តុលាការមិនបានឃុំខ្លួនស្រីស្រស់លក់អនឡានតាមបណ្តឹងទេតែអតីតម្តាយក្មេកថានឹងប្តឹងទាស់!
26-March-2024 / សន្តិសុខសង្គម
រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ បានសម្រេចមិនឃុំខ្លួនស្ត្រីមេម៉ាយកូនមួយ អ្នកលក់ផលិតផលតាមអនឡាញ ដាក់ពន្ធនាគារជាបណ្តោះអាសន្ននោះទេកាលពីព្រឹកថ្ងៃទី២០ ខែឧសភា ឆ្នាំ២០២៣ដោយ គ្រាន់តែតម្រូវឲ្យតម្កល់ប្រាក់ និងដាក់ឲ្យស្ថិតក្រោមការត្រួតពិនិត្យតាមផ្លូវតុលាការ ពាក់ព័ន្ធករណី.ជេរប្រមា.ថជាសាធារណៈ ហិ.ង្សាដោយចេតនា និងរំលោ.ភលំនៅឋានអតីតម្តាយក្មេក។
ស្ត្រីក្មេងខាងលើនេះឈ្មោះ ញឹម សុខឡេង ហៅ លូមី អាយុ២៧ឆ្នាំ មានទីលំនៅក្នុងបុរីប៉េងហួតបឹងស្នោ ផ្ទះលេខ៤៧ ផ្លូវP២១ ស្ថិតក្នុងសង្កាត់-ខណ្ឌច្បារអំពៅ រាជធានីភ្នំពេញមាមុខរបរលក់ដូរតាមហ្វេសប៊ុកត្រូវបានកម្លាំងសមត្ថកិច្ចនគរបាលខណ្ឌទួលគោកឃាត់ខ្លួន និងបញ្ជូនទៅសាលាដំបូងរាជធានីភ្នំពេញ កាលពីព្រឹកថ្ងៃទី១៨ ខែឧសភា ឆ្នាំ២០២៣ ពាក់ពន្ធការចោទប្រកាន់ពីបទ.ជេរប្រមា.ថជាសាធារណៈ បទ.ហិ.ង្សាដោយចេតនា និងបទ.រំលោ.ភលំនៅឋាន តាមពាក្យបណ្តឹងរបស់អតីតម្តាយក្មេក។
ក្រោយពីតំណាងអយ្យការអមសាលាដំបូងរាជធានីភ្នំពេញ បើកការស៊ើបសួរចប់ភ្លាម សំណុំរឿងបានសម្រេចធ្វើការចោទប្រកាន់ជាផ្លូវការ ពាក់ព័ន្ធលើពាក្យបណ្តឹងរបស់ម្តាយក្មេក រួចបានចាត់បញ្ជូនទៅខាងចៅក្រមស៊ើបសួរ។ ក្នុងដំណើរស៊ើបសួរអស់រយៈពេល២ថ្ងៃទាំងនៅស្ថាប័នអយ្យការ និងចៅក្រមស៊ើបសួរ ចុងក្រោយចៅក្រមស៊ើបសួរសម្រេចមិនឃុំខ្លួនជនសង្ស័យទេ តែដាក់ឲ្យស្ថិតក្រោមការត្រួតពិនិត្យតាមឲ្យផ្លូវតុលាការ ពោលគឺ៣ថ្ងៃក្រោយឲ្យជនសង្ស័យយកប្រាក់ទៅដាក់តម្កល់ដើម្បីធានាខ្លួន នឹងរយៈពេល១ខែជារៀងរាល់ ឲ្យបង្ហាញមុខចំពោះសមត្ថកិច្ច ឬតុលាការ និងមិនឲ្យបង្កលក្ខណៈណាមួយពាក់ព័ន្ធទៅលើភាគីដើមបណ្តឹង ដោយរង់ចាំតុលាការសម្រេចអង្គសេចក្តី ដោយឆ្លងកាត់សវនាការ ។
អតីតម្តាយក្មេកដែលជាដើមបណ្តឹង បានឲ្យកាសែតដឹងថា គាត់មិនសប្បាយចិត្តចំពោះចំណាត់របស់ចៅក្រមស៊ើបសួរសាលាដំបូងរាជធានីភ្នំពេញ ដែលសម្រេចយ៉ាងដូច្នេះ។ ភាគីដើមបណ្តឹងបានប្រាប់បន្តថា មិនឃុំខ្លួនជនសង្ស័យ គឺអយុត្តិធម៌សម្រាប់ជនរងគ្រោះ ដែលជនបង្កបានឡើងអុកឡុកជេរប្រមា.ថ ប្រើអំពើហិ.ង្សាលើម្តាយក្មេក និងរំលោ.