» មនុស្ស​៤​នាក់​បាន​បាត់​បង់ជីវិត និង​មនុស្ស​២​នាក់​ទៀត ត្រូវ​រងរបួស​ធ្ងន់​ពេល ដើរ​រើស​ជ័រ កាច់​ផ្ដៅ​ក្នុងព្រៃ » ក្រសួង​ការងារ ចុះ​កិច្ចព្រមព្រៀង​ជាមួយ​អង្គភាព​អភិវឌ្ឍន៍​ធនធានមនុស្ស​កូរ៉េ ដើម្បី​ពង្រឹង​កិច្ចសហប្រតិបត្តិការ និង​ប្រសិទ្ធភាព​នៃ​ការបញ្ជូន​ពលករ​ » ជញ្ជីង​ថ្លឹង​រថយន្ត​នៅ​ផ្លូវជាតិ​លេខ ៤​ក្នុងស្រុក​អង្គស្នួល​ក្លាយជា​កន្លែង​ថ្លឹង​លុយ​របស់លោក​ប្រធាន​ស្ថានីយ៍​!? » មានការ​វាយ​ប្រយុទ្ធ​គ្នា​ជាថ្មី​នៅ​តំបន់​ព្រំដែន​ថៃ​-​មី​យ៉ាន់​ម៉ា​បន្ទាប់ការអំពាវនាវរដ្ឋមន្ត្រីការបរទេសអាស៊ាន » ស្ត្រី​ម្នាក់​ត្រូវ​បុរស​ម្នាក់ យក​កាំបិត​ចុង​ស្រួច​ចូលទៅ​ចាក់​សម្លាប់​ ​ដល់​ក្នុងផ្ទះ រួច​អារ​.​ក សម្លាប់​ខ្លួនឯង តែ​មិន​ស្លាប់​ » នាយករដ្ឋមន្ត្រី ណា​រិ​ន្ទ្រ មូ​ឌី និង​មេដឹកនាំ​បក្សប្រឆាំង​បញ្ចប់​យុទ្ធនាការ​ឃោសនាបោះឆ្នោត​ » ទាហាន​ឈុតខ្មៅ​ថៃ​ដើរល្បាត​តាម​ព្រំដែន​ក្នុង​ដី​ខ្មែរ​យ៉ាង​គឃ្លើន តែ​ទាហាន​ខ្មែរ​បែរជា​ហាម​ពលរដ្ឋ​ខ្មែរ​កុំ​បង្ហោះ​ព័ត៌មាន​ឬ Videos ស្តីពី​សកម្មភាព​របស់​ទាហាន​ថៃ​ទៅវិញ !? » ពលរដ្ឋ​ខ្មែរ​ម្នាក់​ត្រូវ​សមត្ថកិច្ច​ឃាត់ខ្លួន​ជាមួយ​ទឹកប្រាក់​៦១៨,០០០ បាត​ » យុវជន​ពីរ​នាក់​បាន​ស្លា​.​ប់​ភ្លាមៗ​នៅ​កន្លែងកើតហេតុ​ដោយសារ​ជិះ​ម៉ូតូឌុប​គ្នា​ទៅបុក​រថយន្ដ​មួយគ្រឿង បើក​ដោយ​នារី​ម្នាក់​ » សំណុំរឿង​ក្រុមហ៊ុន​ប្រ៊ី​លាន​អតីត​ឧកញ៉ា​ឡេង ចាន់ណា តុលាកា​សម្រេច​បង្កក​គ​ណ​នី​ធនាគារ​ចំនួន​១៨៣ និង​ទ្រព្យសម្បត្តិ​មួយចំនួន​, » អធិការបតី​អាល្លឺម៉ង់​ទៅ​ចិន​លើក​ទី​២​បង្ក​ឲ្យ​មានការ​ចាប់អារម្មណ៍​និង​តាមដាន​ » សប្បាយ​និង​ទុក្ខ​កើតឡើង​ពេល​ចូលឆ្នាំ​ប្រពៃណី​យ៍​ជាតិខ្មែរ​ឆ្នាំរោង​ » អ៊ីរ៉ង់ ព្រមាន​អ៊ីស្រាអែល​ថា​នឹង «​រង​ការវាយប្រហារ​ខ្លាំង​ជាង​នេះ​» ប្រសិនបើ​ចាត់វិធានការ​ឆ្លើយតប​មកលើ​ខ្លួន​វិញ​ដែល​ជាការ​បង្ហាញថា​អ៊ីរ៉ង​ចង់​ចប់​ត្រឹមហ្នឹង​?! » នៅ​ខេត្ត​ព្រះសីហនុ​អ្នក​រៀប​កម្មវិធី Miss Grand Cambodia 2024​ធ្វើ​សន្និសីទកាសែត​ប្រាប់​ពី​កម្មវិធី​បន្ត​ » អភិបាលខេត្ត​កំពង់ស្ពឺ​ប្រគល់​ម៉ូតូ​៤​គ្រឿង​ជូន​ក្រុមការងារ​បរិស្ថាន​ដែល​រង​ការដុត​បំផ្លាញ​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 6312 នាក់

