ទាហានឈុតខ្មៅថៃដើរល្បាតតាមព្រំដែនក្នុងដីខ្មែរយ៉ាងគឃ្លើន តែទាហានខ្មែរបែរជាហាមពលរដ្ឋខ្មែរកុំបង្ហោះព័ត៌មានឬ Videos ស្តីពីសកម្មភាពរបស់ទាហានថៃទៅវិញ !?

សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ជាច្រើនទៀត

ចំនួនអ្នកទស្សនា

ថ្ងៃនេះ 1099 នាក់

ម្សិលមិញ 3717 នាក់

សរុប 14149432 នាក់

សម្ដេចធិបតីចាត់ទុកការតម្លើងប្រាក់ឈ្នួលកម្មករ៤ដុល្លារសម្រាប់ឆ្នាំ២០២៤ជាការចែកគ្នារស់

03-April-2024 / សេដ្ឋកិច្ច

ភ្នំពេញ៖សម្ដេចធិបតីហ៊ុនម៉ាណែតប្រមុខនៃរាជរដ្ឋាភិបាលកម្ពុជានៅព្រឹកថ្ងៃទី៣តុលាឆ្នាំ២០២៣ បានលើកឡើងថា តួលេខដំឡើង៤ដុល្លារបន្ថែម នៅឆ្នាំ២០២៤លើចំនួនដែលកំពុងអនុវត្តនេះសម្រាប់កម្មករ កម្មការិនី អាចមើលទៅតិច ប៉ុន្ដែសម្រាប់និយោជកអាចមានចំនួនច្រើន។ a manet salary1

គ្រាដែលប្រទេសមួយចំនួន ដែលកំពុងប្រកួតប្រជែងជាមួយកម្ពុជា ក្នុងការនាំចេញទំនិញទៅក្រៅប្រទេសនោះ មិនបានដំឡើងជូនកម្មករ កម្មការិនីនោះទេ។ក្នុងឱកាសអញ្ជើញជួបសំណេះសំណាលជាមួយកម្មករ-និយោជិត នៅរាជធានីភ្នំពេញ សម្ដេចមហាបវរធិបតី ហ៊ុន ម៉ាណែត បានវាយតម្លៃថា កម្មករ កម្មការិនីរបស់កម្ពុជា ពិតជាមានសំណាងណាស់ដែលមានប្រាក់ឈ្នួលខ្ពស់ជាងបណ្ដាប្រទេសមួយចំនួនក្នុងតំបន់ ហើយឆ្នាំ២០២៤ ត្រូវបានដំឡើង៤ដុល្លារបន្ថែមទៀត ដែលនេះជារឿងដែលត្រូវអបអរសាទរ។ សម្ដេចចាត់ទុកថា ការដំឡើងប្រាក់ឈ្នួលអប្បបរមាសម្រាប់ឆ្នាំ២០២៤ គឺឈរលើនយោបាយ «ចែកគ្នារស់ ជួយគ្នារស់» ហើយការជួយគ្នារស់ក្នុងដំណាក់កាលដែលលំបាកនេះ ជាស្មារតីជួយគ្នា ថែរក្សាឆ្នាំងបាយ ថែរក្សាអង្ករ។

សម្រាប់ការតម្លើងប្រាក់តិចតួចមិនស្មើនិងអតិផរណានេះជាវិធីជួយដោះស្រាយ សម្ដេចនាយករដ្ឋមន្ត្រីនៃកម្ពុជា បានបន្តអំពាវនាវដល់ម្ចាស់ផ្ទះជួល និងបន្ទប់ជួល សូមកុំដំឡើងថ្លៃជួលសម្រាប់កម្មករ-និយោជិត នៅឆ្នាំ២០២៤ ខាងមុនេះ ដើម្បីសម្រួលដល់ការចំណាយរបស់ពួកគាត់។ក្រៅពីផ្ទះឈ្នួលសម្ដេចធិបតី ក៏បានណែនាំឲ្យអគ្គិសនីកម្ពុជា និងរដ្ឋាករទឹកស្វយ័តក្រុងភ្នំពេញ ត្រូវពន្លឿនការតភ្ជាប់បណ្ដាញទឹក-ភ្លើង ឲ្យបានគ្រប់គ្រាន់ ដើម្បីជួយសម្រួលដល់ម្ចាស់ផ្ទះជួលផង និងដល់កម្មករ និយោជិត។

សម្ដេចធិបតី បានថ្លែងថា សម្ដេចបានចេញសារអំពាវនាវឲ្យម្ចាស់ផ្ទះជួល ជួយធ្វើយ៉ាងណាថែរក្សានិងយោគយល់គ្នា ខណៈម្ចាស់ផ្ទះជួលក៏លំបាក ប៉ុន្តែបើគិតកម្មករ កម្មការិនី ប្រហែលអាចលំបាកជាងម្ចាស់ផ្ទះជួលខ្លះដែលថា ខ្លួនត្រូវបង់ធនាគារ។សម្តេចធិបតី ហ៊ុន ម៉ាណែត បានលើកឡើងថា ក្នុងពេលបង្កើតរាជរដ្ឋាភិបាលអាណត្តិទី៧នេះការងារសំខាន់ៗចំនួន ៣ ដែលសម្ដេចតែងតែគិតគូរដល់ជីវភាពប្រជាពលរដ្ឋជាប្រចាំ រួមមាន ការគិតគូរពីអ្វីខ្លះដែលប្រជាពលរដ្ឋបានទទួលហើយនឹងត្រូវបន្តផ្ដល់ឲ្យដល់ប្រជាពលរដ្ឋបន្ថែមទៀត, បង្កើតអ្វីបន្ថែមទៀតសម្រាប់ប្រជាពលរដ្ឋ និង ក្រៅពីការផ្ដល់ថវិកា តើរាជរដ្ឋាភិបាលមានអ្វីខ្លះទៀតដែលអាចជួយសម្រួលដល់ជីវភាពប្រជាពលរដ្ឋដើម្បីមានជីវភាពរឹតតែប្រសើរឡើង។

សូមបញ្ជាក់ថា រាជរដ្ឋាភិបាលកម្ពុជា កាលពីថ្ងៃទី២៨ ខែកញ្ញា ឆ្នាំ២០២៣កន្លងទៅនេះ បានសម្រេចដំឡើងឈ្នួលអប្បបរមាជូនកម្មករនិយោជិតក្នុងវិស័យរោងចក្រ និងវាយនភណ្ឌ ដល់ចំនួន២០៤ ដុល្លារ នៅឆ្នាំ២០២៤ខាងមុខនេះ ដែលប្រាក់ឈ្នួលនេះ បានកើនឡើង៤ដុល្លារបើធៀបនឹងឆ្នាំ២០២៣។ a manet salary2