វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3517 នាក់
ម្សិលមិញ 8227 នាក់
សរុប 14130398 នាក់
ប្រទេសថៃ៖កាលពីថ្ងៃអង្គារទី១៩កក្កដានាយករដ្ឋមន្ត្រីថៃលោកប្រាយុទ្ធចានអូចាបានខិតខំការពារខ្លួនទល់នឹងសមាជិកសភាបក្សប្រឆាំងពីការចោទប្រកាន់ពីបទប្រព្រឹត្តអំពើពុករលួយនិងការគ្រប់គ្រងសេដ្ឋកិច្ចខុស មុនការបោះឆ្នោតសម្តែងការមិនទុកចិត្តចំពោះរដ្ឋាភិបាលមុនការបោះឆ្នោតសកលមួយនឹងចូលមកដល់នៅ១១ខែទៀត។
ប្រាយុទ្ធ អាយុ៦៨ឆ្នាំ ជាមេទ័ពចូលនិវត្តន៍ដែលបានឡើងកាន់អំណាចដំបូងតាមរយៈរដ្ឋប្រហារមួយកាលពីប្រាំបីឆ្នាំមុនធ្លាប់បានរួចផុតនិងបន្តកាន់តំណែងនៅក្នុងការជជីកសួរដេញដោលនិងបោះឆ្នោតសម្តែងការមិនទុកចិត្តចំនួនបីលើកមកហើយចាប់តាំងពីលោកជាប់ឆ្នោតជានាយករដ្ឋមន្ត្រីកាលពីឆ្នាំ២០១៩។ពួកអ្នកវិភាគវាយតម្លៃថា ក្រុមចំរុះ១៧គណបក្សរបស់លោកប្រាយុទ្ធដែលមានសម្លេងភាគច្រើនក្នុងសភា២៥៣ ទល់នឹងក្រុមប្រឆាំង២០៨សម្លេងនឹងអាចអោយលោករួចផុតពីការបោះឆ្នោតទម្លាក់នៅលើកនេះទៀតទោះជាការស្ទង់មតិបង្ហាញថាប្រជាប្រិយភាពរបស់លោកធ្លាក់ចុះក្តី។លោកប្រាយុទ្ធក៏ជួបការប្រឈមមកពីសមាជិកសភា១៦នាក់ ដែលត្រូវបានបណ្តេញចេញពីគណបក្សកាន់អំណាចមុននេះដែលគេជឧថាពួកគេនឹងបោះឆ្នោតគាំទ្រក្រុមប្រឆាំង។
សូមបញ្ជាក់ថា រដ្ឋមន្ត្រីក្នុងគណរដ្ឋមន្ត្រីចំនួនដប់រូបក៏ត្រូវសភាហៅមកសួរដេញដោលដែលដំណើរការនេះអាចនឹងបន្តធ្វើរហូតដល់ថ្ងៃសុក្រ និងការបោះឆ្នោតសម្តែងការមិនទុកចិត្តទំនងជានឹងត្រូវធ្វើឡើងនៅថ្ងៃសៅរ៍។លោកឆុនឡាណាន ស្រ៊ីកែវ( Chonlanan Srikaew)មេដឹកនាំប្លុកប្រឆាំង បានប្រាប់សភាថា« កាន់អំណាចប្រាំបីឆ្នាំមកនេះ លោកនាយករដ្ឋមន្ត្រីខកខានក្នុងការដោះស្រាយបញ្ហារបស់ប្រទេស បរាជ័យក្នុងការបង្កើតកំណើនឬធ្វើអោយសុខុមាលភាពរបស់ប្រជាជនល្អប្រសើរឡើង។ផ្ទុយទៅវិញ គាត់បានបង្កើតបញ្ហាថែម ជាពិសេសរឿងពុករលួយ»។
លោកប្រាយុទ្ធបានច្រានចោលការចោទប្រកាន់ខាងលើ ដោយលោកនិយាយថារដ្ឋាភិបាលបានដោះស្រាយបញ្ហាជាច្រើន រួមមានការធ្វើអោយវិស័យទេសចរណ៍មានជីវិតឡើងវិញនិងផ្តល់វិធានការណ៍ហិរញ្ញវត្ថុដើម្បីដោះស្រាយការលំបាករបស់ប្រជាជនបង្កឡើងដោយជំងឺឆ្លងកូវីដ។ប្រាយុទ្ធ ៖ ខ្ញុំត្រូវតែបញ្ជាក់អោយច្បាស់នៅពេលអ្នកចោទប្រកាន់ថាខ្ញុំបរាជ័យ វាមិនពិតទាំងស្រុងក្នុងពេលជាមួយគ្នា ក្រុមតវ៉ាប្រឆាំងដឹកនាំដោយពួកយុវជន ក៏មានផែនការធ្វើការជួបជុំនៅក្រៅសភាក្នុងពេលមានការជជីកសួរដេញដោលសមាជិករដ្ឋាភិបាលដើម្បីដាក់សម្ពាធលើនាយករដ្ឋមន្ត្រីនិងរដ្ឋមន្ត្រីរបស់លោក៕