ម្សិលមិញ 6359 នាក់

សរុប 14092945 នាក់

ធនាគា​ជាតិ​វាយតម្លៃ​ពី​សេដ្ឋកិច្ចកម្ពុជា​ឆ្នាំ ២០២៣ កំណើន​ក្នុង​អត្រា ៥,៥% នឹងមាន​កំណើន​ក្នុង​រង្វង់ ៦,៤% នៅ​ឆ្នាំ ២០២៤

 

​ភ្នំពេញ​៖ សេដ្ឋកិច្ចកម្ពុជា ត្រូវបាន​រំពឹង​ដោយ​សុទិដ្ឋិនិយម​ថា នឹង​បន្ត​ងើបឡើង​បន្ថែមទៀត​ក្នុង​រង្វង់ ៦,៤% នៅ​ឆ្នាំ ២០២៤​។​កាលពី​ថ្ងៃទី ២៥ ខែ មករា ឆ្នាំ ២០២៤​នៅក្នុង​ឱកាស​បើក​សន្និបាត​បូកសរុប​លទ្ធផល ការងារ​ប្រចាំឆ្នាំ ២០២៣ និង​ទិសដៅ​ការងារ​ឆ្នាំ ២០២៤ របស់​ធនាគារជាតិ​នៃ​កម្ពុជា លោកស្រី​បណ្ឌិត ជា សិរី ទេសាភិបាល​ធនាគារជាតិ​នៃ​កម្ពុជា បាន​វាយតម្លៃថា​កំណើនសេដ្ឋកិច្ច​កម្ពុជា សម្រាប់​ឆ្នាំ ២០២៣ ត្រូវបាន​ប៉ាន់​ស្មានថា កើនឡើង​ក្នុង​អត្រា ៥,៥% ។​ការវាយតម្លៃ​ដោយ​លោក​ជំ​តាវ​ជា​សេរី​សំអាងថា​កើន​ដោយសារ​គាំទ្រ​ដោយ​ការបន្ត​ងើបឡើង​នៃ​វិស័យ​ទេសចរណ៍ សន្ទុះ​កំណើន​ថ្មី​នៃ​វិស័យ​កម្មន្តសាល​មិនមែន​កាត់ដេរ​សម្រាប់​នាំចេញ កំណើន​តម្រូវការ​ក្នុងស្រុក ជាមួយនឹង​ការគាំទ្រ​ក្នុង​ក្របខណ្ឌ​នយោបាយ​ម៉ាក្រូសេដ្ឋកិច្ច ដូចជា កំណើន​ចំណាយ​រាជរដ្ឋាភិបាល ការ​អនុ គ្រោះ​ផ្នែក​សារពើពន្ធ និង​ការគាំទ្រ​ពី​ប្រព័ន្ធ​ធនាគារ ជាដើម​។ ឯ​អត្រា​អតិផរណា ក៏បាន​ថយចុះ​មកវិញ​ត្រឹម ២,១% ធៀប​នឹង​អត្រា​ខ្ពស់ ៥,៤% កាលពី​ឆ្នាំ ២០២២​។ a chea bank1 

