វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8693 នាក់
ម្សិលមិញ 8227 នាក់
សរុប 14135574 នាក់
ភ្នំពេញ ៖ ជនត្រូវចោទឈ្មោះ សៅ សុខុន ហៅ ប្រុសធំ ជាមន្ត្រីយោធាថ្នាក់វរសេនីយ៍ទោ និងជាជំនួយការ ឧកញ៉ាម្នាក់ ជិះរថយន្តម៉ាក Lexus 570 ពណ៌ខ្មៅ ពាក់ស្លាកលេខ ភ្នំពេញ 2BK-7799 ក្រោយពីជាប់ពន្ធនាគារមួយរយៈពីបទមនុស្សឃាតដោយអចេតនា តាមមាត្រា ២០៧ នៃក្រមពហ្មទណ្ឌត្រូវបានចៅក្រមស៊ើបសួរ សាលាដំបូងរាជធានីភ្នំពេញដោះលែងបាត់ហើយកាលពីថ្ងៃទី១៩ ខែធ្នូឆ្នាំ២០២២ ។គេមិនដឹងថាមូលហេតុនៃការដោះលែងមានអ្វីខ្លះនោះទេព្រោះតុលាការមិនបានប្រកាស។ម្យ៉ាងបើមែនតើបទល្មើសម្លាប់មនុស្សតុលាការដោះលែងឲ្យនៅក្រៅឃុំបានដែរ?។
សូមបញ្ចាក់ថាជនដៃដល់ជាយោធានិងជាអង្គរក្សឧកញ៉ាដែលគេលាក់ឈ្មោះបានជិះរថយន្តម៉ាកឡិចស៊ីស៥៧០ បានបាញ់សម្លាប់បុរសម្នាក់ នៅសង្កាត់ភ្នំពេញថ្មី ខណ្ឌសែនសុខ ត្រូវបានសមត្ថកិច្ចឃាត់ខ្លួន ពេលជនរូបនោះបានចូលខ្លួនសារភាពនៅស្នាក់ការនគរបាលប៉ុស្តិ៍បឹងកក់ទី១ ខណ្ឌទួលគោក រាជធានីភ្នំពេញ ដោយមន្ត្រីយោធារូបនោះបានបាញ់សម្លាប់ជនរងគ្រោះមានឈ្មោះ រិទ្ធិ ចិត្ត្រា អាយុ២៤ឆ្នាំ ស្នាក់នៅផ្លូវលំ ភូមិរោងចក្រសង្កាត់គោកឃ្លាង ខណ្ឌសែនសុខ រាជធានីភ្នំពេញ ត្រូវចំនួន២គ្រាប់ចំខ្នងធ្លាយមកទ្រូង ដួលផ្កាប់មុខស្លាប់ នៅលើចិញ្ចើមផ្លូវ ចម្ងាយ ប្រមាណជាង១០០ម៉ែត្រ ពីកន្លែងបាញ់។
ជនរងគ្រោះជិះម៉ូតូម៉ាកស្កុបពី ពណ៌ខ្មៅ សេរី ២០២២ ពាក់ស្លាកលេខភ្នំពេញ 1JG-4729 កាលពីវេលាម៉ោងប្រមាណ១និង១០នាទី រសៀលថ្ងៃទី០២ខែ វិច្ឆិកាឆ្នាំ២០២២ នៅចំណុចផ្លូវលេខ១០១១កែងផ្លូវ SOS ក្នុងភូមិភ្នំពេញថ្មី សង្កាត់ភ្នំពេញថ្មី ខណ្ឌសែន សុខ រាជធានីភ្នំពេញ បន្ទាប់ពីសមត្ថកិច្ចដេញតាមចាប់មុខសញ្ញាគាស់ផ្ទះហើយបានស្រែកថាចោរៗទើបខ្មាន់កាំភ្លើងឈប់រថយន្តរួចបាញ់សំដៅទៅលើជនសង្ស័យបណ្តាលឲ្យស្លាប់តែម្តងទៅ។ក្រុមគ្រួសារយុវជនរងគ្រោះបានប្រកាសបដិសេធចំពោះការចោទប្រកាន់ទាំងឡាយណាដែលថាយុវជនរងគ្រោះគឺជាមុខសញ្ញាចោរប្លន់។សូមបញ្ជាក់ថាស្រុកខ្មែរគ្មានទេទោសប្រហារជីវិត។ម្យ៉ាងទៀតជនរងគ្រោះមិនទាន់មានទោសត្រូវបាញ់សម្លាប់ផុយៗចឹងនោះទេ។ការដោះលែងបុរសខាងលើនេះនាំឲ្យមានការមន្ទិល សង្ស័យចំពោះភាពមិនប្រក្រតីទាំងឡាយ។ យ៉ាងណា ក៏ដោយ យើងមិនអាចស្វែងរកការបញ្ជាក់បន្ថែមពីមន្ត្រីសាលាដំបូងរាជធានីភ្នំពេញបានទេចំពោះពត៍មានការដោះលែងនេះ។