អភិបាលរងស្រុកជុំគិរី ទៅរៀបការប្រពន្ធថ្មី ខណៈមិនទាន់លែងលះដាច់

ច្រកទ្វារព្រំដែន ប៉ែកខាងកើត ( កម្ពុជា-វៀតណាម ) ប្រជា ពលរដ្ឋខ្មែរសប្បាយនឹងការលេងល្បែងសុីសងជល់មាន់យ៉ាងគគ្រឹកគគ្រេងក្នុងកាសុីណូ Casino Hotel Hero 777 ឯ ច្រកទ្វារព្រំដែនប៉ែកខាងលិច ( កម្ពុជា- ថៃ )ប្រជាពលរដ្ឋ ភ័យព្រួយនឹងការផ្ទុះអាវុធបាញ់ប្រយុទ្ធគ្នារវាងកងទ័ពថៃ និង កងទ័ពខ្មែរ

ក្រុមហ៊ុនវិនិយោគមួយបានអាជ្ញាបណ្ណគ្រោងបូមខ្សាច់ព្រែកកោះប៉ោតែអាជ្ញាធររសើបកោះប្រជុំជាមួយពលរដ្ឋសិន

បទបញ្ជារបស់នាយករដ្ឋមន្ត្រី ស្តីពីការប្រឆាំងនឹងល្បែងសុីសងគ្រប់ប្រភេទ មិនត្រូវបានអាជ្ញាធរ និងសមត្ថកិច្ចខេត្តព្រៃវែង យកមកអនុវត្តតាមទេ ?

មន្ត្រីនគរបាល២នាក់ ម្នាក់ជាអធិការរងនគរបាលស្រុកបវេល ត្រូវតុលាការឃុំខ្លួន ពាក់ព័ន្ធដោះលែងជនជាតិថៃជាថ្នូរលុយរាប់ម៉ឺនដុល្លារ

ខុសពីក្រុមសកម្មជនការពារព្រៃឈើក្រសួងព័ត៌មានមិនទទួលស្គាល់សកម្មភាពឈ្មោះ អ៊ុក ម៉ៅ ដែលចេញមុខការពារបរិស្ថាន!

ដីព្រៃជាច្រើនហិកតាត្រូវបានក្រុមមន្ត្រីបរិស្ថានដែនជម្រកសត្វព្រៃស្រែវាលនិងបក្ខពួកឃុបឃិតជាមួយឈ្មួយទន្ទ្រានធ្វើជាកម្មសិទ្ធ?

ជាច្រើនទៀត

ចំនួនអ្នកទស្សនា

ថ្ងៃនេះ 468 នាក់

ម្សិលមិញ 6243 នាក់

សរុប 16966689 នាក់

ចាប់មនុស្ស៣នាក់បញ្ជូនទៅតុលាការ រឿងក្លែងឯកសារដកលុយពីធនាគារ

21-May-2025 / សេដ្ឋកិច្ច

ភ្នំពេញ ៖ មនុស្សប្រុសស្រី៣នាក់ជាប់ចោទប្រកាន់ពីបទក្លែងឯកសារសាធារណៈ. ប្រើប្រាស់ឯកសារក្លែង, ក្លែងអត្តសញ្ញាណបុគ្គលលើអត្តសញ្ញាណប័ណ្ណ. ឆបោកជាប្រព័ន្ធ និងសម្អាតប្រាក់ ប្រព្រឹត្តនៅធនាគារមួយក្នុងរាជធានីភ្នំពេញ និងខេត្តកណ្តាត្រូវបានកម្លាំងសមត្តកិច្ចកងរាជអាវុធហត្ថរាជធានីភ្នំពេញចាប់ខ្លួនបញ្ជូនទៅតុលាការកាលពីរសៀលថ្ងៃទី២៧ ខែមិថុនា ឆ្នាំ២០២២ ។ a bank thief