​សម្រាប់​ឆ្នាំ​២០២៤​កំណើនសេដ្ឋកិច្ច​កើន​អា​ស្រ​យ័​ដោយមាន​គាំទ្រ​ជា​ចម្បង​ដោយ​ការកើនឡើង​នៃ​វិស័យ​ទេសចរណ៍ និង​វិស័យ​កម្មន្តសាល​ដដែល​។​វិស័យ​ទេសចរណ៍​ត្រូវបាន​រំពឹងថា​នឹង​ងើបឡើង ដោយសារ​ភាពប្រសើរឡើង​នៃ ស្ថានភាព​ទេសចរណ៍​ក្នុង​តំបន់ ព្រមទាំង​ការបន្ត​អភិវឌ្ឍន៍ និង​កែលម្អ​ហេដ្ឋារចនាសម្ព័ន្ធ​ដែល​នឹង​គាំទ្រ​ដល់​វិស័យនេះ​។ តាមរយៈ​ការអនុវត្ត​ច្បាប់​វិនិយោគ​ថ្មី វិស័យ​កម្មន្តសាល​ត្រូវបាន​រំពឹងថា នឹង​សម្រេចបាន​កំណើន​ល្អ​ជាង​ឆ្នាំ ២០២៣ ជាពិសេស ផលិតផល​កម្មន្តសាល​មិនមែន​កាត់ដេរ ហើយ​វិស័យ​កាត់ដេរ​រំពឹងថា នឹង​ងើប​ឡើងជា​លំដាប់​។

​របាយការណ៍​បន្តថា វិស័យ​កសិកម្ម​ត្រូវបាន​ព្យាករ​ថា នឹងមាន​កំណើន​ខ្ពស់ជាង​ឆ្នាំ​២០២៣​បន្តិច ដោយ​ទទួលបាន​អត្ថប្រយោជន៍​ពី​ការបន្ត​ធ្វើ​ពិពិធ​កម្ម​ទីផ្សារ​ទៅកាន់​ប្រទេស ជា​សមាជិក​នៃ​កិច្ចព្រមព្រៀង​ភាពជា​ដៃគូ​សេដ្ឋកិច្ច​គ្រប់​ជ្រុងជ្រោយ​ក្នុង​តំបន់ (RCEP) និង​កិច្ចព្រមព្រៀង​ពាណិជ្ជកម្ម​សេរី​ទ្វេភាគី​នានា គួបផ្សំ​នឹង​គោលនយោបាយ​គាំទ្រ​របស់​រាជរដ្ឋាភិបាល​ក្នុងការ​លើកស្ទួយ ផលិតកម្ម និង​ទីផ្សារ​។​ចំណែក​វិស័យ​សំណង់ និង​អចលនទ្រព្យ​ដែល​បាន​ទទួលរង​ឥទ្ធិពល​ពី​វិបត្តិ​កន្លងមក ត្រូវបាន​ព្យាករ​ថា​នឹង​បន្ត​មាន​កំណើន​ទាប ដែល​នឹង​បន្ត​ទទួលបាន​ការគាំទ្រ​ពី​គម្រោង​អភិវឌ្ឍន៍ ហេដ្ឋារចនាសម្ព័ន្ធ​សាធារណៈ គួបផ្សំ​នឹង​ការ​ងើប​ឡើងវិញ​សន្សឹមៗ​នៃ​តម្រូវការ​ក្នុងស្រុក ដែល​ផ្តោតលើ​លំនៅឋាន​ដែលមាន​តម្លៃ​សមរម្យ ក្នុងពេលដែល​តម្រូវកា​រ​សំណង់​ប្រណិត​ដ៏​វែ​បម្រើ​ដល់​អ​និវាស​ន​ជន ត្រូវបាន​រំពឹងថា​នឹង​បន្ត​មាន​ភាពទន់ខ្សោយ​។​​សម្រាប់​អត្រា​អតិផរណា​វិញ​នៅ​ឆ្នាំ​២០២៤ ត្រូវបាន​ព្យាករ​ថា មាន​កម្រិត ២,៥% ខ្ពស់ជាង​ឆ្នាំ ២០២៣​បន្តិច​ដែលជា​ចម្បង​ដោយសារ​ការរំពឹង​ថា​ថ្លៃ​ប្រេង​នៅ​ពិភពលោក​អាច​នឹង​កើនឡើង បន្ទាប់ពី​ក្រុម​ប្រទេស​នាំចេញ​ប្រេង​មាន​គម្រោង​កាត់បន្ថយ​ការផ្គត់ផ្គង់​។

