វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2372 នាក់
ម្សិលមិញ 5378 នាក់
សរុប 14081665 នាក់
បាត់ដំបង៖ អនុប្រធានគណបក្សប្រជាជនកម្ពុជា និងជាប្រធានក្រុមការងារថ្នាក់កណ្តាលចុះមូលដ្ឋានខេត្តបាត់ដំបង សម្តេចក្រឡាហោម ស ខេង បានបញ្ជាក់ថា ដើម្បីពង្រឹងស្ថិរភាព និងលទ្ធិប្រជាធិបតេយ្យនៅមូលដ្ឋាន ឱ្យបានរឹងមាំ គឺត្រូវតែមានការបោះឆ្នោត ជាពិសេសការបោះឆ្នោតជ្រើសរើសសមាជិកក្រុមប្រឹក្សាឃុំសង្កាត់ ដែលនឹងឈានចូលមកដល់ក្នុងពេលដ៏ខ្លីខាងមុខនេះ ។
នៅក្នុងពិធីបើកយុទ្ធនាការឃោសនាបោះឆ្នោត រយៈពេល១ថ្ងៃពេញ គឺពេលព្រឹកធ្វើនៅក្នុងក្រុងបាត់ដំបង និងពេលរសៀលនៅស្រុកបាណន់ ដើម្បីស្វែងរកសំឡេងឆ្នោតគាំទ្រគណបក្សប្រជាជនកម្ពុជា ក្នុងការជ្រើសរើសសមាជិកក្រុមប្រឹក្សាឃុំសង្កាត់ នាថ្ងៃទី២១ ខែឧសភា ឆ្នាំ២០២២សម្តេចក្រឡាហោម ស ខេង បានបញ្ជាក់ថា ការបោះឆ្នោតជ្រើសរើសសមាជិកក្រុមប្រឹក្សាឃុំ សង្កាត់នេះ គឺពិតជាមានសារសំខាន់ខ្លាំងណាស់សម្រាប់ការពង្រឹងស្ថិរភាព និងលទ្ធិប្រជាធិបតេយ្យនៅថ្នាក់មូលដ្ឋានឱ្យកាន់តែរឹងមាំ ស្របតាមឆន្ទៈ និងការចង់បានរបស់ប្រជាពលរដ្ឋ ពិសេសលើកិច្ចអភិវឌ្ឍន៍មូលដ្ឋាន ។
សម្តេច បញ្ជាក់ទៀតថា តាមរយៈការបោះឆ្នោតនេះ គឺមូលដ្ឋានរបស់យើងមានស្ថិរភាពនិងសេដ្ឋកិច្ចសង្គមមានការវិឌ្ឍន៍រីកចម្រើន ហើយជីវភាពរស់នៅរបស់ប្រជាពលរដ្ឋក៏រីកចម្រើនផងដែរ ។
តាមរយៈការផ្ទេរសិទ្ធិអំណាច ដើម្បីឱ្យក្រុមប្រឹក្សាឃុំ សង្កាត់ មានការទទួលខុសត្រូវ មានទឹកចិត្ត មានមធ្យោបាយ មានធនធានក្នុងការជំរុញដល់កិច្ចអភិវឌ្ឍ ក៏ដូចជាការដឹកនាំការអភិវឌ្ឍ រួមជាមួយប្រជាពលរដ្ឋនៅនឹងមូលដ្ឋានរបស់គាត់ ។
សម្តេចក្រឡាហោម ស ខេង បានបន្តទៀតថា ការពិតរដ្ឋបាលថ្នាក់ជាតិ រដ្ឋបាលស្រុក ខេត្ត សុទ្ធតែមានភារកិច្ចតម្រង់ទិសដល់មូលដ្ឋានជួយមូលដ្ឋាន ។ កាលមុនការគ្រប់គ្រងអំណាចមជ្ឈការគឺនៅតែថ្នាក់ជាតិ ដោយឡែកថ្នាក់ក្រោមជាតិមិនមានអំណាច ដែលធ្វើឱ្យថ្នាក់ក្រោមជាតិធ្វើអ្វីមិនបានដោយសារតែមិនមានសិទ្ធិ ដែលនេះគឺជាបទពិសោធន៍របស់យើង ដូច្នេះហើយទើបយើងចាប់យកឱកាសហ្នឹង តាំងពីពេលយើងមានសុខសន្តិភាពរហូតមកដល់នឹងពេលនេះ យើងបានប្រើប្រាស់ឱកាសនេះនូវស្ថិរភាពថែមទៀតនូវសុខសន្តិភាពនៅមូលដ្ឋាន និងការអភិវឌ្ឍ ដោយមានការចូលរួមពីប្រជាពលរដ្ឋ ដែលនេះគឺជាអ្វីដែលយើងចង់បាន ហើយបើយើងតែងតាំងក៏បាន តែខ្វះការចូលរួម ខ្វះការគាំទ្រ នោះហើយជាបញ្ហា ។
