វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9438 នាក់
ម្សិលមិញ 8227 នាក់
សរុប 14136319 នាក់
ព្រះវិហារ៖ លោកក្រូច ប៊ុនតូរអធិការរងក្រុងព្រះវិហារ បានធ្វើអត្តឃាត ដោយបាញ់សម្លាប់ខ្លួនឯងនឹងអាវុធ AK ៤៧ ជាច្រើនគ្រាប់ កាលពីវេលាម៉ោងប្រហែល ១០ព្រឹកថ្ងៃទី១០ ខែមីនា ឆ្នាំ២០២៣ ស្ថិតនៅផ្ទះភូមិគោកប៉េង សង្កាត់កំពុងប្រណាក់ ក្រុង និងខេត្តព្រះវិហារ។
សេចក្ដីរាយការណ៍ពីកន្លែងកើតហេតុ បានឲ្យដឹងថាគេឃើញព្រះរាជអាជ្ញារងនៃសាលាដំបូងខេត្តព្រះវិហារ លោក គឹម សំលេង បានដឹកនាំមន្ត្រីនគរបាលជំនាញក្រុង និងខេត្តព្រះវិហារ ចុះពិនិត្យសាកសពជនរងគ្រោះ ដែលមានឈ្មោះ ក្រូច ប៊ុនតូរ មានតួនាទីជាអធិការរងក្រុងព្រះវិហារ ទទួលបន្ទុកផែនបទល្មើសគ្រឿងញៀន នៃអធិការដ្ឋាននគរបាលក្រុងព្រះវិហារ និងខេត្តព្រះវិហារ។
ជុំវិញការធ្វើអត្តឃាតបាញ់សម្លាប់ខ្លួនឯងនឹងអាវុធ AK ៤៧ជាច្រើនគ្រាប់នេះ គេនៅមិនទាន់ដឹងអំពីមូលហេតុពិតនៅឡើយទេ ព្រោះស្ថិតក្នុងស្ថានភាពនេះ នគរបាលជំនាញខេត្តកំពុងធ្វើកោសល្យវិច័យ និងស្រាវជ្រាវពីមូលហេតុពិត៕