​ទោះ​មាន​សុទិដ្ឋិនិយម​ចំពោះ​កំណើនសេដ្ឋកិច្ច​នៅ​ឆ្នាំ​ក៏ដោយ​ក៏ ធនាគារជាតិ​នៃ​កម្ពុជា បាន​ព្រមាន​អំពី​ហានិភ័យ​មួយចំនួន​ដែល​អាច​ជះឥទ្ធិពល​អាក្រក់​ពី​កត្តា​ខាងក្រៅ​និង​ខាងក្នុង​ដល់​សេដ្ឋកិច្ចកម្ពុជា​ផងដែរ រួមមាន​៖ កំណើន​ទាប​ជាង​ការរំពឹងទុក​នៃ​សេដ្ឋកិច្ច​ប្រទេស​ជា​ដៃគូ ពាណិជ្ជកម្ម​ចម្បងៗ​របស់​កម្ពុជា ដូចជា ចិន អាមេរិក និង​អឺរ៉ុប ដែល​អាច​ប៉ះពាល់​ដល់​លំហូរ​វិនិយោគ នាំចេញ និង​ទេសចរណ៍​, ប្រក្រតី​កម្ម​នយោបាយ​រូបិយវត្ថុ​នៃ​ប្រទេស​អភិវឌ្ឍន៍​ធំៗ​ប្រព្រឹត្តទៅ​យឺត​ជាង ការរំពឹងទុក ដែល​អាចដាក់​សម្ពាធ​លើ​ការខ្ចី​ពី​ក្រៅប្រទេស និង​អត្រា​ការប្រាក់​នៅ​កម្ពុជា​, ការកើនឡើង​នៃ​ភាព​តានតឹង និង​ការបែងចែក​ភូមិសាស្ត្រ​នយោបាយ​ពិភពលោក អាច​រាំងស្ទះ​ដល់​ខ្សែ​ច្រវាក់​ផ្គត់ផ្គង់ និង​បង្អាក់​សន្ទុះ​កំណើន​ការនាំចេញ និង​វិនិយោគ​។​ចំណែក​កត្តា​ប្រែប្រួល​អាកាសធាតុ​ដែល​ធ្វើឱ្យ​វិស័យ​កសិកម្ម​មាន​កំណើន​ទាប ជាពិសេស​បាតុភូត​អែល​នី​ញ៉ូ ដែល​ត្រូវបាន​ព្យាករ​ថា នឹងមាន​ឥទ្ធិពល ខ្លាំង​ជាង​ឆ្នាំ ២០២៣ និង លទ្ធភាព​កើនឡើង​នៃ​ឧក្រិដ្ឋកម្ម​សាយ​ប៊័រ អាច​ប៉ះពាល់​ដល់​ជំនឿ​ទុកចិត្ត របស់​សាធារណជន​មកលើ​ប្រព័ន្ធ​ទូទាត់​ឌីជីថល និង​ប្រព័ន្ធ​ហិរញ្ញវត្ថុ​ទាំងមូល​។

​ឯ ហានិភ័យ ខាងក្នុង រួមមាន​៖ ការកើនឡើង​នៃ​ឥណទាន​មិន​ដំណើរការ អាច​បន្ថយ​កំណើន​ឥណទាន​សម្រាប់​ការប្រើប្រាស់ និង​ការវិនិយោគ និង​កំណើន​នៃ​វិស័យ​សំណង់ និង​អចលនទ្រព្យ​អាច​បន្ត​មាន​កម្រិត​ទាប និង​អាចមាន​ឥទ្ធិពល​បន្ត​លើ​វិស័យ​ផ្សេងទៀត ដូចជា វិស័យ​ធនាគារ ជាដើម​។ កម្ពុជា​ក៏​នៅ​ប្រឈម​នឹង​បញ្ហា​ជា​រចនាសម្ព័ន្ធ​ចម្បងៗ ដូចជា ពិពិធ​កម្ម​សេដ្ឋកិច្ច និង​ការនាំចេញ​នៅមាន​សន្ទុះ​យឺត​, សមត្ថភាព​ជំនាញ និង​ផលិតភាព​នៅមានកម្រិត​, ថ្លៃ​ដឹកជញ្ជូន និងរ​អគ្គិសនី​ខ្ពស់ ធៀប​នឹង​ប្រទេស​ជា​ដៃគូ​ប្រកួតប្រជែង​សម្រាប់​ការនាំចេញ​, វិស័យ​កសិកម្ម​ងាយ​រងគ្រោះ​ពី​ការប្រែប្រួល​អាកាសធាតុ និង​ដុល្លា​រូបនីយកម្ម​នៅមានកម្រិត​ខ្ពស់​។

