អ្នកកាសែតចង់បានច្បាប់ស្តីពីសិទ្ធទទួលនិងផ្តល់ពត៍មានទើបងាយរកពត៍មានពិត

រដ្ឋមន្ត្រីក្រសួងព័ត៌មាន ប្រកាសបើក យុទ្ធនាការ «និយាយថាទេ ចំពោះព័ត៌មានក្លែងក្លាយ!» ចាប់ពីថ្ងៃទី១មេសា

កាស៊ីណូ ក្បែរច្រកទ្វារព្រំដែនអន្ដរជាតិបន្ទាយចក្រី ជាទីតាំងលេងល្បែងស៊ីសងគ្រប់ប្រភេទ បើកអោយខ្មែរ និងយួន ចូលមកលេងល្បែង សមត្ថកិច្ច និង អាជ្ញាធរសម្ងំប្រមូលលាភសក្ការ!

អ្នកនាងកុសុម៉ានិងសាច់ញាតិចូលពេទ្យដោយសារហាងមួយនៅខេត្តសីហនុ!

តើលោកឧបនាយករដ្ឋមន្ក្រីកើតរិទ្ធរដ្ឋមន្ត្រីក្រសួងយុត្តិធម៍គិតយ៉ាងណារករណីយ៍អតីតប្តីប្រពន្ធឧកញ៉ាឌួងឆាយ?

អន្ទឹត ជួន កក្កដា ដែលប្រកាសសឹកយ៉ាងតក់ក្រហល់នឹងក្លាយជាអនុរដ្ឋលេខាធិការក្រសួងធម្មការ!

កាស៊ីណូខុសច្បាប់មួយនៅព្រំដែនបន្ទាយចក្រី គ្មានស្លាកយីហោដែបើកអោយរដ្ឋខ្មែរ និងយួនចូលលេងល្បែង!

ជាច្រើនទៀត

ចំនួនអ្នកទស្សនា

ថ្ងៃនេះ 8288 នាក់

ម្សិលមិញ 8270 នាក់

សរុប 16469561 នាក់

បួនឆ្នាំទៀតកម្ពុជាមានផ្លូវល្បឿនលឿនភ្នំពេញបាវិត

20-March-2025 / សេដ្ឋកិច្ច

ភ្នំពេញ៖ គម្រោងកសាងផ្លូវល្បឿនលឿនខ្សែទីពីរ ភ្នំពេញ-បាវិត បានចុះកិច្ចសន្យាភាពជាដៃគូ រវាងរដ្ឋ និងឯកជន ដែលនឹងបើកការដ្ឋានថ្ងៃទី០៧ មិថុនា តាមការគ្រោងទុក ខណៈដែលផ្លូវល្បឿនលឿនខ្សែទីបី ភ្នំពេញ-សៀមរាប គ្រោងបញ្ចប់ការសិក្សាសមិទ្ធិលទ្ធភាពក្នុងបំណាច់ខែឧសភា និងចុះ MoU ក្នុងពេលឆាប់ៗខាងមុខនេះផងដែរ។ a china high way

លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន តំណាងរាជរដ្ឋាភិបាលកម្ពុជា នៅថ្ងៃទី ១៨ខែឧសភា ឆ្នាំ ២០២៣នេះ បានចុះហត្ថលេខាលើកិច្ចសន្យាភាពជាដៃគូ រវាងរដ្ឋ និងឯកជន នៃគម្រោងហេដ្ឋារចនាសម្ព័ន្ធផ្លូវល្បឿនលឿន តភ្ជាប់ពីរាជធានីភ្នំពេញ ទៅកាន់ក្រុងបាវិត ជាមួយ លោក Zhou Yong តំណាងក្រុមហ៊ុនសាជីវកម្មថ្នល់ និងស្ពានចិន (CRBC) ដោយមានការអញ្ជើញចូលរួមជាសក្ខីភាពពីសំណាក់ ថ្នាក់ដឹកនាំ តំ ណាងក្រសួង ស្ថាប័នពាក់ព័ន្ធ។

