វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 977 នាក់
ម្សិលមិញ 6001 នាក់
សរុប 13873807 នាក់
ភ្នំពេញ៖តុលាការរាជធានីភ្នំពេញនៅព្រឹកថ្ងៃទី២ ខែសីហា បានប្រកាសសាលក្រម ផ្តន្ទាទោសជនជាប់ចោទដែលជាអតីតប្រធានគណបក្សខ្មែរក្រោក និងបក្ខពួកចំនួន ៦ នាក់ទៀត ជាប់ពន្ធនាគារ ក្នុងម្នាក់ៗ ពី ៦ ទៅ ៩ ឆ្នាំ ករណីចូលប្លន់ផ្ទះអ្នកលក់ឡេ តាមអនឡាញ ឈ្មោះ អ៊ាន សៀវម៉ី កាលពីចុងឆ្នាំ២០២១។ពួកគេ ត្រូវបានចោទប្រកាន់ពីបទ លួចមានស្ថានទម្ងន់ទោស បទសមគំនិត ក្នុងអំពើលួចមានស្ថានទម្ងន់ទោស បទកាន់កាប់អាវុធ ដោយគ្មានការអនុញ្ញាត និងបទក្លែងឯកសារសាធារណៈ តាមមាត្រា ២៩, មាត្រា ៣៥៣, មាត្រា ៣៥៧, មាត្រា ៤៩០ និងមាត្រា ៦២៩ នៃក្រមព្រហ្មទណ្ឌ។
សូមបញ្ជាក់ថាលោកសុខ សុវណ្ណវឌ្ឍនាសាប៊ុង និងបក្ខពួក បានចូលប្លន់ផ្ទះ អ្នកលក់ឡេអនឡាញ ឈ្មោះ អ៊ាន សៀវម៉ី នៅបុរីមូលថោនផ្លូវឌួងងៀប ភូមិគោកចំបក់ក្នុងសង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ កាលពី១៩ ខែធ្នូ ឆ្នាំ២០២១ ។ប្រធានក្រុមប្រឹក្សាជំនុំជំម្រះ នៃសាលាដំបូងរាជធានីភ្នំពេញ លោកស្រី ឈុន ដាវី បានប្រកាសសាលក្រមផ្តន្ទាទោស ជនជាប់ចោទ ចំនួន ៧នាក់ មានដូចជាៈ
ទី១. ឈ្មោះ សុខ សុវណ្ណវឌ្ឍនាសាប៊ុង ហៅ សុខ សុវណ្ណវឌ្ឍនាសារពង្ស ហៅ វិល្លាមគ័ង ប្រធានគណបក្សខ្មែរក្រោក និងជាមេខ្លោងចោរប្លន់ ត្រូវផ្តន្ទាទោស រយៈពេល ៩ឆ្នាំ។
ទី២. ឈ្មោះ សុវណ្ណ ស្រីសុរិយោពណ៌ ភេទស្រី អាយុ ២៤ ឆ្នាំ (ត្រូវជាប្រពន្ធវិល្លាមគ័ង) ដាក់គុក ៦ ឆ្នាំ។ទី៣. ឈ្មោះ អោ រ៉ាម៉ន (បើករថយន្ត) ផ្តន្ទាទោស រយៈពេល ៨ឆ្នាំ។ទី៤. ឈ្មោះ សុវណ្ណ រ៉ានុត ផ្តន្ទាទោស រយៈពេល ៨ឆ្នាំ។ទី៥.ឈ្មោះ កេត ម៉ាច ផ្តន្ទាទោស រយៈពេល ៨ឆ្នាំ។ទី៦. ឈ្មោះ នេត ផៃមុនី ផ្តន្ទាទោស រយៈពេល ៨ឆ្នាំ។ទី៧. ឈ្មោះ ថុន វឌ្ឍនៈបូរ៉ាមី ភេទស្រី ផ្តន្ទាទោសរយៈពេល ៦ ឆ្នាំ។
ប្រធានក្រុមប្រឹក្សាជំនុំជំម្រះ បានបង្គាប់ឲ្យជនជាប់ចោទ ទាំង ៧ នាក់ ត្រូវរួមគ្នាសងថ្លៃ ខូចខាតចំនួន ៥០ ម៉ឺនដុល្លារ និងថ្លៃសំណងជំងឺចិត្ត ចំនួន ២០០ លានរៀលទៀត ទៅភាគីដើមចោទ និងបើកផ្លូវឲ្យប្តឹងជំទាស់ ទៅតុលាការឧទ្ធរណ៍ តាមនីតិវិធីច្បាប់។គេមិនទាន់ដឹងថាតើបន្ទាប់ពីការប្រកាសសាលក្រមនេះតើគណបក្សខ្មែរក្រោកត្រូវបានរំលាយឬអត់នោះទេ?។លោកវិលៀមត្រូវបាននាយករដ្ឋមន្ត្រីទូលថ្វាយព្រះមហាក្សត្របណ្តេញចេញពីសមាជីកឧមត្តមក្រុមប្រឹក្សាពិគ្រោះយោបល់មានថានៈស្មើទេសរដ្ឋមន្ត្រីបន្ទាប់ពីបានដឹកនាំក្រុមកាងារចុះទៅស្រាវជ្រាវបញ្ហាទំនាស់ដីធ្លីនៅតំបន់រាមដែលក្រោយមកឮថាដីតំបន់នោះត្រូវបានលក់បាត់អស់ទៅហើយ?។តាំងពីនោះវិលៀមធ្លាក់ខ្លួនតោកយ៉ាករហូតកើតរឿងខាងលើ?៕