វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2148 នាក់
ម្សិលមិញ 8227 នាក់
សរុប 14129029 នាក់
រាជធានីភ្នំពេញ៖ បន្ទាប់ពីបើកយុទ្ធនាការត្រួតពិនិត្យទីតាំងបញ្ចាំម៉តូមួយប្រាវដកហូតបានម៉តូជាំង១ពាន់គ្រឿងរួចមក នៅថ្ងៃទី២៨ ខែកញ្ញា ឆ្នាំ២០២២នេះ លោក ឃួង ស្រេង អភិបាលរាជធានីភ្នំពេញ បានចេញសេចក្ដីសម្រេច បង្កើតក្រុមការងារថ្មីមួយទៀតសម្រាប់ត្រួតពិនិត្យទីតាំងអាជីវកម្មទទួលបញ្ចាំ និងទទួលប្រាទិភោគដោយអនុប្បទាន ក្នុងភូមិសាស្ដ្ររាជធានីភ្នំពេញ។
ក្រុមការងារនេះ គឺមានលោក ឃួង ស្រេង ជាប្រធាន អមដោយអនុប្រធាន ៣រូប គឺលោក ឃ្លាំង ហួត អភិបាលរងរាជធានីភ្នំពេញ លោក ស ថេត ស្នងការនគរបាលរាជធានីភ្នំពេញ និងលោក រ័ត្ន ស្រ៊ាង មេបញ្ជាការកងរាជអាវុធហត្ថ រាជធានីភ្នំពេញ។ ក្រុមការងារនេះ ក៏មានសមាជិកច្រើនរូបផ្សេងទៀត ក្នុងនោះ មានទាំងអភិបាលខណ្ឌទាំង១៤ និងប្រធានពន្ធដារខណ្ឌទាំង ៩ផងដែរ។
លោក ឃ្លាំង ហួត អភិបាលរងរាជធានីភ្នំពេញ នៅព្រឹកថ្ងៃទី២៨ ខែកញ្ញា ឆ្នាំ២០២២នេះ បានបន្តសហការជាមួយនឹងអាជ្ញាធរមូលដ្ឋានខណ្ឌទួលគោកចុះត្រួតពិនិត្យទីតាំងឃ្លាំងទទួលបញ្ចាំ និងស្តុកម៉ូតូ ស្ថិតនៅក្បែរអធិការដ្ឋាននគរបាលខណ្ឌទួលគោក តាមបណ្ដោយផ្លូវលេខ៣២៤ មូលដ្ឋានសង្កាត់បឹងសាឡាង ខណ្ឌទួលគោក រាជធានីភ្នំពេញ។ លោក ឃ្លាំង ហួត អភិបាលរងរាជធានី ក៏បានបញ្ជាក់ដែរថា ចំពោះម៉ូតូចំនួន ១១១៣ គ្រឿងដកហូតរក្សារទុកនៅតំបន់OCIC គឺលោកបានប្រគល់ជូនទៅកម្លាំងនគរបាលជំនាញ ព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ ដើម្បីឱ្យកម្លាំងនគរបាលជំនាញធ្វើការត្រួតពិនិត្យចំពោះម៉ូតូណាជាម៉ូតូខុសច្បាប់និងម៉ូតូណាដែលម៉ូតូបញ្ចាំ រួចចាត់ការតាមនីតិវិធី។