បន្ទាប់ពីការព្រមានរបស់គជបគណបក្សប្រជាជនប្តឹងលោកសុនឆៃអនុប្រធានគណបក្សភ្លើងទៀន
11-February-2026 / ផ្សេងៗ
ភ្នំពេញ៖ នៅថ្ងៃទី១៤មិថុនានេះគណបក្សប្រជាជនកម្ពុជា បានសម្រេចប្រគល់សិទ្ធឲ្យមេធាវីលោកគីតិចដាក់ពាក្យបណ្តឹងទៅកាន់អយ្យការអមសាលាដំបូងរាជធានីភ្នំពេញ នៅព្រឹកថ្ងៃទី១៤ ខែមិថុនានេះ ចំពោះលោក សុន ឆៃ អនុប្រធានគណបក្សភ្លើងទៀន ពាក់ព័ន្ធការចោទ និងបំភ្លៃជុំវិញដំណើរការបោះឆ្នោតជ្រើសរើស ក្រុមប្រឹក្សាឃុំ/សង្កាត់ អាណត្តិទី៥ ដោយស្នើសុំឲ្យផ្តន្ទាទោសតាមច្បាប់ និងទាមទារសំណងជំងឺចិត្ត ៤ពាន់លានរៀល ឬស្មើនឹង ១លានដុល្លារអាមេរិក។
ក្នុងពាក្យបណ្តឹង លោក គី តិច មេធាវីតំណាងឱ្យគណបក្សប្រជាជនកម្ពុជា បានគូសរំលេចនូវពាក្យសម្តីមួយចំនួនរបស់លោក សុន ឆៃ ក្នុងបទសម្ភាសន៍ជាមួយបណ្តាញព័ត៌មានមួយចំនួន។ សម្តីក្នុងបទសម្ភាសន៍ទាំងនោះ ត្រូវបានលោកមេធាវី ចាត់ទុកជាអំពើទុច្ចរិត, បំភ្លៃខុសពីការពិត, ជាការផ្តល់ព័ត៌មានក្លែងក្លែង ក្នុងចេតនាទម្លាក់កំហុសដោយអសុទ្ធចិត្ត និងមូលបង្កាច់នាំឱ្យប៉ះពាល់យ៉ាងធ្ងន់ធ្ងរធ្ងរ ដល់កិត្តិយសរបស់គណបក្សប្រជាជនកម្ពុជា ដែលជាគណបក្សឈ្នះឆ្នោត។
លោកមេធាវី គី តិច បានស្នើសុំឱ្យព្រះរាជអាជ្ញានៃអយ្យការអមសាលាដំបូងរាជធានីភ្នំពេញ ពិនិត្យចោទប្រកាន់ និងផ្តន្ទាទោសលើឈ្មោះ សុន ឆ័យ តាមបញ្ញត្តិច្បាប់ និងទាមទារសងសំណងជំងឺចិត្តនៃការខូចខាតជូនគណបក្សប្រជាជនកម្ពុជា ១លានដុល្លារអាមេរិក។
សូមបញ្ជាក់ថាមុននឹងមានពាក្យប្តឹងខាងលើពាក់ព័ន្ធនឹងបទសម្ភាសន៍បរិហារចោទប្រកាន់លើដំណើរការបោះឆ្នោតជ្រើសរើសក្រុមប្រឹក្សាឃុំ/សង្កាត់នេះ កាលពីថ្ងៃទី១៣ ខែមិថុនា ម្សិលមិញ គណៈកម្មាធិការជាតិរៀបចំការបោះឆ្នោត ក៏បានព្រមានចាត់វិធានការច្បាប់លើលោក សុន ឆ័យ តាមមាត្រា១៧១នៃច្បាប់ស្ដីពីការបោះឆ្នោតឃុំសង្កាត់ផងដែរ។សូមបញ្ជាក់ដែរថាមុនពេលបោះឆ្នោតក្រុមប្រឹក្សាឃុំសង្កាត់អាណ្តីទី៥ប៉ុន្មានថ្ងៃក្រសួងមហាផ្ទៃក៏បានព្រមានគណបក្សភ្លើងទៀនផងដែរពីការធ្វើខុសលក្ខន្តិកៈបក្សដែលតំកល់នៅក្រសួងមហាផ្ទៃរឿងតែងតាំងលោកសុនឆៃជាអនុប្រធានគណបក្សភ្លើងទៀន។
ប្រតិកម្មចំបោះការព្រមានរបស់គជបអ្នកសម្របសម្រួលផ្នែកអង្កេតនិងតស៊ូមតិអង្គការខុមហ្វ្រែល (COMFREL) យល់ឃើញថា គ.ជ.ប ក្នុងនាមជាស្ថាប័នជាតិឯករាជ្យ ដែលមានអំណាចដាច់ដោយឡែក ត្រូវសម្របសម្រួលជជែកជាមួយភាគីពាក់ព័ន្ធដែលមិនសុខចិត្ត ឲ្យបានយល់គ្នាទៅវិញទៅមក មិនមែនព្រមានប្ដឹងនោះទេ។ អ្នកសម្របសម្រួលផ្នែកអង្កេតនិងតស៊ូមតិអង្គការខុមហ្វ្រែល (COMFREL)លោក កន សាវាង្ស បញ្ជាក់ប្រាប់កាសែតថា គណៈកម្មាធិការជាតិរៀបចំការបោះឆ្នោត (គ.ជ.ប) ក្នុងនាមជាស្ថាប័នជាតិ មានអំណាចដាច់ដោយឡែក មិនត្រូវព្រមានប្ដឹងតបទៅភាគីគណបក្សវិញនោះទេ។
តំណាងអង្កការអង្កេតការបោះឆ្នោតរូបនេះ បន្ថែមថា គ.ជ.ប មានតួនាទី រកដំណោះស្រាយ ទៅលើរាល់ការមិនសុខចិត្តរបស់ភាគីពាក់ព័ន្ធទាក់ទងនឹងដំណើរការនៃការបោះឆ្នោត ។ តាមលោកកង សាវាង្ស ដំណោះស្រាយគួរតែជាការបង្កើនការសម្របសម្រួល ជជែកជាមួយភាគីដែលមិនសុខចិត្ត បំបាត់ភាពមិនយល់គ្នានេះ។ ដោយហេតុថា គ.ជ.ប ជាស្ថាប័នឯករាជ្យ ក្នុងការដោះស្រាយបញ្ហា មិនត្រូវមានព្រមានប្ដឹងនូវរាល់អ្វីដែលខ្លួនគិតថាប៉ះពាល់ដល់ខ្លួនទេ។ ការព្រមានប្ដឹងរបស់គ.ជ.បបែបនេះ ផ្ទុយទៅវិញ នឹងមិនអាចកាត់បន្ថយនូវភាពមិនទុកចិត្តលើសេរីភាពនៃការបញ្ជេញមតិ ពីភាគីពាក់ព័ន្ធបានទេ។
គណបក្សភ្លើងទៀន ថាការព្រមានរបស់គ.ជ.ប ជាទង្វើហួសហេតុ ដែលអាចឆ្លុះបញ្ចាំងពីភាព ផ្ដាច់ការ។ ការលើកឡើងរបស់គណបក្សភ្លើងទៀនពីភាពមិនប្រក្រតីនៃតំណើរការបោះឆ្នោតនោះ គឺដើម្បីជាការរកភាពត្រឹមត្រូវ និងរកយុត្តិធម៍ប៉ុណ្ណោះ៕
