វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6426 នាក់
ម្សិលមិញ 8227 នាក់
សរុប 14133307 នាក់
ចិន ៖ ប្រទេសណាធ្វើការរឹតបន្តឹងការធ្វើដំណើរ លើជនជាតិចិន គឺជាហេតុផលនយោបាយសុទ្ធសាធដោយរដ្ឋាភិបាលចិនបានព្រមានថា នឹងអាចមានវិធានការឆ្លើយតប ជុំវិញបញ្ហានេះ។ បើតាមប្រភពពីសារព័ត៌មាន BBC នៅថ្ងៃទី០៤ ខែមករា ឆ្នាំ២០២៣បានឲ្យដឹងថា៖សហរដ្ឋអាមេរិក ឥណ្ឌា និងចក្រភពអង់គ្លេស ស្ថិតក្នុងចំណោមប្រជាជាតិដែលបានដាក់ចេញនូវការធ្វើតេស្តចាំបាច់ សម្រាប់ការមកដល់របស់អ្នកដំណើរមកពីចិន ស្របពេលដែលប្រទេសយក្សនៅអាស៊ីមួយនេះបន្ទាប់ពី បានរកឃើញអំពីការកើនឡើងនៃករណីឆ្លងជំងឺកូវីដ១៩ បន្ទាប់ពីការបន្ធូរបន្ថយការរឹតត្បិតដ៏តឹងរ៉ឹងចេញពីគោលនយោបាយ សូន្យ-កូវីដ របស់ខ្លួន ដែលបណ្តាលឱ្យមានការភ័.យខ្លា.ចថា ករណីឆ្លង និងស្លា.ប់ កំពុងត្រូវបានរាយការណ៍បំភាន់ក្នុងចំនួនតិចតួច។
កាលពីថ្ងៃទី២៤ ខែធ្នូ ឆ្នាំ២០២២ចិន បានរាយការណ៍តិចជាង៥ពាន់ករណី ប៉ុន្តែអ្នកវិភាគមួយចំនួនអះអាងថា ករណីផ្ទុកប្រចាំថ្ងៃគឺលើសពី២លានករណី ហើយអាចឈានដល់ជិត៤លានករណីក្នុងខែមករា ឆ្នាំ២០២៣។ការខ្វះខាតទិន្នន័យ និងសេចក្តីប្រកាសរបស់ចិន ដែលកំពុងបន្ធូរបន្ថយការទប់ស្កាត់ការធ្វើដំណើរចាប់ពីថ្ងៃទី០៨ ខែមករា បាននាំឱ្យប្រទេសជាង១១ បានប្រកាសអំពីការធ្វើតេស្តកូវីដជាចាំបាច់ លើអ្នកដំណើរមកពីប្រទេសចិន។អង្គការសុខភាពពិភពលោក ( WHO) បានជំរុញឱ្យប្រទេសចិនចែករំលែកព័ត៌មានពេលវេលាជាក់ស្តែងបន្ថែមទៀត ខណៈដែលលោកស្រី Mao Ning ដែលជាអ្នកនាំពាក្យក្រសួងការបរទេសចិន កាលពីថ្ងៃទី០៣ មករា បាននិយាយថា ទីក្រុងប៉េកាំងមានឆន្ទៈក្នុងការធ្វើឱ្យមានទំនាក់ទំនងកាន់តែល្អប្រសើរឡើង ជាមួយនឹងពិភពលោក។
