វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 656 នាក់
ម្សិលមិញ 2951 នាក់
សរុប 12608211 នាក់
ខេត្តស្វាយរៀង៖សត្វមាន់រស់និងសត្វព្រាបរាប់ពាន់ក្បាលនាំចូលពីប្រទេសវៀតណាមឆ្លងដែនចូលមកស្រុកខ្មែរតាមច្រករបៀងក្រសាំងជ្រំស្រុកស្វាយជ្រំឆ្ពោះទៅរាជធានីភ្នំពេញ ត្រូវបានក្រុមការងារអន្តរាគមន៍បង្ក្រាបបទល្មើសចលនាសត្វនាយកដ្ឋានសុខភាពសត្វតាមស្ទាក់ចាប់បាន កាលពីវេលាម៉ោង១និង៥៥នាទីទៀបភ្លឺថ្ងៃទី១៧ឧសភា២០២៣ នៅលើកំណាត់ផ្លូវជាតិលេខ១ត្រង់ចំណុចភូមិជ្រោយអំពឹលសង្កាត់ក្បាលកោះខណ្ឌ័ច្បារអំពៅ រាជធានីភ្នំពេញ។
លោក ហ៊ុន សារ៉ាត់ ក្រុមការងារអន្តរាគមន៍បង្ក្រាបបទល្មើសចលនាសត្វអគ្គនាយកដ្ឋានសុខភាពសត្វ នៃក្រសួងកសិកម្ម បានឲ្យដឹងថា ក្រុមការងារបានចុះស្ទាក់រថយន្ត១គ្រឿងម៉ាកហ៊ីយិនដាយ ពណ៌ស ប្រភេទដឹកទំនិញចំណុះ១តោន ពាក់ស្លាកលេខ កំពត3A-0086 រកឃើញ ដឹកសត្វមាន់សំឡីរស់ចំនួន១,៤០០ក្បាលនិងសត្វព្រាបរស់ចំនួន១០០ក្បាល។សមត្តកិច្ចឲ្យដឹងថាសត្វស្លាបទាំងនេះធ្វើការនាំចូលពីប្រទេសវៀតណាម ឆ្លងដែនចូលមកតាមច្រករបៀងក្រសាំងជ្រំនៃប៉ុស្ត៍នគបាលវរៈការពារព្រំដែនក្រួស ឃុំក្រួសស្រុកស្វាយជ្រំខេត្តស្វាយរៀង ឆ្ពោះទៅលក់នៅរាជធានីភ្នំពេញ(នេះគឺតាមការឆ្លើយបញ្ជាក់ពីម្ចាស់សត្វមាន់) ក្រោយពីសមត្ថកិច្ចធ្វើការសាកសួរនិងពិនិត្យ គឺគ្មានឯកសារឬលិខិតអនុញ្ញាតិអ្វីទាំងអស់។
លោក ហ៊ុន សារ៉ាត់ បន្តទៀតថា ក្រោយមកក្រុមការងារបានឃាត់រថយន្តនាំយកបទល្មើស និងវត្ថុតាងទាំងនោះ ទៅរក្សាទុកនៅកន្លែងធ្វើចត្តាឡីសក័សត្វរបស់អគ្គនាយកដ្ឋានសុខភាពសត្វនិងផលិតកម្មសត្វដើម្បីចាត់ការតាមនីត់វិធី។ការពិតការចាប់នេះមិនត្រឹមតែធ្វើការផាកពិន័យនោះទេសមត្តកិច្ចត្រូវធ្វើការប្តឹងទៅអង្គភាពប្រឆាំងអំពើពុករលួយដើម្បីស្រាវជ្រាវមើលថាតើសកម្មភាពឃុបឃឹតនាំចូលខុសច្បាប់តាមច្រកថរបៀងចឹងមានសមត្តកិច្ចព្រុំដែនណាណាខ្លះឃុបឃឹតស៊ីសំណូកបើកដៃឲ្យនាំចូលប្រសិនបើចង់លុបបំបាត់អំពើរពុករលួយនិងថ្វើឲ្យស្រុកទេសមានតម្លាភាព៕