកដីនៅមាត់ច្រកទ្វារអន្តរជាតិអូរស្មាច់បានសហការគ្នា ធ្វើការងារបំរើសេវាជូនប្រជាពលរដ្ឋនិងភ្ញៀវទេសចរឆ្លងដែនចេញ-ចូលប្រទេសកម្ពុជា-ថៃ
21-May-2026 / ទេសចរណ៏និងវប្បធម៌
ខេត្តឧត្តរមានជ័យ : ច្រកទ្វារព្រំដែនអន្តរជាតិអូរស្មាច់ - ឆងចម រវាងប្រទេសកម្ពុជា-ថៃ ស្ថិតក្នុងភូមិសាស្ត្រ សង្កាត់អូរស្មាច់ ក្រុងសំរោង ខេត្តឧត្តរមានជ័យ សព្វថ្ងៃនេះ មានសភាព អ៊ូរអរ ល្អប្រសើរខ្លាំង ទាំងផ្នែកសន្តិសុខ សុវត្ថិភាពតាមព្រំដែន ទាំងការចរាចរណ៍ដឹកជញ្ជូនទំនិញ និងភ្ញៀវបរទេស ក៏ដូចជាប្រជាពលករខ្មែរយើងធ្វើចំណាកស្រុក ចេញ-ចូល ដើម្បីទៅធ្វើការងារ ឬប្រកបរបររកសុីនៅប្រទេសថៃមិនមានបញ្ហា ឬឧបសគ្គអ្វីកើតឡើងទេ ។
លោក ទឺ ពិទូ អ្នកឆ្លើយឆ្លងព័ត៌មានរបស់អង្គភាពគេហទំព័រ មាតុភូមិ www.meatophoum.com ប្រចាំខេត្តឧត្តរមានជ័យ បានរាយការណ៍អោយដឹងថា : នៅមាត់ច្រកទ្វារព្រំដែនអន្តរជាតិអូរស្មាច់ បច្ចុប្បន្ននេះ មានសភាពអ៊ូរអរ ល្អប្រសើរខ្លាំង ព្រោះសមត្ថកិច្ចពាក់ព័ន្ធឈរជើងនៅតំបន់នោះ បានសហការគ្នាធ្វើការងារយ៉ាងរលូន រួមមាន: លោកវរសេនីយ៍ ឯក ស្រេង ធារី ជានាយប៉ុស្តិ៍អន្តោប្រវេសន៍ច្រកទ្វារព្រំដែនអន្តរជាតិអូរស្មាច់ , លោក ផាន់ វណ្ណ: ប្រធានការិយាល័យគយ និង រដ្ឋាករច្រកទ្វារព្រំដែនអន្តរជាតិអូរស្មាច់ , លោក ឯម បញ្ញារិទ្ធិ ប្រធានទីស្នាក់ការច្រកទ្វារព្រំដែនអន្តរជាតិអូរស្មាច់ លោក វរសេនីយ៍ឯក ពៅ ផេង មេយោធា មេទំនាក់ទំនងព្រំដែនខ្មែរ-ថៃ ច្រកទ្វារព្រំដែនអន្តរជាតិ អូរស្មាច់ បានធ្វើអោយមានការប្រែប្រួលគួរអោយកត់សំគាល់ ។
លោក ពិទូបានបន្តថា : តាមការ សង្កេតឃ្លាំមើល ក៏ដូចជាប្រជា ពលរដ្ឋដែលបាន ចេញ-ចូលទៅប្រទេសថៃ បាននិយាយកោត សរសើរអំពីស្នាដៃដឹកនាំ របស់មេៗ អង្គភាពសមត្ថកិច្ចពាក់ព័ន្ធ ជា ពិសេសលោក ស្រេង ធារី នាយប៉ុស្តិ៍អន្តោប្រវេសន៍ច្រកទ្វារព្រំដែនអន្តរជាតិអូរស្មាច់ បានរៀបចំ សណ្តាប់ធ្នាប់សាធារណ: នៅមុខច្រកទ្វារ និងពង្រឹងវិន័យ ក្រមសីលធម៌ វិជ្ជាជីវ: បទបញ្ជាផ្ទៃក្នុងរបស់អង្គភាពដល់កងកម្លាំងនគរបាលអន្តោប្រវេសន៍ក្រោមឱវាទ អោយយកចិត្តទុកដាក់តាមតួនាទី និង អនុវត្តភារកិច្ច ដោយសហការល្អ ជាមួយសមត្ថកិច្ចពាក់ព័ន្ធទាំងអស់នៅច្រកទ្វារព្រំដែនអន្តរជាតិអូរស្មាច់ដើម្បីបំរើសេវាជូនប្រជាពលរដ្ឋខ្មែរ និងភ្ញៀវបរទេស ចេញ-ចូល ប្រទេសកម្ពុជា-ថៃបានយ៉ាងល្អប្រសើរ ទាំងការចរាចរណ៍ ដឹក ជញ្ជូនទំនិញផ្សេងៗ និងការធ្វើដំណើរឆ្លងដែនចេញ-ចូល របស់ភ្ញៀវបរទេស ក៏ដូចពល រដ្ឋខ្មែរ ត្រូវបានត្រួតពិនិត្យយ៉ាងតឹងរុឹង ស្របទៅតាមច្បាប់ អន្តោ ប្រវេសន៍ មិនអាចចន្លោះ ប្រហោងទេ ។
លើសពីនេះទៀត លោក ស្រេង ធារី បានយកចិត្ត ទុកដាក់ខ្ពស់ ក្នុងផ្តល់សេវាជូន ប្រជាពលរដ្ឋខ្មែរ ជាពិសេសជន ពិការ និង ស្ត្រីមានផ្ទៃពោះ និង ក្មេងៗមានជម្ងឺ ហើយត្រូវឆ្លង ដែនទៅពិនិត្យ ព្យាបាលជម្ងឺនៅប្រទេសថៃ ត្រូវបានផ្តល់អាទិភាពមុនគេ ក្នុងការបំពេញបំបែបបទលិខិត ស្នាម និងការសម្របសម្រួលជាមួយសមត្ថកិច្ចភាគីថៃ ដើម្បីបានលឿនរហ័សជូនពួកគាត់ ដោយមិនគិតពីការនឿយហត់ និងពេលវេលាទេ ទោះជាថ្ងៃ ឬ យប់ក្នុងករណីត្រូវបញ្ជូនមនុស្សទៅសង្គ្រោះបន្ទាន់ នៅមន្ទីរពេទ្យក្នុងទឹកដីថៃ ។
ការ សម្រេចបាននូវស្នាដៃល្អៗទាំងនេះរបស់មេៗដឹកនាំអង្គភាព គឺបានគោរពនិងអនុវត្តតាមគោលនយោបាយ បទបញ្ជាដ៏ខ្ពង់ខ្ពស់របស់ប្រមុខដឹកនាំប្រទេស គឺសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ព្រមទាំងថ្នាក់ដឹកនាំជាន់ខ្ពស់របស់រដ្ឋាភិបាលកម្ពុជា ក៏ដូចជា ការគោរពអនុវត្តតាមបទបញ្ជាផ្ទាល់ របស់ឯកឧត្តម មាន ចាន់យ៉ាដារ អភិបាល នៃគណ:អភិបាលខេត្ត និងជាគណ: បញ្ជាការឯកភាពខេត្តឧត្តរមានជ័យ ដែលទើបចូលកាន់តំណែងថ្មីៗកន្លងទៅនេះ ផងដែរ ៕ ដោយ: សុផល & ពិទូ
