ចាំមើលៗ!!! តើដាវអាជ្ញាសឹក របស់ ឯកឧត្តម សន្តិបណ្ឌិត សុខ ផល កាប់បំបែកទីតាំងល្បែងសុីសងលេងយូគីស្ទូចសំបកប្រេងក្រឡា និងអាប៉ោង ដុះស្លែ នៅភូមិចុងខ្សាច់ សង្កាត់ទួលសង្កែទី១ មានប្រសិទ្ធភាពដែរ ឬ អត់ ?
26-March-2024 / ព័ត៌មានជាតិ
រាជធានីភ្នំពេញ ៖ ប្រជា ពលរដ្ឋ បានរាយការណ៍ តាមទូរស័ព្ទ ប្រាប់មក សហការី គេហទំព័រ មាតុភូមិ www . meatophoum.com ថា សព្វថ្ងៃ មានទីតាំងបនល្បែងសុីសង លេង យូគី ស្ទូចសំបកប្រេង កូឡា និងអាប៉ោង មួយ កន្លែងបានដំណើរការដោយរលូន ដោយគ្មាន ការបង្ក្រាបពីសមត្ថកិច្ចម្តងណាសោះ ។ ប្រភព បានបន្តថា ទីតាំងនោះ បានបើកលេងយូរយារ ណាស់មកហើយ ដោយ មានមេការម្នាក់ ឬហៅថា ជាអ្នកចាត់ចែង ទទួល ខុសត្រូវលើវង់ ល្បែងនេះ អង្គុយចាំយកលុយតុងពីពួកអ្នក លេងល្បែង គឺឈ្មោះ ខ្លា ជាអ្នករត់ការ បង់អោយអាជ្ញាធរ និងសមត្តកិច្ច គ្រប់លំដាប់ថ្នាក់ ។
ទីតាំងបនល្បែងសុីសងនេះ ស្ថិតនៅម្តុំផ្លូវ ចូលផ្ទះយាយភូ ភូមិចុងខ្សាច់ សង្កាត់ទួលសង្កែទី១ ខណ្ឌឬស្សីកែវ រាជ ធានីភ្នំពេញ ។ ប្រភពព័ត៌មាន បានអោយដឹងថា : មេការ ឈ្មោះខ្លាបានរត់ការ សែនព្រេនជ្រូកខ្វៃ និងទាខ្វៃអោយលោកមេប៉ុស្តិ៍ទួលសង្កែ ឈ្មោះ នង សាប៊ុង និងលោក ហ៊ាង ថារ៉េត អធិការនគរបាលខណ្ឌឬស្សីកែវ សេពសោយ យ៉ាងទ្រលាន់មាត់អស់ ហើយ ទេីបល្បែងនេះ អាចប្រព្រឹត្តទៅបានយ៉ាងរលូន ចាប់តាំងពីម៉ោង៣:៣០នាទីល្ងាចរហូតដល់១០:៣០នាទីយប់ លេងយ៉ាងរំភើយដោយមិនខ្លាចសមត្ថ កិច្ចឡើយ ។
ជុំវិញ ករណីទីតាំងបនល្បែងស៊ីសង ខាងលើនេះអង្គភាសារព័ត៌មាន គេហទំព័រ មាតុភូមិ បាន ព្យាយាមទាក់ទង លោក ហ៊ាង ថារ៉េត អធិការនគរបាលខណ្ឌឬស្សីកែវ តាមទូរស័ព្ទដែរ តែមិនអាចសុំធ្វេីការបំភ្លឺបានទេ ព្រោះទូរស័ព្ទ បានឆ្លើយ ថា នៅក្រៅតំបន់សេវា ។ ចំណែកលោក នង សាប៊ុង មេប៉ុស្តិ៍ទួល សង្កែ១ ក៏មិនអាចសុំ ការបំភ្លឺបានដែរ ។ ប៉ុន្តែលោកស្រី រាជ ជារឿន ចៅសង្កាត់ទួលសង្កែទី១ បាននិយាយតាមទូរស័ព្ទប្រាប់ អ្នក កាសែតក្នុងស្រុកម្នាក់អោយដឹងថា: កន្លែងហ្នឹងបើកលេងពិត ប្រាកដមែន លោកស្រីបានឲ្យកម្លាំងប្រជាការ ពារចុះទៅត្រួតពិនិត្យមើលម្តងរួចមកហើយព្រមទាំងបានធ្វើកិច្ច សន្យាណែនាំអោយបញ្ឈប់ការលេងល្បែងសុីសងនេះ នឹងបានចាប់រឹបអូសយកកៅអី តុសំភារ:លេងល្បែងមួយ ចំនួនទៀតផង ។ លោក ស្រីចៅសង្កាត់បានត្អូញត្អែតថា សព្វថ្ងៃនេះ អាជ្ញាធរសង្កាត់ពិបាកធ្វើការជាមួយកម្លាំងនគរ បាលប៉ុស្តិ៍ណាស់ ព្រោះកន្លងនគរបាលហាក់មិនសូវសហការល្អជាមួយកម្លាំងប្រជាការពារ នៅក្នុងសង្កាត់ ពេលចុះធ្វើកិច្ចការសន្តិសុខសណ្តាប់ធ្នាប់ ឬទប់ស្កាត់ បង្ក្រាបបទល្មើសផ្សេងៗប៉ុន្មានទេ ព្រោះជាខ្សែទទឹង ឬខ្សែបណ្ដោយ !!!!
