ឃាត់ខ្លួនមុខសញ្ញាចោរកម្ម ករណីយ៍ លួចគ្រាប់ប៊ូល ជាង១០គ្រាប់ និងម៉ូទ័រស្វាន ចំនួន ៣គ្រឿង
15-March-2026 / សន្តិសុខសង្គម
ភ្នំពេញ ៖ ករណីយ៍ចោរកម្មនោះ បានកើតឡើងកាលពី ថ្ងៃទី២៦ ខែមិថុនា ឆ្នាំ២០២៤ នៅក្នុងផ្ទះគ្មានលេខមួយកន្លែង ស្ថិតនៅតាមបណ្ដោយមហាវិថីឈ្នះឈ្នះ ក្នុងភូមិសំរោង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។សមត្តិកិច្ចឲ្យដឹងថា ជនសង្ស័យម្នាក់ ដែលជាមុខសញ្ញាចោរកម្ម ដែលកន្លងមកធ្លាប់បានជាប់ពន្ធនាគាររយៈពេល២ឆ្នាំ ព្រោះរឿងលួចរទេះអេតចាយ១គ្រឿង លុះពេលចេញមកវិញ មិនរាងចាលឡើយ ក៏បានប្រព្រឹត្តអំពើលួចដដែល ក៏ត្រូវមេភូមិ រួមជាមួយប្រជាការពារ និងប្រជាពលរដ្ឋធ្វើការឃាត់ខ្លួនម្ដងទៀត ហើយអាចប្រឈម នឹងជាប់ពន្ធនាគារជាលើកទី២ ម្ដងទៀត។
ជននេះ ធ្វើសកម្មភាពចូលលួចយកបានគ្រាប់ប៊ូល ១២គ្រាប់ដែលមានតម្លៃជិត១ពាន់ដុល្លារនិងម៉ូទ័រស្វាន ចំនួន ៣គ្រឿងពីក្នុងផ្ទះមួយកន្លែងរបស់ស្ត្រីម្នាក់ ឈ្មោះ កង រ័ត្នមុនី អាយុ៤០ឆ្នាំ ។
ជនសង្ស័យឈ្មោះ អឿន ធី អាយុ៣៣ឆ្នាំ ស្នាក់នៅមិនពិតប្រាកដនោះទេ យប់ត្រង់ណា ដេកកន្លែងនោះ (ចឹងបានគាត់លួចបើចូលគុកមានបាយស្រាប់)ហើយជននេះ បានធ្វើសកម្មភាពលួចគ្រាប់ប៊ូលចំនួន ១២គ្រាប់ ថ្លៃជិត១ពាន់ដុល្លារ និងម៉ូទ័រស្វាន ចំនួន៣គ្រឿងទៀត ។
ស្ត្រីម្ចាស់ផ្ទះរូបនេះ បានប្រាប់ឲ្យដឹងថា គាត់បានទិញគ្រាប់ប៊ូល ចំនួន១២គ្រាប់ តម្លៃជិត១ពាន់ដុល្លារ ដើម្បីដាក់់ជួលឲ្យគេលេងគ្រាន់ និងបានលុយតុងខ្លះ ។នៅវេលាយប់ ថ្ងៃទី២៥ ខែមិថុនា រូបគាត់បានទុកគ្រាប់ប៊ូល និងម៉ូទ័រស្វាន ៣គ្រឿង នៅក្នុងផ្ទះកើតហេតុ ដោយបានចាក់សោត្រឹមត្រូវ លុះរៀបចំទុកដាក់ហើយរួចរាល់ គាត់ក៏បានចាកចេញទៅដេកនៅផ្ទះរបស់គាត់មួយកន្លែងផ្សេងទៀត ស្ថិតនៅក្នុងភូមិនោះដែរ បន្ទាប់មក ក៏បានដេកលង់លក់រហូតដល់ភ្លឺ។ ដល់វេលាម៉ោង៦ព្រឹក ថ្ងៃទី២៦ ខែមិថុនា ទើបគាត់បានទៅបើកទ្វារផ្ទះគ្មានលេខនោះ ដើម្បីទទួលអ្នកទៅលេងប៊ូលផង និងលក់ដូរផង ក៏ស្រាប់តែបាត់គ្រាប់ប៊ូល១២គ្រាប់ និងម៉ូទ័រស្វាន ៣គ្រឿង ទើបមានការភ្ញាក់ផ្អើល និងទៅប្ដឹងនគរបាលប៉ុស្តិ៍សំរោងក្រោម ឲ្យជួយអន្តរាគមន៍ ។
កម្លាំងនគរបាលប៉ុស្តិ៍សំរោង បានប្រកាលផ្ដល់ដំណឹងដល់បណ្ដាប៉ុស្តិ៍ និងគោលដៅនានា អំពីភិនភាគជនជនសង្ស័យ បន្ទាប់មកនៅវេលាម៉ោង១១ព្រឹកថ្ងៃដដែល ស្រាប់តែជនសង្ស័យរូបនោះ បានយកគ្រាប់ប៊ូល និងម៉ូទ័ស្វាន ដែលលួចបាននោះ ដើរលក់នៅក្នុងភូមិអក្សរ សង្កាត់ត្រពាំងក្រសាំង ខណ្ឌពោធិ៍សែនជ័យ ដែលជាប់ព្រំប្រទល់គ្នាជាមួយសង្កាត់សំរោងក្រោមនោះដែរ ។ ពេលនោះ ក៏ត្រូវបានលោកមេភូមិអក្សរ រួមជាមួយប្រជាការពារ និងប្រជាពលរដ្ឋធ្វើការឃាត់ខ្លួនប្រគល់ជូននគរបាល នាំយកទៅធ្វើការសាកសួរនៅប៉ុស្តិ៍ត្រពាំងក្រសាំង ។ជនសង្ស័យបានសារភាពថា ខ្លួនពិតជាបានធ្វើសកម្មភាពលួចសម្ភាររៈនេះមែន ដោយចូលលួចនៅវេលាម៉ោង៤ជិតភ្លឺ ថ្ងៃទី២៦ ខែមិថុនា ។ បន្ទាប់មក យកទៅលក់ ក៏ត្រូវមេភូមិ ប្រជាការពារ និងប្រជាពលរដ្ឋចាប់ខ្លួនតែម្ដង កន្លងមកខ្លួនក៏ធ្លាប់ជាប់ពន្ធនាគារ រយៈពេល២ឆ្នាំហើយដែរ ដោយសារតែលួចរទេះអេតចាយគេ១គ្រឿង ។ នគរបាលប៉ុស្តិ៍ត្រពាំងក្រសាំង ក៏បានបញ្ជូនជនសង្ស័យនេះ ទៅកាន់សប៉ុស្តិ៍សំរោងក្រោមដែលជាកន្លែងកើតហេតុ ដើម្បីចាត់ការបន្តតាមនិតិវិធីច្បាប់ ៕