បើ​យោងតាម​ទិន្នន័យ​របស់​អគ្គនាយក​ដ្ឋា​ន​គយ និង​រដ្ឋាករ​ចេញផ្សាយ​នៅ​ថ្ងៃទី ១០​ខែ មករា ឆ្នាំ ២០២៤​បាន​ឲ្យ​ដឹងថា​៖ ទំហំ​ពាណិជ្ជកម្ម​នាំចេញ​-​នាំចូល​សរុប​របស់​ប្រទេស​កម្ពុជា នៅ​ឆ្នាំ ២០២៣ សម្រេចបាន​តម្លៃ​ទឹកប្រាក់​ប្រមាណ ៤៦,៨២​ពាន់​លាន​ដុល្លារ​អាម៉េរិក ធ្លាក់ចុះ ១,៩% បើ​ធៀប​នឹង​ឆ្នាំ ២០២២​។ នេះ​ទិន្នន័យ​ដដែល​នេះ​បង្ហាញថា ប្រទេស​កម្ពុជា បាន​នាំចេញ​មុខទំនិញ​នានា មានតម្លៃ​ទឹកប្រាក់​ប្រមាណ ២២,៦៤​ពាន់​លាន​ដុល្លារ​អាម៉េរិក នៅក្នុង​ឆ្នាំ ២០២៣​។ តួលេខ​នេះ បាន​កើនឡើង ១,៨% បើ​ធៀប​នឹង​ឆ្នាំ ២០២២​។ ក្នុងពេល​ជាមួយគ្នានេះ ការនាំ​ចូល​របស់​កម្ពុ​ជា សម្រេចបាន ២៤,១៨​ពាន់​លាន​ដុល្លារ​អាម៉េរិក ធ្លាក់ចុះ ៥% បើ​ធៀប​កាលពី​ឆ្នាំមុន​។

​មុខទំនិញ​នាំចេញ​សំខាន់ៗ​របស់​កម្ពុជា ក្នុងនោះ​រួមមាន ផលិតផល​វាយ​ន​ភណ្ឌ​កាត់ដេរ សម្លៀកបំពាក់ ស្បែកជើង និង​កាបូប​ធ្វើដំណើរ​, គ្រឿង​បង្គុំ​, បរិក្ខា​អគ្គិសនី​, ម៉ាស៊ីន​, គ្រឿងបន្លាស់​អេឡិចត្រូនិក​, គ្រឿង​សង្ហា​រឹម​, កង់​, ប្លា​ស្ទិ​ក និង​គ្រឿងអលង្ការ ជាដើម​។​ចំណែក​មុខទំនិញ​ដែល​កម្ពុជា នាំចូល​ភាគច្រើន មានដូចជា វត្ថុធាតុដើម​វាយ​ន​ភណ្ឌ​កាត់ដេរ​, ផលិតផល​ត្បូង​ចម្រុះ និង​គ្រឿងអលង្ការ​មានតម្លៃ​, ប្រេងឥន្ធនៈ​, សម្ភារ​សំណង់​, គ្រឿង​អេឡិចត្រូនិក​, យានយន្ត​, គ្រឿងឧបភោគ​បរិភោគ និង​ឳ​សថ និង​បរិក្ខា​ពេទ្យ ជាដើម​។

​ការធ្លាក់ចុះ​នៃ​ទំហំ​ពាណិជ្ជ​កម្មនេះ ត្រូវបាន​រុញ​ច្រើន​ដោយ​ការនាំចេញ​ផលិតផល​សម្លៀកបំពាក់ ស្បែកជើង និង​កាបូប​ធ្វើដំណើរ បាន​កត់ត្រា​ពី​ការធ្លាក់ចុះ​ក្នុង​អត្រា​ពីរ​ខ្ទង់ កាលពី​ឆ្នាំមុន ដោយសារ​ការកើនឡើង​អតិផរណា បាន​កាត់បន្ថយ​ការចំណាយ​នៅក្នុង​ប្រទេស​ជាច្រើន រួមទាំង​ទីផ្សារ​សំខាន់ៗ​ដូចជា សហរដ្ឋ​អាម៉េរិក និង​អឺរ៉ុប​។ បើទោះបីជា ការនាំចេញ​ផលិតផល កសិកម្ម និង​ផលិតផល​កម្មន្តសាល​មិនមែន​កាត​ដេរ នៅតែ​រក្សាបាន​កំណើន​ខ្ពស់ និង​បានរួម​ចំណែក​យ៉ាងសំខាន់ ក្នុងការ​ជំរុញ​ដល់​កំណើន​នាំចេញ​សរុប​របស់​ប្រទេស​កម្ពុជា​។​ម្យ៉ាងវិញទៀត ការ​ហក់​ឡើង​នៃ​តម្លៃ​ប្រាក់​ដុល្លារ​អាម៉េរិក ក៏​ជា​ផ្នែក​មួយ​ធ្វើ​ឲ្យ​ថ្លៃទំនិញ​នាំ​ចេញពី​កម្ពុជា មាន​កម្រិត​ខ្ពស់ជាង​មុន នឹងដាក់​សម្ពាធ​ដល់​កំណើន​នាំចេញ​ផងដែរ​។

