វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2039 នាក់
ម្សិលមិញ 6359 នាក់
សរុប 14088672 នាក់
ភ្នំពេញ៖ កាលពីវេលាម៉ោង ១២:៣០នាទីរំលងអធ្រាត្រ ឈានចូលថ្ងៃទី១៦ ខែឧសភា ឆ្នាំ២០២២ ស្ថិតនៅតាមបណ្តោយផ្លូវព្រះនរោត្តម ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ មាននារីជនបរទេសម្នាក់ បានធ្លាក់ពីលើអគារព្រីនស៍ផ្លាហ្សា កម្ពស់ជាច្រើនជាន់ បណ្តាលឲ្យស្លាប់នៅនឹងកន្លែងភ្លាមៗ។
តាមការបញ្ជាក់ពីបុរសជាសន្តិសុខម្នាក់ នៅនឹងកន្លែងកើតហេតុ បានឲ្យដឹងថា មុនកើតហេតុ ខ្លួនបានអង្គុយមើលរថយន្តចតនៅជាប់នឹងកន្លែងកើតហេតុ។ គាត់មិនបានឭសូសំឡេងស្រែក ឬក៏ឈ្លោះប្រកែកគ្នានោះទេ តែមួយសន្ទុះក្រោយមក ស្រាប់តែឃើញធ្លាក់នារីរងគ្រោះធ្លាក់ពីលើពីអគារព្រីនស៍ផ្លាហ្សា កម្ពស់ជាច្រើនជាន់មកក្រោម ត្រូវរថយន្តតូយូតាព្រូសមួយគ្រឿង ចតនៅខាងមុខអគារបណ្តាលឲ្យនារីរងគ្រោះបែកសាច់ និងសឹងតែដាច់ខ្លួនចេញពីគ្នា យ៉ាងអាណោចអាធម្ម។ បន្ទាប់ពីឃើញសភាពដូចនេះ បុរសជាសន្តិសុខ បានរាយការណ៍នៅកាន់សមត្ថកិច្ចមូលដ្ឋាន ឲ្យចុះពិនិត្យ។
ប្រភពពីសមត្ថកិច្ច បានឲ្យដឹងថា សពជនរងគ្រោះមានឈ្មោះ TRUONG THI MINH THU អាយុ 26 ឆ្នាំ ជាជនជាតិវៀតណាម ស្នាក់នៅអគារនៅព្រីនស៍ផ្លាហ្សា។ ចំពោះមូលហេតុ នៃការធ្លាក់ពីលើអគារ សមត្ថកិច្ចកំពុងធ្វើសាកសួរនិងស៊ើបអង្កេត នៅទីតាំងកើតហេតុ។ សពស្ត្រីរងគ្រោះ ត្រូវបានសមត្ថកិច្ចតម្កល់ទុក ដើម្បីរង់ចាំសាច់ញាតិ មកទទួលយកទៅ ធ្វើបុណ្យតាមប្រពៃណី.។សមត្ថកិច្ចនៅមិនទាន់បញ្ជាក់ពីមូលហេតុនៅឡើយទេ តែសមត្ថកិច្ចជំនាញកំពុងតែធ្វើការស្រាវជ្រាវ៕