វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3192 នាក់
ម្សិលមិញ 2432 នាក់
សរុប 13407790 នាក់
ភ្នំពេញ ៖ កាលពីរសៀលថ្ងៃទី០៦ មិថុនា ឆ្នាំ២០២៣ នៅចំណុចមុខមន្ទីរពហុព្យាបាលនិងសម្ភពអង្គរធំ តាមផ្លូវកម្ពុជាក្រោម កែងផ្លូវលេខ២៥៧ ក្នុងសង្កាត់ទឹកល្អក់ទី១ខណ្ឌទួលគោក រាជធានីភ្នំពេញមានការភ្ញាក់ផ្អើលដោយសារមានស្ត្រីជាម្តាយទារកម្នាក់ រួមទាំងក្រុមគ្រួសារបានលើកគ្នាមក ដើម្បីទាមទារអោយម្ចាស់គ្លីនិកនោះ រួមទាំងក្រុមគ្រូពេទ្យទទួលខុសត្រូវដោយវះកាត់សម្រាលកូនមានការធ្វេសប្រហែស បណ្តាលអោយទារកដែលទើបនឹងកើត សល់តែដង្ហើមចុងក្រោយ (រស់ដោយសារតែអ៊ុកស៊ីហ្សែន) ។
ស្ត្រីជាម្តាយទារកឈ្មោះ ញ៉ែម ស្រីរ័ត្ន មានលំនៅភូមិស្លែង ឃុំត្រពាំងវែង ស្រុកកណ្តាលស្ទឹង ខេត្តកណ្តាល បានឱ្យដឹងថា នាងមានទម្ងន់គ្រប់ខែមកសម្រាកឆ្លងទន្លេកូនទី២ និងបានសម្រាលកូនដោយវះកាត់នៅមន្ទីរពហុព្យាបាលនិងសម្ភពអង្គរធំនេះ កាលពីវេលាម៉ោង១និង៣០នាទីរសៀលថ្ងៃទី០២ មិថុនា ឆ្នាំ២០២៣ ។តែនៅពេលវះកាត់កូនមានបញ្ហាសុខភាពដោយឈ្លក់ទឹកភ្លោះ។ ក្រុមគ្រូពេទ្យរៀបចំបញ្ជូន ទៅមន្ទីរពេទ្យកុមារជាតិ ដោយមានការធ្វេសប្រហែស មិនបានដាក់អ៊ុកស៊ីហ្សែនសង្គ្រោះ ដោយដឹកតាមម៉ូតូកង់៣។ នៅពេល ទៅដល់មន្ទីរពេទ្យ ត្រូវក្រុមគ្រូពេទ្យនៅមន្ទីរពេទ្យកុមារថា គ្មានសង្ឃឹម សល់តែដង្ហើមចុងក្រោយនោះទេ ។
ស្ត្រីជាម្តាយក៏បានចោទប្រកាន់ថា នេះជាការធ្វេសប្រហែសរបស់ក្រុមគ្រូពេទ្យ និងម្ចាស់គ្លីនិក ទើបធ្វើឱ្យកូនរបស់គាត់មានបញ្ហាហើយប្រឈមមុខគ្រោះថ្នាក់ដល់អាយុជីវីត ហើយនៅថ្ងៃទី០៥ ខែមិថុនា ក៏បានមកគ្លីនិកសូមអោយម្ចាស់ទទួលខុសត្រូវនិងថ្ងៃនេះបាននាំគ្នាមកម្តងទៀត ដើម្បីស្នើរអោយសមត្ថកិច្ចជួយរកយុត្តិធម៌ ។បុរសជាឪពុក និងបងប្អូនក៏បានចោទប្រកាន់ថា នៅតែជាការធ្វេសប្រហែសរបស់ម្ចាស់មន្ទីរពហុព្យាបាលនិងសម្ភពអង្គរធំ ហើយព្រមទាំងទទួចស្នើសុំដល់សមត្ថកិច្ច ក៏ដូចជាក្រសួងសុខាភិបាលមេត្តាជួយរកយុត្តិធម៌ ។ ករណីនេះ សារព័ត៌មានពុំទទួលបានការបំភ្លឺណាមួយពីម្ចាស់មន្ទីរពហុព្យាបាលនិងសម្ភពអង្គរធំនៅឡើយ ៕