គួររំលឹកថា កន្លងមកសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់ដាក់បទបញ្ជាឲ្យមន្ត្រីនគរបាលពាក់ពន្ធ័ ទូទាំងប្រទេសត្រូវតែបង្ក្រាបរាល់ល្បែងសុីសងខុសច្បាប់គ្រប់ប្រភេទ មិនត្រូវមានការយោគយល់ឡើយ ដើម្បីធានាសុខសុវត្ថិភាពជួនប្រជាពរដ្ឋ ឲ្យស្របតាម គោល នយោបាយ ភូមិ ឃុំ មានសុវត្តិភាព ទាំង៧ចំណុច របស់ រាជរដ្ឋាភិបាល ដែលដាក់ចេញដោយក្រសួងមហាផ្ទៃ ។
ពលរដ្ឋលេីកឡេីងថា រាល់បទល្មេីសផ្សេងៗ ដែលកេីតឡេីងដូចជា ៖ ចោរ លួច ឆក់ ប្លន់ អំពេីហិង្សាក្នុងគ្រួសារសិតសឹងតែកេីតចេញអំពីបទល្មេីសល្បែងសុីសងខុសច្បាប់នេះឯង ។
ប្រភពបានបន្តថា ទីតាំងអាប៉ោងខាងលេី បេីកលេងជារៀងរាល់ថ្ងៃមានអ្នកចូលទៅប្រមូលម្ដុំគ្នាលេងយ៉ាងច្រេីន កុះករ មានអ្នកចាញ់អ្នកឈ្នះ រាប់លានរៀល អ្នកខ្លះអស់លុយ អ្នកខ្លះអស់ម៉ូតូ លក់ផ្ទះ ...និង កើតមានអំពើហិង្សាក្នុង គ្រួសារជាដើម ។ ឥលូវ ថ្មីៗនេះ ពោលគឺ ចាប់ពី ថ្ងៃទី១៤ ខែកញ្ញា ឆ្នាំ ២០២២នេះតទៅ សម្តេចក្រឡាហោម ស ខេង បានប្រគល់ដាវ អាជ្ញាសឹក អោយឯកឧត្តម សន្តិបណ្ឌិត សុខ ផល រដ្ឋលេខា ធិការ ក្រសួងមហាផ្ទៃ ដឹកនាំក្រុមការងារ ចុះ សហការជាមួយកង កម្លាំងនគរបាលជាតិគ្រប់ជាន់ថ្នាក់ ចាប់ បង្ក្រាបបនល្បែងស៊ីសងគ្រប់ប្រភេទនៅទូទាំងប្រទេស អោយមាន ប្រសិទ្ធភាព ។ ដូច្នេះ ចាំមើលៗ!!! ថា តើទីតាំង បនល្បែងសុីសងដុះស្លែ ១កន្លែង ស្ថិតក្នុងអាណា ចក្រខណ្ឌឬស្សីកែវ ដែលមាន លោកវរសេនីយ៍ឯក ហ៊ាង ថារ៉េត ជាអធិការនគរបាល ខណ្ឌ និងលោក ឯក ឃុនឌឿន ជាគណ: អភិបាល នៃអភិបាល ខណ្ឌឬស្សីកែវ គឃ្លើន នៅតែបន្តបើកដំណើរ ការលេងយ៉ាងអនាធិប តេយ្យតទៀត ឬយ៉ាង ណា ? ។ គេហទំព័រ សារព័ត៌មាន មាតិភូមិ នឹងបន្តតាមដានឃ្លាំមើលចំពោះករណី នេះ ជាបន្តទៀត ៕ ដោយ : សុផល Tel:012 953 824