ភលំនៅឋាន ធ្វើឲ្យជីដូនមានវ័យចំណាស់អាយុ៩៥ឆ្នាំម្នាក់ ស្លុតស្មារតីគាំងបេះដូង ហើយត្រូវដឹកទៅសង្គ្រោះនៅមន្ទីរពទ្យ ដែលនេះជាបទល្មើសព្រហ្មទណ្ឌជាក់ស្តែង មិនគួរត្រូវដាក់ឲ្យជនសង្ស័យស្ថិតនៅក្រៅឃុំជាបណ្តោះអាសន្ននោះឡើយ ។ ក្នុងនាមជាជនរងគ្រោះកើតទុកមិនសុខចិត្ត ដោយបាននិងកំពុងពឹងពាក់មេធាវីប្តឹងឧទ្ធរណ៍ ចំពោះការសម្រេចរបស់លោកចៅក្រមស៊ើបសួរសាលាដំបូងរាជធានីភ្នំពេញ នេះជាបន្តទៀត។
អង្គហេតុនៃការឃាត់ខ្លួនជនសង្ស័យបញ្ជូនទៅកាន់តុលាការ គឺនៅក្នុងពាក្យបណ្តឹងបានបញ្ជាក់ថា កាលពីវេលាម៉ោង១០និង៣០នាទីយប់ ថ្ងៃទី១៦ ខែឧសភា ឆ្នាំ២០២៣ ឈ្មោះ ញឹម សុខឡេង ហៅ លូមី អតីតជាកូនប្រសា បានទៅធ្វើសកម្មភាពស្រែកជេរប្រមា.ថឡូឡា វា.យទ្វារផ្ទះធ្វើឲ្យមានការភ្ញាក់ផ្អើលទាំងយប់ ស្របពេលនោះដែរ ក្មេងនៅផ្ទះជាមួយគ្នាបានបើកទ្វារ ក៏ឃើញឈ្មោះ ញឹម សុខឡេង ស្ទុះឡើងទៅលើផ្ទះជាន់ទី១ ជួបអតីតម្តាយក្មេកជាដើមបណ្តឹង។ ពេលនោះ អតីតម្តាយក្មេក បានទទួចសួរទៅអតីតកូនប្រសាថា បើមានបញ្ហាអ្វីចាំទៅដោះស្រាយគ្នានៅចំពោះមុខសមត្ថកិច្ច ដែលជាអាជ្ញាធរមូលដ្ឋាន នៅព្រឹកថ្ងៃស្អែកទៅ មិនគួរមករំខានដំណេកដេកពួកគាត់ទាំងយប់នោះទេ។ប៉ុន្តែបើតាមស្ត្រីជាអតីតម្តាយក្មេក ជនសង្ស័យមិនព្រមស្តាប់ និងបានធ្វើសកម្មភាពប្រើអំពើហិ.ង្សាយ៉ាងកំរោល ដោយយកកៅអីគប់ និងវា.យទៅលើអតីតម្តាយក្មេក បណ្តាលឲ្យរបួសស្នាមត្រង់ដៃ និងស្មាខាងស្តាំ ហើយជនសង្ស័យបន្តជេរប្រមា.ថ វា.យបំផ្លិចបំផ្លាញទ្រព្យសម្បត្តិ និងសម្ភារៈ និងវា.យកម្ទេចគ្រឿងជាទីសការៈបូជាដែលមានតម្លៃរបស់គ្រួសារដើមបណ្តឹងទៀតផង ។
អតីតម្តាយក្មេកដែលគេលាក់ឈ្មោះបញ្ជាក់ទៀតថា ជនសង្ស័យជាមនុស្សមានអត្តចរិតកោងកាច តែងតែរករឿងបង្កជម្លោះ តាំងពីមុនរៀបអាពាហ៍ពិពាហ៍ជាមួយកូនប្រុសគាត់(លាក់ឈ្មោះ) ដោយពួកគេរស់នៅមិនចុះសម្រុងគ្នា ក៏មានការប្តឹងសុំផ្តាច់ចំណងអាពាហ៍ពិពាហ៍ រហូតដល់តុលាការបានចេញសាលក្រមលែងលះរួចរាល់ហើយ តែជនសង្ស័យនៅតាមបង្កបញ្ហាទៀត។ ដូចជានៅក្នុងអំឡុងខែមិថុនា ឆ្នាំ២០២២ ជនសង្ស័យក៏ធ្លាប់បានធ្វើសកម្មភាពជេរប្រមា.ថទៅលើក្រុមគ្រួសារជាដើមបណ្តឹងទាំងកណ្តាលយប់ និងបានវា.យកម្ទេចរថយន្តអស់២គ្រឿង ដែលសកម្មភាពនោះកំពុងជាប់បណ្តឹងនៅតុលាការទៀតផង។សំណុំរឿងខាងលើនេះ លោក ទី មុនិន្ទ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ កំពុងបើកការស៊ើបសួរ នៅមិនទាន់បញ្ចប់នៅឡើយទេ។ក្នុងពេលដែលអ្នកអន្តរាគម៍ក៏មានច្រើនដែរ។