សម្រាប់ការបោះឆ្នោតក្រុមប្រឹក្សាឃុំសង្កាត់ដែលនឹងប្រព្រឹត្តទៅនៅថ្ងៃទី៥ ខែមិថុនាតាមរយៈសារលិខិតចុះថ្ងៃទី២១ឧសភាសម្តេចនាយករដ្ឋមន្ត្រី ហ៊ុន សែន ប្រធានគណបក្សប្រជាជនកម្ពុជាបានប្តេជ្ញានឹងជួយជនក្រីក្រ និងងាយរងគ្រោះ និងអភិវឌ្ឍឃុំ សង្កាត់ឱ្យកាន់តែរីកចម្រើនឡើងដើម្បីឆ្លើយតបផលប្រយោជន៍របស់ប្រជាជននៅមូលដ្ឋាន ហើយលោកអំពាវនាវដល់ប្រជាជនឱ្យបោះឆ្នោតជូនគណបក្សរបស់លោក។
សម្តេច ហ៊ុន សែន ថ្លែង ថា៖ «គណបក្សប្រជាជនកម្ពុជា ក៏ដូចខ្លួនខ្ញុំផ្ទាល់ សូមប្តេជ្ញាចំពោះមុខប្រជាជនថា គណបក្សនឹងអនុវត្តគោលនយោបាយរបស់ខ្លួនឱ្យបានជោគជ័យដើម្បីរក្សាសន្តិភាព ស្ថិរភាព សន្តិសុខ សណ្តាប់ធ្នាប់ សុវត្ថិភាពសង្គមឱ្យបានរឹងមាំ លើកកម្ពស់ការផ្តល់សេវាសាធារណៈ បង្កើនកិច្ចគាំពារសង្គមជួយជនក្រីក្រ និងងាយរងគ្រោះ និងអភិវឌ្ឍឃុំ សង្កាត់លើគ្រប់វិស័យឱ្យកាន់តែរីកចម្រើនឡើង ដែលឆ្លើយតបទៅនឹងបំណងប្រាថ្នា និងផលប្រយោជន៍ដ៏ឧត្តុង្គឧត្តមរបស់ប្រជាជនគ្រប់ៗរូបនៅគ្រប់មូលដ្ឋាន»។
សម្តេចតេជោបន្តថា៖ «សូមបងប្អូន ជនរួមជាតិ ដែលបានឃើញច្បាស់រួចហើយនូវសកម្មភាព សមិទ្ធផល និងគោលនយោបាយដ៏ត្រឹមត្រូវរបស់គណបក្សប្រជាជនកម្ពុជា អញ្ជើញទៅបោះឆ្នោត និងបោះឆ្នោតគាំទ្រគណបក្សប្រជាជនកម្ពុជា ដែលមានរូបទេវតាបាចផ្កា ជាសញ្ញាសម្គាល់ឱ្យបានគ្រប់គ្នាកុំបីខាន នៅតាមការិយាល័យបោះឆ្នោតក្នុងឃុំ សង្កាត់ របស់បងប្អូន»។សម្តេច លើកឡើងថា ការអនុវត្តគោលនយោបាយដើម្បីអភិវឌ្ឍឃុំ សង្កាត់ ឆ្នាំ ២០១៧-២០២២ បានទទួលលទ្ធផលដ៏ល្អប្រសើរដែលធ្វើឱ្យគ្រប់ឃុំ សង្កាត់ សុទ្ធតែមានការប្រែប្រួលថ្មី។ ភូមិ ឃុំ សង្កាត់កាន់តែមានសុវត្ថិភាព ជីវភាពប្រជាជនកាន់តែបានលើកកម្ពស់ លទ្ធិប្រជាធិបតេយ្យបានចាក់ឬសកាន់តែជ្រៅក្នុងមូលដ្ឋាន ហើយសិទ្ធិសេរីភាពរបស់ប្រជាជនត្រូវបានគោរព និងការពារយ៉ាងម៉ឺងម៉ាត់។
«ប្រជាជនគ្រប់ៗរូបបានទទួលផលប្រយោជន៍ពីគោលនយោបាយអភិវឌ្ឍន៍ ឃុំ សង្កាត់ទាំងក្នុងការបង្កើត និងពង្រីកមុខរបរ និងការងារ ការជំរុញវិស័យកសិកម្ម ការមិនយកពន្ធលើជីកសិកម្មដែលបង្កបង្កើនផលជាលក្ខណៈគ្រួសារ ការកសាងហេដ្ឋារចនាសម្ព័ន្ធគមនាគមន៍ក្នុងឃុំសង្កាត់ ការពង្រឹងសន្តិសុខស្បៀង និងអាហារូបត្ថម្ភ ការប្រើប្រាស់ទឹកស្អាត និងថាមពលអគ្គិសនី»។សម្តេចតេជោបញ្ជាក់!៕