វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6435 នាក់
ម្សិលមិញ 5020 នាក់
សរុប 14121882 នាក់
ភ្នំពេញ៖ករុណាព្រះបាទសម្តេចព្រះបរមនាថ នរោត្តម សីហមុនីព្រះមហាក្សត្រ នៃព្រះរាជាណាចក្រកម្ពុជាបានត្រាស់បង្គាប់បញ្ចប់មុខតំណែងសមាសភាពឧត្តមក្រុមប្រឹក្សាពិគ្រោះនិងផ្តល់យោបល់ចំនួនបីរូបតាមសំណើរនាយករដ្ឋមន្ត្រី ។ព្រះរាជក្រឹត្យចុះថ្ងៃទី៤ ខែតុលា ឆ្នាំ២០២២បានត្រាស់បង្គាប់បញ្ចប់តំណែង លោក គង់ មុនីកា ពីសមាសភាពឧត្តមក្រុមប្រឹក្សាពិគ្រោះនិងផ្តល់យោបល់ មានឋានៈស្មើទេសរដ្ឋមន្ត្រីមន្ត្រី, លោក អ៊ី មុយលី ពីសមាសភាពឧត្តមក្រុមប្រឹក្សាពិគ្រោះនិងផ្តល់ យោបល់មានឋានៈស្មើរដ្ឋមន្ត្រី និងលោក តុល ប្រាសាទ ពីមន្ត្រីតំណាងក្នុងលេខាធិការដ្ឋានឧត្តមក្រុមប្រឹក្សាពិគ្រោះនិងផ្តល់យោបល់មានឋានៈស្មើអនុរដ្ឋលេខាធិការ។
ការបណ្តេញថ្នាក់ដឹកនាំគណបក្សឆន្ទៈខ្មែរចេញពីឧត្តមក្រុមប្រឹក្សាពិគ្រោះយោបល់គឺបន្ទាប់ពីគណបក្សភ្លើងទៀននៅថ្ងៃទី០៤ ខែតុលានេះ បានប្រកាសស្វាគមន៍លោក គង់ គាំដែលជាប្រធានកិត្តិយសគណបក្សឆន្ទៈខ្មែរដែលមិនបានតួនាទីក្រុមប្រឹក្សាឃុំសង្កាត់មួយជើងម៉ាផងនោះបានចុះចូលជាមួយគណបក្សភ្លើងទានហើយផ្តល់តួនាទីជាឧត្តមទីប្រឹក្សាគណបក្សភ្លើងទៀនផងដែរដល់លោក។លោកគង់គាំដែលជាឪពុកលោកគង់ម៉ូនីកាហើយជា អតីតស្ថាបនិកគណបក្សជាតិខ្មែរ និងជាអតីតទីប្រឹក្សាជាន់ខ្ពស់អតីតគណបក្សសង្គ្រោះជាតិបាន បញ្ជាក់ប្រាប់វិទ្យុបារាំងថាការចូលរួមរបស់គណបក្សឆន្ទៈខ្មែរជាមួយគណបក្សភ្លើងទៀន គឺដើម្បីតស៊ូរួមគ្នាឲ្យមានពហុបក្សនៅក្នុងរដ្ឋសភាឆ្នាំ២០២៣ខាងមុខ។ តាម លោក គង់ គាំ គ្រួសាររបស់លោកអាចនិយាយបានថាជាតំណាងឲ្យគ្រួសារនៅក្នុងសង្គម ខ្មែរ ដែលមានភាពចម្រុះបក្ស ដោយកូនប្រុសទាំងបីរបស់លោក និងលោកជាអ្នកនយោបាយស្ថិតនៅក្នុងគណបក្សផ្សេងៗគ្នា រួមទាំងគណបក្សកាន់អំណាចផងដែរ។សូមបញ្ជាក់ដែរថាលោកគង់បូរ៉ាអតីតតំណាងរាស្ត្រគណបក្សសង្គ្រោះជាតិបានចុះចូលជាមួយគណបក្សប្រជាជនកម្ពុជាហើយបានទទួលតួនាទីជាអនុរដ្ឋលេខាធិការក្រសួងមហាផ្ទៃ។ដោយឡែកលោកគង់សុភាដែលត្រូវគេព្រួតវាយបែកច្រមុះបន្តនៅជាមួយលោសមរង្ស៊ីដដែល។