លោកស្រីបានបន្ថែមថា រដ្ឋាភិបាលចិន ប្រឆាំងដាច់ខាតចំពោះការប៉ុនប៉ងរៀបចំវិធានការបង្ការ និងគ្រប់គ្រងការរីករាលដាលនៃជំងឺកូវីដ សម្រាប់គោលបំណងនយោបាយ ហើយនឹងចាត់វិធានការដែលដូចគ្នា យោងទៅតាមគោលការណ៍មានទៅមានមក។សម្រាប់ប្រទេសបារាំងនៅពេលដែលអ្នកសារព័ត៌មានសួរនាំអំពីប្រតិកម្មរបស់ចិននាយករដ្ឋមន្ត្រីបារាំងលោកស្រី Elisabeth Borne បានធ្វើការអះអាងការពារវិធានការរឹតបន្តឹងថ្មីរបស់ខ្លួន។ នាយករដ្ឋមន្ត្រីរូបនេះ បានមានប្រសាសន៍ថា៖«ខ្ញុំគិតថា យើងកំពុងបំពេញកាតព្វកិច្ចរបស់យើងក្នុងការស្នើសុំការធ្វើតេស្តជាមុនសិន។ ហើយយើងនឹងបន្តធ្វើវា»។នាយករដ្ឋមន្ត្រីជប៉ុន លោក Fumio Kishida មានប្រសាសន៍ថា ប្រទេសជប៉ុននឹងរឹតបន្តឹងវិធានការត្រួតពិនិត្យជំងឺកូវីដ-១៩នៅតាមព្រំដែនទៅកាន់រាល់អ្នកដំណើរមកពីប្រទេសចិន ហើយវិធានការនេះនឹងចូលជាធរមានចាប់ពីថ្ងៃទី៨ ខែមករាតទៅ ។
ថ្លែងទៅកាន់អ្នកសារព័ត៌មានក្នុងសន្និសីទសារព័ត៌មានតាមទូរទស្សន៍ជាតិ លោក Kishida បានលើកឡើងថា អ្នកធ្វើដំណើរទាំងអស់ដែលមកពីប្រទេសចិនដីគោកនឹងត្រូវឆ្លងកាត់ការធ្វើតេស្ត PCR ឬការធ្វើតេស្តអង់ទីហ្សែននៅពេលមកដល់អាកាសយានដ្ឋានអន្តរជាតិប្រទេសជប៉ុន ។វិធានការបន្ថែមរួមមាន អ្នកដំណើរនៅលើជើងហោះហើរត្រង់មកពីប្រទេសចិន ត្រូវភ្ជាប់មកជាមួយលទ្ធផលតេស្តអវិជ្ជមានជំងឺកូវីដជាមុន ដោយសារតែក្រុមហ៊ុនអាកាសចរណ៍ត្រូវបានរដ្ឋាភិបាលជំរុញឱ្យដាក់កំណត់ចំពោះជើងហោះហើរបន្ថែម ដើម្បីពង្រឹងវិធានការសង្គ្រោះបន្ទាន់ដែលមានស្រាប់តាំងពីថ្ងៃទី៣០ ខែធ្នូ ឆ្នាំ២០២២ ។
គួររំលឹកថាក្រោមគោលនយោបាយសូន្យកូវីត ព្រំដែនរបស់ប្រទេសចិន ត្រូវបានបិទយ៉ាងទូលំទូលាយចាប់តាំងពីខែមីនា ឆ្នាំ២០២០ កន្លងទៅ ដែលមានន័យថា មានជនបរទេសតិចតួចបំផុត ដែលអាចចូលទឹកដីរបស់ចិនបាន ហើយអ្នកទាំងនោះ ត្រូវតែឆ្លងកាត់ការធ្វើតេស្តយ៉ាងម៉ត់ចត់ និងការធ្វើចត្តាឡីស័កផងដែរ។ប៉ុន្តែបន្ទាប់ពីមានការផ្ទុះការតវារដ្ឋាភិបាលចិនក៏បានបន្ធូបន្ថយនិងបើកឲ្យមានលំហូប្រជាជនចេញចេញក្រៅប្រទេស។លោកChen Erzhenអនុប្រធានមន្ទីរពេទ្យRuijinនិងជាសមាជិកនៃក្រុមប្រឹក្សាអ្នកជំនាញកូវីដ១៩ នៅទីក្រុងសៀង ហៃ ក៏បានធ្វើការបានប៉ាន់ប្រមាណស្រដៀងគ្នាដែលថាប្រជាជនចំនួន ២៥ លាននាក់ក្នុងទីក្រុងសៀងហៃ ប្រហែលជាបានឆ្លងជំងឺកូវីដ១៩៖ «ឥឡូវនេះការរីករាលដាលនៃជំងឺបានរាតត្បាតពាសពេញទីក្រុងសៀងហៃ ចំនួនអ្នកឆ្លងប្រហែលជាបានឈានដល់៧០ភាគរយនៃចំនួនប្រជាជនក្នុងទីក្រុងដែលចំនួននេះមានការកើនឡើងពី២០ទៅ៣០ដងនៅក្នុងខែមេសានិងខែឧសភា»។ គួរបញ្ជាក់ថា កាលពីខែមេសា ទីក្រុងសៀងហៃ ធ្លាប់ត្រូវបានបិទខ្ទប់អស់រយៈពេល២ខែដែលក្នុងអំឡុងពេលនោះពលរដ្ឋជាង ៦០ម៉ឺននាក់ បានឆ្លងមេរោគកូវីដ១៩ហើយមនុស្សជាច្រើនត្រូវបានដឹកទៅកាន់មជ្ឈមណ្ឌលធ្វើចត្តាឡីស័ក។
សព្វថ្ងៃនេះវីរុសបំប្លែងខ្លួនថ្មីអូមីក្រុង កំពុងរីករាលដាលពាសពេញទីក្រុងសៀងហៃ ហើយនៅក្នុងទីក្រុងធំៗផ្សេងទៀតរួមមានទីក្រុងប៉េកាំង(Beijing)ធានជីន(Tianjin) ចុងឈីង(Chongqing) និងក្វាងចូវ (Guangzhou)មន្ត្រីសុខា ភិបាលចិនបានឱ្យដឹងថារលកនៃការឆ្លងថ្មី បានកើនឡើងខ្លាំងបំផុតប៉ុន្មានថ្ងៃនេះ។រីឯខេត្តចឺជាង (Zhejiang) ក្រុមអាជ្ញាធរគ្រប់គ្រងជំងឺនៅទីនោះបានថ្លែងកាលពីថ្ងៃអង្គារថា មានករណីវិជ្ជមានកូវីដ១៩ ឆ្លងថ្មីចំនួនរហូតដល់ទៅ ១លាននាក់ ក្នុងរយៈពេលប៉ុន្មានថ្ងៃនេះ ហើយពួកគេ បានបន្ថែមថាខេត្តមួយនេះកំពុងឈានចូលទៅក្នុងស្ថានភាពដ៏ធ្ងន់ធ្ងរបំផុត។
លោក Chen ក៏បានលើកឡើងផងដែរថាមន្ទីរពេទ្យនៅទីក្រុងសៀងហៃទទួលបានការស្នើសុំជំនួយសង្គ្រោះបន្ទាន់ប្រមាណជា ១ ៦០០ ដងជារៀងរាល់ថ្ងៃ។ តួលេខនេះកើនឡើងទ្វេដងបើធៀបទៅនឹងមុនពេលបន្ធូបន្ថយវិធានការកូវីដ។លោកបានបន្ថែមថា៖ «រថយន្តសង្គ្រោះបន្ទាន់ជាង ១០០ គ្រឿង បានចេញចូលមន្ទីរពេទ្យជារៀងរាល់ថ្ងៃ។ហើយប្រមាណជា ៥០% ជាជនងាយរងគ្រោះដែលមានអាយុលើសពី ៦៥ ឆ្នាំ»។
សព្វថ្ងៃនេះ ក្រុមមន្ត្រីចិនបានត្រៀមខ្លួនរួចជាស្រេចហើយក្នុងការស្វាគមន៍រលកថ្មីនៃការរាតត្បាតជំងឺកូវីដ ១៩ ខណៈដែលពលរដ្ឋចិនរាប់លាននាក់កំពុងរៀបចំធ្វើដំណើរទៅកាន់ស្រុកកំណើតរបស់ពួកគេ ដើម្បីចូលរួមពិធីបុណ្យចូលឆ្នាំចិនពេញ ១ សប្តាហ៍ខាងមុខនេះ ដែលនឹងចាប់ផ្តើមនៅថ្ងៃទី ២១ ខែមករា។ ។