​ពាក់ព័ន្ធ​ការធ្លាក់ចុះ​ពាណិជ្ជកម្ម​នាំចូល​វិញ បណ្តាលមកពី​តម្រូវការ​ក្នុងស្រុក​ខ្សោយ គ្រា​ដែល​ការ​ងើប​ឡើងវិញ​យឺត​នៃ​វិស័យ​សំណង់ និង​អចលនទ្រព្យ ខណៈ​វិស័យ​ទេសចរណ៍​មិនទាន់​អាច​វិល​ទៅរក​កម្រិត​មុន​វិបត្តិ​កូ​វីដ​១៩ ទោះបី​មាន​ភាពប្រសើរឡើង​ក៏ដោយ​។ បន្ថែម​ពីនេះ ការដំឡើង​អត្រា​ការប្រាក់​គោល​ជាច្រើន​ដង​របស់​សហរ​ដ្ឋ​អាម៉េរិក បានធ្វើ​ឲ្យ​មាន​លំហូរ​ចេញ​មូលធន និង​អត្រា​ការប្រាក់​វិស័យ​ធនាគារ​កើនឡើង ធ្វើ​ឲ្យ​តម្រូវ​កម្ចី​ថមថយ​ល្បឿន ខណៈដែល​វិស័យនេះ​ដើរ​យ៉ាងសំខាន់​គាំទ្រ​ដល់​សកម្មភាព​អាជីវកម្ម និង​សេដ្ឋកិច្ច​។​ទំហំ​ពាណិជ្ជកម្ម​នាំចេញ​-​នាំចូល​សរុប​របស់​ប្រទេស​កម្ពុជា នៅ​ឆ្នាំ ២០២៣ សម្រេចបាន​តម្លៃ​ទឹកប្រាក់​ប្រមាណ ៤៦,៨២​ពាន់​លាន​ដុល្លារ​អាម៉េរិក ធ្លាក់ចុះ ១,៩% បើ​ធៀប​នឹង​ឆ្នាំ ២០២២​។

​ទិន្នន័យ​ដដែល​នេះ​បង្ហាញថា ប្រទេស​កម្ពុជា បាន​នាំចេញ​មុខទំនិញ​នានា មានតម្លៃ​ទឹកប្រាក់​ប្រមាណ ២២,៦៤​ពាន់​លាន​ដុល្លារ​អាម៉េរិក នៅក្នុង​ឆ្នាំ ២០២៣​។ តួលេខ​នេះ បាន​កើនឡើង ១,៨% បើ​ធៀប​នឹង​ឆ្នាំ ២០២២​។ ក្នុងពេល​ជាមួយគ្នានេះ ការនាំ​ចូល​របស់​កម្ពុ​ជា សម្រេចបាន ២៤,១៨​ពាន់​លាន​ដុល្លារ​អាម៉េរិក ធ្លាក់ចុះ ៥% បើ​ធៀប​កាលពី​ឆ្នាំមុន​។​មុខទំនិញ​នាំចេញ​សំខាន់ៗ​របស់​កម្ពុជា ក្នុងនោះ​រួមមាន ផលិតផល​វាយ​ន​ភណ្ឌ​កាត់ដេរ សម្លៀកបំពាក់ ស្បែកជើង និង​កាបូប​ធ្វើដំណើរ​, គ្រឿង​បង្គុំ​, បរិក្ខា​អគ្គិសនី​, ម៉ាស៊ីន​, គ្រឿងបន្លាស់​អេឡិចត្រូនិក​, គ្រឿង​សង្ហា​រឹម​, កង់​, ប្លា​ស្ទិ​ក និង​គ្រឿងអលង្ការ ជាដើម​។

