វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2104 នាក់
ម្សិលមិញ 9706 នាក់
សរុប 14080347 នាក់
ខេត្តបន្ទាយមានជ័យ៖ ក្រោយពីរអាគារកាស៊ីណូហ្គ្រេនដាយមិននិងកាស៊ីណូរីសតត្រូវបានអាទីភ័យឆាបឆេះខូចខាតទាំងស្រុងហើយនោះ ហើយត្រូវបានបិទបញ្ចប់នៅបេសកកម្មរុករកនៅល្ងាចថ្ងៃ ៣០ខែធ្នូឆ្នាំ ២០២២។តាមប្រភពនិងទិន្នន័យបានបញ្ជាក់ថាមានចំនួនមនុស្សស្លាប់ចំនួន២៦នាក់និងនាក់របួស់ធ្ងន់ស្រាល៥៧នាក់។
លោកគតិសិង្ហបណ្ឌិតគន់ គីម ទេសរដ្ឋមន្ត្រីនិងជាអនុប្រធានទី ១គណៈកម្មការជាតិគ្រប់គ្រងគ្រោះមហន្តរាយក្នុងនាមជាតំណាងដ៏ខ្ពង់ខ្ពស់របស់សម្ដេចតេជោហ៊ុន សែននាយករដ្ឋមន្ត្រីកម្ពុជាបានកោតសរសើរនិងថ្លែងអំណរគុណដល់មន្ត្រីថ្នាក់ដឹកនាំនិងមន្ត្រីអាជ្ញាធរមានសមត្ថកិច្ចកងកម្លាំងពាក់ព័ន្ធទាំងអស់តែធ្វើកិច្ចសហប្រតិបត្តិការសង្គ្រោះនិងគ្រប់គ្រងស្ថានការអគ្គីភ័យកាស៊ីណូនៅកន្លែងកើតហេតុមានដូចជាអាចធ្វើខេត្តបន្ទាយមានជ័យស្នងការដ្ឋានខេត្តបន្ទាយមានជ័យអាវុធហត្ថ នឹងកងកម្លាំងយោធាកងពលលេខ ៥១គណៈកម្មការជាតិសង្គ្រោះមហន្តរាយជាមួយកងប្រតិបត្តិការរុករកនិងសង្គ្រោះ ៧១១ ៩១១ នៅកងពលតូចលេខ ៧០ជាពិសេសខេត្តស្រះកែវដែលបានបញ្ជូនកម្លាំងសង្គ្រោះមក បានទាន់ពេលវេលា ។ទោះបីយា់ងណា ក្នុងករណីអគ្គីភ័យឆាបឆេះកាស៊ីណូហ្គ្រេនដាយម៊ិននិងកាស៊ីណូរីសត នៅក្រុងប៉ោយប៉ែតមិនទាន់បានបញ្ជាក់ពីការខូចខាតអស់ទឹកប្រាក់ទំហំចំនួនប៉ុន្មាននោះនៅឡើយទេនៅព្រឹកថ្ងៃ៣១.១២.២០២២នេះ។
លោក អ៊ុំ រាត្រី អភិបាលខេត្តបន្ទាយមានជ័យ បានឱ្យដឹងថា សម្រាប់ប្រតិបត្តិការជួយអន្តរាគមន៍គ្រោះអគ្គិភ័យនេះ ខាងកម្ពុជាប្រើប្រាស់ កម្លាំង ១ ០០៩នាក់ និងខាងថៃចំនួន ២២១នាក់ បន្ទាប់ពីប្រើប្រាស់ពេល ៣៩ម៉ោង គិតរហូតមកដល់ល្ងាចថ្ងៃទី៣០ ខែធ្នូ ឆ្នាំ២០២២។ ចំពោះសាកសពអ្នកស្លាប់មានជនជាតិថៃចំនួន ១៧នាក់, នេប៉ាល់ម្នាក់, ម៉ាឡេស៊ីម្នាក់, សង្ស័យចិនម្នាក់ និងមិនស្គាល់អត្តសញ្ញាណ ៦នាក់(មិនមែនជាតិខ្មែរ)។
គណបក្សភ្លើងទៀនកាលពីថ្ងៃទី៣០ ខែធ្នូបានចេញមកជំរុញឱ្យរដ្ឋាភិបាលបើកការស្រាវជ្រាវរកមូលហេតុដែលបណ្តាលឱ្យមានសោកនាកម្មស្លាប់បុគ្គលិកកាស៊ីណូហ្គ្រេនដាយមែនស៊ីធី និងកាស៊ីណូប៉ោយប៉ែតស៊ីធីប្រមាណជិត២០នាក់ និងរបួសកើនឡើងជិត១០០នាក់។ និងបន្តស្រាវជ្រាវរកអ្នកពាក់ព័ន្ធមកផ្តន្ទាទោសតាមច្បាប់ ក៏ដូចជាផ្តល់សំណង់ដល់ក្រុមគ្រួសារបុគ្គលិកដែលបានបាត់បង់ជីវិត ឬកំពុងបាត់ខ្លួនដែលមិនទាន់រកឃើញ រួមទាំងផ្តល់សំណងជូនបុគ្គលិកដែលរងរបួសឱ្យបានគ្រប់គ្នាជាបន្ទាន់។បើតាម បក្សភ្លើងទៀន គ្រប់កន្លែងការងារត្រូវធានាបាននូវសុវត្ថិភាពដល់បុគ្គលិកគ្រប់រូប ហើយជាកាតព្វកិច្ចរបស់ម្ចាស់ក្រុមហ៊ុន និងអាជ្ញាធរត្រូវអនុវត្តវិធានការសុវត្ថិភាព ដើម្បីការពារដល់អាយុជីវិតរបស់បុគ្គលិក និងភ្ញៀវទាំងអស់នៅគ្រប់ហេតុការណ៍ដែលអាចកើតមានឡើង។ ហើយចំពោះការធ្វេសប្រហែសនេះ បក្សភ្លើងទៀនចាត់ទុកថា ជាកំហុសដែលមិនអាចអត់ឱនបានឡើយ។