លោក ស៊ុន ចាន់ថុល មានប្រសាសន៍ថា គម្រោងហេដ្ឋារចនាសម្ព័ន្ធផ្លូវល្បឿនលឿនតភ្ជាប់ពីរាជធានីភ្នំពេញទៅក្រុងបាវិត ដោយមានចម្ងាយប្រហែល ១៣៥គីឡូម៉ែត្រ មាន៤គន្លង គឺ២គន្លងទៅ និង២គន្លងមក ដែលត្រូវប្រើថវិកាប្រមាណ ១,៣៥ពាន់លានដុល្លារអាមេរិក។រយៈពេលសាងសង់ ០៤ឆ្នាំ ក្រោមទម្រង់វិនិយោគសាងសង់-ប្រតិបត្តិការ-ផ្ទេរ (Build-Operate-Transfer) ហៅកាត់ថា BOTសម្រាប់រយៈពេលប្រតិបត្តិការ៥០ឆ្នាំ។

សម្រាប់ រាជរដ្ឋាភិបាលកម្ពុជា នឹងបញ្ចេញថវិកាប្រមាណ ២៣០លានដុល្លារ ដើម្បីសាងសង់ស្ពានថ្មីចម្ងាយ ២.៥០០ម៉ែត្រ ឆ្លងកាត់ទន្លេមេគង្គតភ្ជាប់ទៅកាន់គម្រោងផ្លូវល្បឿនលឿនភ្នំពេញ-បាវិត ដែលឆ្លងកាត់ខេត្ដកណ្ដាល, ខេត្ដព្រៃវែង និងខេត្ដស្វាយរៀង ដោយរាជរដ្ឋាភិបាល នឹងឲ្យក្រុមហ៊ុនសាងសង់ផ្លូវល្បឿនលឿនធ្វើស្ពាននេះ ហើយរាជរដ្ឋាភិបាលជាអ្នកចំ ណាយលើការសាងសង់នេះ។

លោកទេសរដ្ឋមន្ត្រីបញ្ជាក់ថា ដំបូងឡើយក្រុមហ៊ុនសាងសង់ផ្លូវល្បឿនលឿន ចង់ធ្វើស្ពានមួយនេះ និងគិតថ្លៃធ្វើដំណើរពីប្រជាពលរដ្ឋ ប៉ុន្ដែរាជរដ្ឋាភិបាលមិនព្រមដោយសារខ្លាចប្រជាពលរដ្ឋចំណាយច្រើនលើកការធ្វើដំណើរ។ ដូច្នេះដើម្បីកាត់បន្ថយថ្លៃចំណាយ រាជរដ្ឋាភិបាលក៏បានសម្រេចបញ្ចេញថវិកាសាងសង់ស្ពានមួយនេះតែម្ដង និងដាក់ឲ្យពលរដ្ឋធ្វើដំណើរដោយមិនគិតថ្លៃ។

កិច្ចសន្យាភាពជាដៃគូ រវាងរដ្ឋ និងឯកជន (Public Private Partnership) ហៅកាត់ថា PPP ត្រូវបានចែកចេញជាពីរផ្នែកសំខាន់ៗ រួមមាន៖ (១) កិច្ចសន្យា PPP ដែលចែងអំពីគោលការណ៍រួមសំខាន់ៗសម្រាប់អនុវត្តការសាងសង់ និងដាក់ឱ្យប្រតិបត្តិការផ្លូវល្បឿនលឿនភ្នំពេញ- ក្រុងបាវិត និង (២) ឯកសារឧបសម្ព័ន្ធពាក់ព័ន្ធ ដែលមានចែងលម្អិតអំពីការអនុវត្តគោលការណ៍ ដែលបានឯកភាពគ្នាជាគោលការណ៍នៅក្នុងកិច្ចសន្យា។សូមជម្រាបជូនថា ហេដ្ឋារចនាសម្ព័ន្ធផ្លូវល្បឿនលឿនភ្នំពេញ-ក្រុងបាវិត នឹងត្រូវតភ្ជាប់ជាមួយគម្រោងផ្លូវល្បឿនលឿនហូជីមិញ-ម៉ុកបៃ របស់ប្រទេសវៀតណាម ដែលរំពឹងថា នឹងរួចរាល់ក្នុងពេលដំណាលគ្នា៕ a china high way1