​ចំណែក​មុខទំនិញ​ដែល​កម្ពុជា នាំចូល​ភាគច្រើន មានដូចជា វត្ថុធាតុដើម​វាយ​ន​ភណ្ឌ​កាត់ដេរ​, ផលិតផល​ត្បូង​ចម្រុះ និង​គ្រឿងអលង្ការ​មានតម្លៃ​, ប្រេងឥន្ធនៈ​, សម្ភារ​សំណង់​, គ្រឿង​អេឡិចត្រូនិក​, យានយន្ត​, គ្រឿងឧបភោគ​បរិភោគ និង​ឳ​សថ និង​បរិក្ខា​ពេទ្យ ជាដើម​។​ការធ្លាក់ចុះ​នៃ​ទំហំ​ពាណិជ្ជ​កម្មនេះ ត្រូវបាន​រុញ​ច្រើន​ដោយ​ការនាំចេញ​ផលិតផល​សម្លៀកបំពាក់ ស្បែកជើង និង​កាបូប​ធ្វើដំណើរ បាន​កត់ត្រា​ពី​ការធ្លាក់ចុះ​ក្នុង​អត្រា​ពីរ​ខ្ទង់ កាលពី​ឆ្នាំមុន ដោយសារ​ការកើនឡើង​អតិផរណា បាន​កាត់បន្ថយ​ការចំណាយ​នៅក្នុង​ប្រទេស​ជាច្រើន រួមទាំង​ទីផ្សារ​សំខាន់ៗ​ដូចជា សហរដ្ឋ​អាម៉េរិក និង​អឺរ៉ុប​។ បើទោះបីជា ការនាំចេញ​ផលិតផល កសិកម្ម និង​ផលិតផល​កម្មន្តសាល​មិនមែន​កាត​ដេរ នៅតែ​រក្សាបាន​កំណើន​ខ្ពស់ និង​បានរួម​ចំណែក​យ៉ាងសំខាន់ ក្នុងការ​ជំរុញ​ដល់​កំណើន​នាំចេញ​សរុប​របស់​ប្រទេស​កម្ពុជា​។​ម្យ៉ាងវិញទៀត ការ​ហក់​ឡើង​នៃ​តម្លៃ​ប្រាក់​ដុល្លារ​អាម៉េរិក ក៏​ជា​ផ្នែក​មួយ​ធ្វើ​ឲ្យ​ថ្លៃទំនិញ​នាំ​ចេញពី​កម្ពុជា មាន​កម្រិត​ខ្ពស់ជាង​មុន នឹងដាក់​សម្ពាធ​ដល់​កំណើន​នាំចេញ​ផងដែរ​។

​ពាក់ព័ន្ធ​ការធ្លាក់ចុះ​ពាណិជ្ជកម្ម​នាំចូល​វិញ បណ្តាលមកពី​តម្រូវការ​ក្នុងស្រុក​ខ្សោយ គ្រា​ដែល​ការ​ងើប​ឡើងវិញ​យឺត​នៃ​វិស័យ​សំណង់ និង​អចលនទ្រព្យ ខណៈ​វិស័យ​ទេសចរណ៍​មិនទាន់​អាច​វិល​ទៅរក​កម្រិត​មុន​វិបត្តិ​កូ​វីដ​១៩ ទោះបី​មាន​ភាពប្រសើរឡើង​ក៏ដោយ​។ បន្ថែម​ពីនេះ ការដំឡើង​អត្រា​ការប្រាក់​គោល​ជាច្រើន​ដង​របស់​សហរ​ដ្ឋ​អាម៉េរិក បានធ្វើ​ឲ្យ​មាន​លំហូរ​ចេញ​មូលធន និង​អត្រា​ការប្រាក់​វិស័យ​ធនាគារ​កើនឡើង ធ្វើ​ឲ្យ​តម្រូវ​កម្ចី​ថមថយ​ល្បឿន ខណៈដែល​វិស័យនេះ​ដើរ​យ៉ាងសំខាន់​គាំទ្រ​ដល់​សកម្មភាព​អាជីវកម្ម និង​សេដ្ឋកិច្ច​។

 