ជនសង្ស័យទាំង៣នាក់នោះរួមមាន៖១-ឈ្មោះ សង វ៉ាន់ដេត ភេទប្រុស អាយុ៣៧ឆ្នាំ មុខរបរមិនពិតប្រាកដ ស្នាក់នៅផ្ទះលេខ១២ ផ្លូវលេខ៦A ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។
២-ឈ្មោះ ជុំ ឆេងលី ភេទប្រុស អាយុ៤២ឆ្នាំ មុខរបរមិនពិតប្រាកដ ស្នាក់នៅផ្ទះជួលក្នុងភូមិដើមឫស ឃុំដើមឫស ស្រុកកណ្តាលស្ទឹង ខេត្តកណ្តាល ។៣-ឈ្មោះ អុល មិថុនា ភេទស្រី អាយុ៤១ឆ្នាំ មុខរបរមិនពិតប្រាកដ ស្នាក់នៅភូមិកំពង់ទួល ឃុំដើមឫស ស្រុកកណ្តាលស្ទឹង ខេត្តកណ្តាល ។ ជនសង្ស័យទាំង៣នាក់ត្រូវបានកម្លាំងសមត្តកិច្ចកងរាជអាវុធហត្ថរាជធានីភ្នំពេញឃាត់ខ្លួនតាមពាក្យបណ្តឹងរបស់មេធាវីម្នាក់ពាក់ពន្ធករណីក្លែងឯកសារសាធារណៈ ក្រោមរូបភាពយកទៅឆបោកប្រាក់ពីធនាគារឯកជនមួយមានទឹកប្រាក់ប្រមាណ ៣៥ ០០០ដុល្លារអាមេរិក ។

ពាក្យបណ្តឹងបានឲ្យដឹងថា នៅថ្ងៃទី២៧ ខែមេសា ឆ្នាំ២០២២ ជនសង្ស័យទាំង៣នាក់តាមរយៈប្រើប្រាស់អត្តសញ្ញាណក្លែង ក្លែងឯកសាធារណៈ ក្លែងអត្តសញ្ញាណបុគ្គលលើអត្តសញ្ញាណប័ណ្ណថា ខ្លួនជាម្ចាស់កម្មសិទ្ធិដីធ្លី និងជាមនុស្សនៅក្នុងអត្តសញ្ញាណប័ណ្ណខាងលើពិតប្រាកដ ដែលធ្វើឱ្យធនាគារឯកជនសាខាបឹងកេងកងជឿទុកចិត្តប្រគល់ប្រាក់ឱ្យចំនួន១៥.០០០ដុល្លារអាមេរិក ។ លុះមកដល់ថ្ងៃទី៤ ខែឧសភា ឆ្នាំ២០២២ ជនសង្ស័យទាំង៣នាក់ដដែល បានប្រើប្រាស់អត្តសញ្ញាណក្លែងទៅឆបោកធនាគារឯកជនសាខាខណ្ឌដូនពេញ ដកយកប្រាក់ប្រមាណ២០.០០០ដុល្លារអាមេរិក និងនៅថ្ងៃទី២១ ខែមិថុនា ឆ្នាំ២០២២ ។

ជនសង្ស័យទាំង៣នាក់បានប្រើប្រាស់អត្តសញ្ញាណក្លែង ក្លែងឯកសារសាធារណៈ ប្រើប្រាស់ឯកសារសាធារណៈក្លែង និងក្លែងអត្តសញ្ញាណបុគ្គលលើអត្តសញ្ញាណប័ណ្ណថាខ្លួនជាម្ចាស់កម្មសិទ្ធិដី បានទៅដាក់សំណើសុំខ្ចីប្រាក់ចំនួន ៩០.០០០ដុល្លារអាមេរិកពីធនាគារឯកជនសាខាខណ្ឌពោធិ៍សែនជ័យម្តងទៀត ប៉ុន្តែលើកនេះពួកគេក៏ត្រូវអស់លក្ខណ៍ ដោយខាងធនាគារឲ្យមេធាវីការពារក្តី ប្តឹងសមត្តកិច្ចកងរាជអាវុធហត្ថរាជធានីភ្នំពេញឱ្យចាប់ខ្លួនបុគ្គលទាំង៣នាក់ចាត់ការ ។ជនសង្ស័យទាំង៣នាក់បានសារភាពប្រហាក់ប្រហែលគ្នាថា ពួកគេពិតជាបានធ្វើសកម្មភាពឆបោកយកប្រាក់ពីធនាគារឯកជននោះប្រាកដមែន តាមរូបភាពប្រើប្រាស់ឯកសារក្លែងទាំងអស់។