លោករដ្ឋមន្ត្រីក្រសួងព័ត៌មានសូមឲ្យចាប់ Heng Saraព្រោះតែសសេរតាមហ្វេប៊ុកថាខ្លួនមានសំបុត្រចូលទស្សនា តែសេដអត់ទៅមើល ព្រោះអត់អ្នកកំដរទៅទស្សនា !?
27-March-2024 / ព័ត៌មានជាតិ
ភ្នំពេញ ៖ ពេលមានអ្នកឆ្លៀត ខ្ញុំមានសំណូមពរសូមចាប់មនុស្សនេះ យកមកផ្តន្ទាទោស ព្រោះមិនខុសពីពួកក្រុម Mech Dara ដែលប្រឹងបំផ្លាញការប្រឹងប្រែងរបស់រាជរដ្ឋាភិបាលទេ គឺ ពួកគេប្រឹងបំផ្លាញទំនុកចិត្តប្រជាជនលើរាជរដ្ឋាភិបាល ថែមទៀត ! នេះជាការបង្ហោះ របស់លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បន្ទាប់ពី លោក Heng Sara បង្ហោះលើ facebook ប្រើពាក្យថា ត្រង់ខ្លួនមានសំបុត្រ ចូលទស្សនា ហើយមិនទៅមើល។
ប្រជាពលរដ្ឋខ្មែរ រាប់ម៉ឺននាក់ មានឆន្ទៈ ស្រឡាញ់វិស័យកីឡា លើកទឹកចិត្តកីឡា ព្យាយាមងើបតាំងពីម៉ោង ២ ឬម៉ោង៣ ព្រឹកដើម្បីទៅរង់ចាំយកសំបុត្រ ចែកជូន ដោយឥតគិតប្រាក់ ភាគច្រើន សឹងមិនបាន ដោយសារ ចំនួនអ្នកទៅ មានច្រើនលើសលប់ ស្នេហាកីឡា ឃើញ កីឡារស់ក្នុងសន្តិភាព ហើយប្រជាពលរដ្ឋ ក៏មានសេចក្តីសុខ ក្នុងសន្តិភាព។សូមបញ្ជាក់ថា, លោករដ្ឋមន្ត្រីក្រសួងព័ត៌មាន សំណូមពរអោយចាប់ខ្លួន លោក Heng Sara បន្ទាប់ពីលោកហេងសារាដែលគេនិយាយថាជាឧកញ៉ាផងបាន សរសេរលើ facebook ថា, ( #គេគ្រប់គ្នាសេដព្រោះគ្មានសំបុត្រទៅមើលបាល់ទាត់ ឯខ្ញុំវិញសេដព្រោះគ្មានអ្នកកំដរទៅមើលបាល់ទាត់ ) ។
ក្រោយមកគេឃើញ លោក Heng Sara បានកែសម្រួលដោយបង្ហោះសារលាងខ្លួនវិញថា,#ជាដំបូងខ្ញុំបាទសូមគោរពសូមការអភ័យទោស ពីសំណាក់បងប្អូន ប្រជាពលរដ្ឋកម្ពុជាទាំងអស់ ដែលខ្ញុំបាទខ្វះការពិចារណាអោយបាន វែងឆ្ងាយ បានផុស Status មួយមានខ្លឹមសារពាក់ព័ន្ធដល់រឿងសំបុត្រចូល ទស្សនាការប្រកួតកីឡាបាល់ទាត់ស៊ីហ្គេម កាលពីល្ងាចមិញ ដែលធ្វើអោយ ប៉ះពាល់ដល់អារម្មណ៍ពុកម៉ែ អ៊ុំពូមីង បងប្អូនប្រជាពលរដ្ឋកម្ពុជាយើង «»#ខ្ញុំបាទសូមគោរពសុំការអភ័យទោសពី ឯកឧត្តមពូ ខៀវ កាញ៉ារិទ្ធិ រដ្ឋមន្ត្រី ក្រសួងពត៌មានជាទីគោរពដ៏ខ្ពង់ខ្ពស់#ចំពោះរូបថតខាងក្រោមនេះ ក្មួយសូមទទួលស្គាល់ថាវាគឺជារូបថតនឹង Status ដែលក្មួយបានផុសពិតមែន តែក្រោយពីផុសបានប្រហែល១០នាទី មក ក្មួយក៏ធ្វើការលុបវាវិញ ព្រោះក្មួយយល់ថាការផុសនេះមិនត្រឹមត្រូវ នឹង បានធ្វើអោយប៉ះពាល់ដល់អារម្មណ៍របស់បងប្អូនប្រជាពលរដ្ឋកម្ពុជាជាច្រើន នាក់ដែលមិនមានសំបុត្រចូលទស្សនាការប្រកួតបាល់ទាត់នៅល្ងាចនេះ «»#ក្មួយពិតជាសោកស្ដាយខ្លាំងណាស់ដែលបានធ្វើអោយប៉ះពាល់ដល់ អារម្មណ៍របស់ពុកម៉ែ ពូមីង បងប្អូនប្រជាជនកម្ពុជាយើងនៅពេលនេះ តែក្មួយ សូមជម្រាបជូន ឯកឧត្តមពូ ក៏ដូចជាបងប្អូនប្រជាពលរដ្ឋកម្ពុជាទាំងអស់មេត្ត ជ្រាបថា ចំពោះសំបុត្រទាំងអស់នេះ គឺក្មួយបានសុំខ្ចីពីបងប្អូនមិត្តភ័ក្តិមកថត ផុសទេ ចំណែកក្មួយផ្ទាល់ខ្លួនក៏មិនមានសំបុត្រចូលទស្សនាដែរ ហើយការ ផុសនេះក៏គ្មានចេតនាអាក្រក់ដែរ គឺមកពីក្មួយខ្វះការពិចារណាអោយបានដិតដល់ ដែលនាំអោយកើតជាកំហុស #ជាទីបញ្ចប់ ខ្ញុំបាទសូមទទួលកំហុសគ្រប់យ៉ាងចំពោះការផុស status។
សូមបញ្ជាក់ថា , តើការបង្ហោះជាសារចុងក្រោយសុំទោស របស់លោក Heng Sara អាចជាការលាងកំហុស ឬរួចផុតពីការប្រមាញ់របស់សមត្ថកិច្ចបានឬទេ ? ខណៈលោករដ្ឋមន្ត្រីក្រសួងព័ត៌មាន កម្រនឹងប្រើភាសា បែបនេះ !.។គេក៏មិនដឹងថាតើភាសាប៉ប៉ិនណឹងរបស់លោកហេងសារាសមមានទោសដែរឬទេ?។សូមជម្រាបជូនថា , ព្រឹត្តិការណ៍ស៊ីហ្គេម 2023 ដែលកម្ពុជាធ្វើជាម្ចាស់ផ្ទះ បានធ្វើឱ្យពិភពលោក មើលឃើញនិងស្គាល់ច្បាស់ពីកម្ពុជាថា មានសន្តិភាព ការអភិវឌ្ឍ តាមរយៈការដឹកនាំរបស់សម្ដេចតេជោ ហ៊ុនសែន នាយករដ្ឋមន្ត្រីនៃកម្ពុជា ៕