គណបក្សឆន្ទៈខ្មែររបស់លោកគង់ម៉ូនីកា សម្រេចមិនដាក់បញ្ជីបេក្ខជនឈរឈ្មោះ សម្រាប់ជ្រើសតាំងតំណាងរាស្ត្រដែលបម្រើឱ្យការបោះឆ្នោតរដ្ឋសភា នៅថ្ងៃទី២៣ក្ខែកក្កដា ឆ្នាំ២០២៣ ខាងមុខនេះទេ គឺគណបក្សក្រៅរដ្ឋាភិបាលមួយនេះ សម្រេចចុះចូលជាមួយជាមួយនឹងគណបក្សភ្លើងទៀន។លោក គង់ មុនីកា ប្រធានគណបក្សឆន្ទៈខ្មែរ បានឱ្យដឹងនៅថ្ងៃអង្គារនេះថា គណបក្សរបស់ខ្លួន បានសម្រេចជាគោលការណ៍ហើយ គឺមិនដាក់បញ្ជីបេក្ខភាពសម្រាប់ឈរឈ្មោះបោះឆ្នោតទេ នៅថ្ងៃខាងមុខនេះ ដោយបេក្ខភាពទាំងអស់នឹងត្រូវមកឈរឱ្យតែគណបក្សភ្លើងទៀនតែមួយជាមួយគ្នា។ លោកបន្តថា នៅចំពោះមុខនេះ ការសម្រេចរំលាយគណបក្សឆន្ទៈខ្មែរ ឬទុកគណបក្សនេះឱ្យនៅចាំផ្ទះ ឬក៏ត្រូវរួបរួមគ្នាជាមួយគណបក្សភ្លើងទៀនឬយ៉ាងណានោះ គឺកំពុងស្ថិតនៅក្នុងការពិនិត្យ និងពិគ្រោះយោបល់បន្តទៀតនៅឡើយ។ «យើងសម្លឹងទៅរកការរួមគ្នាជាគណបក្សតែមួយ ក៏ប៉ុន្តែទៅតាមស្ថានការណ៍ជាក់ស្តែង ដូចដែលសេចក្តីថ្លែងការណ៍របស់គណបក្សឆន្ទៈខ្មែរអីចឹង។ យើងត្រូវការពេលវេលាដើម្បីជជែកគ្នាទៀតហើយ តែពីពេលនេះទៅយើងនៅក្រោមស្លាកគណបក្សភ្លើងទៀនតែមួយ អីចឹង មានន័យថាយើងមិនទាន់ច្របាច់បញ្ចូលគ្នាតែមួយឡើយទេ»។
សេចក្តីប្រកាសព័ត៌មានរបស់គណបក្សភ្លើងទៀន ដែលចេញនៅថ្ងៃទី៤ ខែតុលានេះឯណេះវិញ ក៏មិនខុសគ្នាពីអ្វីដែលជាជំហររបស់មេដឹកនាំគណបក្សឆន្ទៈខ្មែរដែរទេ។ តាមរយៈសេចក្តីថ្លែងការណ៍របស់ខ្លួន គណបក្សចាស់វង្សាមួយនេះ បានបង្ហាញការស្វាគមន៍ចំពោះគណបក្សឆន្ទៈខ្មែរ ដែលជាបក្សសម្ព័ន្ធអ្នកប្រជាធិបតេយ្យជាមួយគ្នា ក្នុងការសម្រេចចិត្តមិនដាក់បញ្ជីបេក្ខជនឈរឈ្មោះបោះឆ្នោតជ្រើសតាំងតំណាងរាស្ត្រ ហើយចូលរួមជាមួយគណបក្សភ្លើងទៀន ជាគណបក្សតែមួយ ចាប់ពីពេលនេះទៅ។ លោក ថាច់ សេដ្ឋា អនុប្រធានគណបក្សភ្លើងទៀន មានជំនឿថា ការរួមកម្លាំងគ្នាឡើងវិញនេះ នឹងមិនមានទំនាស់ផលប្រយោជន៍ណាមួយកើតឡើងទេ ព្រោះអ្នកនយោបាយទាំងអស់ គឺសុទ្ធតែតម្កល់ផលប្រយោជន៍ជាតិជាធំដូចគ្នា។ មួយវិញទៀត លោកថា ការតែងតាំង និងការផ្តល់ឋានៈបែបណានោះ គឺជាការសម្រេចតាមលក្ខខន្តិកៈ ដូចមានចែងរបស់គណបក្សភ្លើងទៀន។លោកបន្តថា៖ «ការចូលរួមនេះ មានន័យថា មកធ្វើសកម្មភាពនៅក្រោមស្លាកគណបក្សភ្លើងទៀនតែមួយ អីចឹងបេក្ខជនតំណាងរាស្ត្រក៏ដោយ គឺយើងឈរនៅក្នុងតំណាងរាស្ត្ររបស់គណបក្សភ្លើងទៀនតែមួយនេះឯង »។