​សម្រាប់កំណើនសេដ្ឋកិច្ច​ឆ្នាំ​២០២៣​វិញ​លោកស្រី​បណ្ឌិត បាន​លើកឡើងថា ទោះបី​សេដ្ឋកិច្ចពិភពលោក​បាន​ជួបប្រទះ​នឹង​បញ្ហា​ប្រឈម​ជាច្រើន ដែល​បា​នប​ន្ទុ​ច​បង្អាក់​ដល់​ការ​ងើបឡើង​សេដ្ឋកិច្ចពិភពលោក ជាពិសេស​ភាព​តានតឹង​នៃ​ភូមិសាស្ត្រ​នយោបាយ​ដែល​រួមមាន​៖ ការអូសបន្លាយ​សង្គ្រាម​រុស្ស៊ី​-​អ៊ុយ​ក្រែ​ន នៅ​អឺរ៉ុប ការផ្ទុះ​សង្គ្រាម​រវាង​អ៊ីស្រាអែល និង​ក្រុម​ហា​ម៉ាស​នៅ​មជ្ឈិមបូព៌ា និង​ការឡើង​កម្ដៅ​នៅ​តំបន់​អាស៊ី ប៉ុន្តែ​ប្រទេស​កម្ពុជា​វិញ ក្រោម​ការដឹកនាំ​របស់​សម្តេច​ធិបតី ហ៊ុន ម៉ា​ណែ​ត នាយករដ្ឋមន្ត្រី បានដាក់​ចេញ និង​អនុវត្ត​យុទ្ធសាស្ត្រ​បញ្ច​កោណ ដំណាក់កាល​ទី​១ ដោយ​ពិលាស​ក្នុងការ​បន្តដំណើរ​លើ​មាគ៌ា​ឈានទៅ​សម្រេចបាន​តាម​គោលដៅ​អភិវឌ្ឍន៍​សង្គម​-​សេដ្ឋកិច្ចជាតិ​ប្រកបដោយ​ចីរភាព បរិ​យាប​ន្ន និង​សមធម៌​។

​លោកស្រី​បណ្ឌិត បាន​បញ្ជាក់ថា ការបន្ត​រក្សាបាន​សន្តិ​ភាព ស្ថិរភាព​នយោបាយ សណ្តាប់ធ្នាប់ សង្គម​យ៉ាង​ល្អប្រសើរ​របស់​រាជរដ្ឋាភិបាល​កម្ពុជា បាន​ពង្រឹង​ជំនឿ​ទុកចិត្ត​វិនិយោគិន ព្រមទាំង​ទទួលបាន​ការគាំទ្រ និង​កិច្ចសហការ​ពី​គ្រប់​មជ្ឈដ្ឋាន ក្នុង​ការបន្ត​បេសកកម្ម​ជំរុញ​ការ​ងើបឡើង​នៃ​សេដ្ឋកិច្ច​ក្រោយ​វិបត្តិ​កូ​វីដ​-១៩​។ ការរក្សាបាន​ស្ថិរភាព​អត្រា​ប្តូរប្រាក់ បានរួម​ចំណែក​យ៉ាងសំខាន់​ក្នុងការ​ពង្រឹង​ជំនឿ​ទុកចិត្ត​វិនិយោគិន គ្រប់គ្រង​សម្ពាធ​អតិផរណា​បាន​មួយផ្នែក ក៏ដូចជា​រក្សា​ស្ថិរភាព​ម៉ាក្រូសេដ្ឋកិច្ច​។

​ស​ម្រា​បើ​ឆ្នាំ​២០២៣​លោកស្រី​ទេសាភិបាល​ធនាគារជាតិ​នៃ​កម្ពុជា បាន​ឲ្យដឹងថា ទុនបម្រុង​អន្តរជាតិ​របស់​កម្ពុជា បាន​កើន​ដល់​ប្រមាន ២០​ប៊ី​លាន​ដុល្លារ​អាមេរិក ពោលគឺ​បាន​កើនឡើង ១២,៣% ធៀប​នឹង​ឆ្នាំ​២០២២ និង​ស្មើនឹង​ជាង ៧​ខែ នៃ​ការ​នាំចូល​ទំនិញ និង​សេវា​នាគ្រា​បន្ទាប់ បើទោះបី​ជាមាន​ភាពមិន​ច្បាស់លាស់​នៃ​ទីផ្សារ​ហិរញ្ញវត្ថុ​អន្តរជាតិ និង​ការរក្សា​កម្រិត​ខ្ពស់​នៃ​អត្រា​ការប្រាក់​គោល នៅក្នុង​ប្រទេស​អភិវឌ្ឍន៍ បាន​បណ្តាលឱ្យ​ទុនបម្រុង​អន្តរជាតិ​របស់​ធនាគា​រ​កណ្ដាល​មួយចំនួន​ថយចុះ​គួរឱ្យកត់សម្គាល់​ក៏ដោយ​៕a chea bank2 a chea serey3 a eco cambodia1