វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3467 នាក់
ម្សិលមិញ 5378 នាក់
សរុប 14082760 នាក់
ភ្នំពេញ៖តារា TikTok វ័យក្មេងម្នាក់រងការរិះគន់ពីមហាជន បន្ទាប់ពីរូបគេបានកាត់តរូបភាពដ៏ប្រមាថ ដោយយករូបមុខរបស់ខ្លួន ដាក់ប្តូរទៅនឹងរូបព្រះឆាយាលក្ខណ៍សម្ដេចព្រះនាមព្រះមហាឃោសនន្ទ វ៉ាយ៉ាវ ដែលជាព្រះរស់របស់ផែនដី ដោយសារតែរឿងម៉ូតូធំត្រូវគយចាប់ផាកពិន័។
ពីដំបូងឡើយ តារា TikTok រូបនេះដែលមានឈ្មោះថា William Satya បានប្រតិកម្មមិនពេញចិត្ត ចំពោះសមត្ថកិច្ចគយ បានចុះចាប់ម៉ូតូធំជាច្រើន ដែលគ្មានពន្ធត្រឹមត្រូវ។ ហើយបន្ទាប់មក រូបគេក៏បានផុសរូបឌឺដងបន្ថែម ដោយភ្ជាប់រូបកាត់តជាមួយព្រះឆាយាលក្ខណ៍សម្ដេចព្រះនាមព្រះមហាឃោសនន្ទ វ៉ាយ៉ាវ ដ៏មិនសមរម្យ ជាមួយ Caption ថា «ស្អែកបួសហើយ ខ្លាចប្រពន្ធកាប់ម៉ូតូ» ដែលបង្កឲ្យមហាជនផ្ទុះការខឹងសម្បារកក្រើកតែម្តង ព្រោះថា នេះជាទង្វើដ៏ប្រមាថធ្ងន់ធ្ងរបំផុត ដល់អង្គសម្ដេចព្រះមហាឃោសានន្ទ ដែលពេញមួយព្រះជន្មព្រះអង្គ លោកបានលះបង់ព្រះវរកាយ ដើម្បីព្រះពុទ្ធសាសនា និង សុខសន្តិភាពនៃជាតិកម្ពុជា។
ក្រោយមកជាតារា TikTok រូបនេះ បានធ្វើការសុំទោសជាសាធារណៈចំពោះកំហុសខុសឆ្គងរបស់ខ្លួន និងអះអាងថា ខ្លួនពុំបានប្រមាថទៅដល់សម្ដេចព្រះនាមព្រះមហាឃោសនន្ទ វ៉ាយ៉ាវ និងផ្ទុយទៅវិញ គោរពស្រលាញ់ព្រះពុទ្ធសាសនាជាខ្លាំង!។តែយ៉ាងណាក៏ដោយ ក៏មហាជនខ្មែរមួយចំនួនធំ ពុំសុខចិត្ត និងទទួលយកការសុំទោសនេះបានឡើយ។ មហាជនជាច្រើនបានលើកឡើងថា បុគ្គលឈ្មោះ William Satya គឺជាជាក្មេងពាលឈ្លើយខ្វះការអប់រំ និងគ្មានសីលធម៌ គួរតែត្រូវបានចាប់ដាក់គុកឲ្យបាន ៥-៦ ខែ កុំអាងអីសុំទោសរួចខ្លួន នោះ។សូមបញ្ជាក់ថាតារាTiktok យុវវ័យក្មេងរូបនេះ ត្រូវបានមហាជនស្គាល់ តាមរយៈថតវីដេអូសម្តែងរឿងខ្លីៗ បង្ហោះនៅលើបណ្តាញសង្គម TikTok និងហ្វេសប៊ុក ហើយអ្វីដែលធ្វើឲ្យមហាជនកត់សម្គាល់នោះ គឺរូបគេភាគច្រើន តែងតែសម្តែងជាក្មេងទំនើង និងមានចរិតឈ្លើយៗ ៕