វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4063 នាក់
ម្សិលមិញ 8227 នាក់
សរុប 14130944 នាក់
បែលហ្សិក៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជានាថ្ងៃទី១២ ខែធ្នូ ឆ្នាំ២០២២ បានអះអាងថា សម្តេចមកអឺរ៉ុបនេះ មិនអាចយកឯករាជ្យ អធិបតេយ្យភាព ទៅដោះដូរជាមួយជំនួយឬភាពអនុគ្រោះណាទាំងអស់។នៅក្នុងពិធីជួបសំណេះសំណាលជាមួយប្រជាពលខ្មែរជិត២ពាន់នាក់ នៅទ្វីបអឺរ៉ុប សម្តេចតេជោ ហ៊ុន សែន បានលើកឡើងថា «ខ្ញុំមកអឺរ៉ុបនេះ ខ្ញុំដាក់បម្រាមអត់ឱ្យមន្ត្រីរបស់ខ្ញុំសុំអីនរណាត្រឡប់មកវិញ ភាពអនុគ្រោះណា ខ្ញុំបាននិយាយហើយ ខ្ញុំមិនអាចយកឯករាជ្យ អធិបតេយ្យភាព ទៅដោះដូរជាមួយជំនួយ ឬភាពអនុគ្រោះណាទាំងអស់ អ្នកឯងចង់ឱ្យៗ រកស៊ីជាមួយគ្នារកស៊ី»។
កាលពីថ្ងៃទី១២ ខែសីហា ឆ្នាំ២០២០ សហភាពអឺរ៉ុបបានសម្រេចជាស្ថាពរ ក្នុងការដក EBA ដោយយកពន្ធលើទំនិញកម្ពុជា ២០ភាគរយ។ តាមការវាយតម្លៃ ការកាត់ផ្នែកខ្លះនៃប្រព័ន្ធអនុគ្រោះពន្ធនេះ មានទឹកប្រាក់ប្រមាណជាង ១០០លានដុល្លារអាមេរិក លើកផលិតផល ៤០មុខ។ទោះជាយ៉ាងនេះក្តី សម្តេចតេជោ ហ៊ុន សែន បានអះអាងថា នៅឆ្នាំ២០២២នេះ ការនាំចេញរបស់កម្ពុជាទៅកាន់អឺរ៉ុប មានការកើនឡើងគួរឱ្យកត់សម្គាល់។ សម្តេចបានបញ្ជាក់ថា ឥឡូវការនាំចេញទៅអឺរ៉ុប កើនដល់១៨ភាគរយ ស្មើនឹងទំហំទឹកប្រាក់ជាង៤ពាន់លានដុល្លារ ខណៈដែលការនាំចេញទៅអាមេរិក ក៏កើនឡើងដែរ.។
ទាក់ទងនិងវត្តមានទស្សនកិច្ចនៅបណ្តាប្រទេសអឺរ៉ុបលើកនេះសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា វត្តមានរបស់សម្តេចនៅទ្វីបអឺរ៉ុបលើកនេះ ជាការវ៉ៃដល់ផ្ទះរបស់ក្រុមប្រឆាំង ដែលសម្តេចទំនងជាសំដៅទៅ លោក សម រង្ស៉ី មេក្រុមប្រឆាំងក្រៅច្បាប់៖ «ខ្ញុំចង់មើល ថ្ងៃទី១៤នេះ វាមានប៉ុន្មានពិតប្រាកដ ហើយខ្ញុំសំណូមពរឱ្យអ្នកអំពាវនាវឱ្យធ្វើបាតុកម្ម ដឹកនាំបាតុកម្មផ្ទាល់ តើបានទេ ខ្ញុំវ៉ៃដល់ផ្ទះ ដូចនៅតុលាការបារាំងអញ្ចឹង»។សម្តេចបានរំលឹកអំពីខ្លឹមសារនៃសេចក្តីសន្និដ្ឋានរបស់តុលាការទីក្រុងប៉ារីស ដែលបានសម្រេចថា សម្តេចមិនមែនជាអ្នកនៅពីក្រោយនៃការស្លាប់របស់ លោក ហុក ឡង់ឌី ដូចការចោទប្រកាន់របស់ លោក សម រង្ស៉ី នោះឡើយ ហើយសម្រេចថា អ្វីដែលចោទប្រកាន់ដោយ សម រង្ស៉ី ជារឿងបរិហារកេរ្តិ៍។
សម្តេចតេជោ ហ៊ុន សែន បានលើកឡើងទៀតថា សម្រាប់លើកនេះ សម្តេចមិនវ៉ៃដល់ផ្ទះទេ ប៉ុន្តែសម្តេចទៅដល់ជណ្តើរផ្ទះរបស់ លោក ម៉ាក្រុង ប្រធានាធិបតីបារាំង និងធ្លាប់ចូលវិមានអេលីហ្សេ។ សម្តេចបានចោទសួរទៅ លោក សម រង្ស៉ីថា តើធ្លាប់ចូលកន្លែងទាំងនេះ និងស្គាល់ប្រធានាធិបតីបារាំង និងមេដឹកនាំដទៃទៀតច្បាស់ទេ។គេមិនទាន់ដឹងថាតើក្នុងជំនួបជាមួយប្រធានាធិបតីបារាំងលោកអេម៉ានុយអែលម៉ាក្រុងដេលបានអាក់ខានមិនបានជួបក្នុងកម្មវិធីប្រជុំAPECក្នុងប្រទេសថៃនោះមានអ្វីខ្លះត្រូវលើកពិភក្សានោះទេតែគេជឿថាបញ្ហាក្រុមបារាំងដែលកុងត្រារកស៊ីប្រតិបត្តការព្រលានយន្តហោះនៅស្រុកខ្មែរដែលកំពុងប្រឈមនិងការបិតដោយសារការបើកឲ្យក្រុមហ៊ុនចិនធ្វើព្រលានយន្តហោះថ្មីនៅសៀមរាបនៅកោះស្តេចនិងព្រលានយន្តហោះនថ្មីនៅស្រុកកណ្តាលស្ទឹងខេត្តកណ្តាលអាចជារបៀបវារៈមួយផងដែរ៕