វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4879 នាក់
ម្សិលមិញ 5544 នាក់
សរុប 13945976 នាក់
ខេត្តបាត់ដំបង ៖ មានរថយន្តមួយគ្រឿងម៉ាកTundra ពាក់ស្លាកលេខ ភ្នំពេញ 2AK-4260 ដែលម្ចាស់វាចេញពីកន្លែងផឹកស៊ីមានទំនាស់និងមិនបានឱ្យលុយហាងផង បានបើករថយន្ដបំបុកម៉ូតូខូចអស់៥គ្រឿងរបួសមនុស្សម្នាក់ហើយបើករត់គេចតែម្តង កាលពីម៉ោង២ រំលងអធ្រាត្រឈានចូលថ្ងៃទី១៩ ខែកញ្ញា ឆ្នាំ២០២២ នៅផ្លូវមាត់ស្ទឹងសង្កែ ចុងស្ពានថ្មថ្មីត្រើយខាងកើត ខាងមុខហាងលក់ស្រាក្រឡុក ក្នុងភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង ។
ម្ចាស់ហាងបានឲ្យដឹងថា ម្ចាស់រថយន្តខាងលើ បានចូលទៅផឹកស៊ីនៅកន្លែងគាត់ ហើយមិនបានឱ្យលុយ។ ម្ចាស់ហាងបាននិយាយថាមុនចាកចេញគាត់ក៏បានទារលុយ តែម្ចាស់ឡានក៏បើកឡានបំបុកម៉ូតូដែលចតនៅមុខហាងគាត់ រួចបើករត់គេចភ្លាមៗតែម្តង បណ្តាលឱ្យខូចខាតម៉ូតូជាច្រើនគ្រឿង និងមនុស្សម្នាក់ទៀតរងរបួសធ្ងន់ផងដែរ ។ក្រោយពេលកើតហេតុ មន្ត្រីជំនាញបានចុះមកវាស់វែងរួចក៏យកវត្ថុតាងទៅរក្សាទុកនៅការិយាល័យចរាចរណ៍ផ្លូវគោក រីឯជនរងគ្រោះម្នាក់ក៏ត្រូវបានបញ្ជូនទៅមន្ទីរពេទ្យភ្លាមៗផងដែរ។
លោក ចាន់ សុធី នាយការិយាល័យចរាចរផ្លូវគោក បានបញ្ជាក់ប្រាប់អ្នកកាសែតនៅព្រឹកថ្ងៃទី១៩ កញ្ញា នេះថា លោកកំពុងដាក់កម្លាំងស្រាវជ្រាវទៅតាមស្លាកលេខរថយន្តនោះហើយ ដើម្បីកោះហៅអ្នកបើកបរឱ្យចូលខ្លួនមកសាកសួរ ។ ដោយឡែកសម្រាប់ម៉ូតូសរុបចំនួន៥ គ្រឿង ដែលរងការខូចខាត គឺកម្លាំងរបស់លោកនាំយកមកកាន់ការិយាល័យតែ២គ្រឿងប៉ុណ្ណោះ ដែលខូចខាតខ្លាំងចំណែកជនរងគ្រោះកំពុងព្យាបាលនៅមន្ទីរពេទ្យ ៕