សម្ដេចតេជោ រំលឹកពីឧកញ៉ា ហេង សៀ និងកូនព្រមទាំងកូនប្រសារ ប្រព្រឹត្តិអំពើ មកលើតារាសំដែង កញ្ញា ពេជ្រ រីតាអសីលធម៌បំផុតចាំមើលថាតើតុលារការអនុវត្តច្បាប់ដែរអត់?
11-March-2026 / ព័ត៌មានជាតិ
ភ្នំពេញ៖កាលពីថ្ងៃទី៤ខែឧសភាឆ្នាំ២០២១កន្លងមកនេះសកម្មភាពឧក្រិដ្ឋបង្កឡើងដោយឧកញ៉ា ហេង សៀ លើតារាសម្ដែង កញ្ញា ពេជ្រ រីតាបង្កឲ្យមានការចាប់អារម្មណ៍និងភ្ញាក់ផ្អើលហួសចិត្តព្រោះអ្នករងគ្រោះត្រូវបានសមត្តកិច្ចឃុបឃឹតជាមួយតុលាការយកទៅឃុំខ្លួនយ៉ាងអយុត្តិធម៍ដោយចោទថានាងលួចទូរសព្ទ័និងប៉ុនប៉ងធ្វើឃាត។ក្រោយមកកុំតែបានមានមេធាវីសម្តេចតេជោហ៊ុនសែនចូលជួយអន្តរាគមន៍ម្លេះកញ្ញា ពេជ្រ រីតាត្រូវជាប់គុក។
ក្នុងឱកាសទទួលជួបសំណេះសំណាល និងផ្តល់រង្វាន់លើកទឹកចិត្តដល់សិស្សជាប់និទ្ទេស A ក្នុងឆ្នាំសិក្សា២០២០-២០២១ សរុបចំនួន១,៧៥៣នាក់ នាព្រឹកថ្ងៃទី០៣ ខែឧសភា ឆ្នាំ២០២២សម្ដេចតេជោ នាយករដ្ឋមន្ត្រីកម្ពុជា ក៏បានមានប្រសាសន៍ដោយចាត់ទុកថា៖ អំពើឧកញ៉ា ហេង សៀ រួមទាំងកូនស្រី និងកូនប្រសារ សមគំនិតជាមួយឪពុក ប្រព្រឹត្តិក្នុងបទឧក្រិដ្ឋនេះ ជាអំពើអសីលធម៌បំផុត នៅក្នុងសង្គម។ ប៉ុណ្ណឹងហើយ នៅមិនព្រមចូលខ្លួនទៅតុលាការ ខណៈមានបទល្មើស ក្នុងនោះសម្ដេចតេជោ បានបញ្ជាក់ថា សំណុំរឿងនិងភស្តុតាងមានគ្រប់គ្រន់ បើមិនជឿទេអាចសួរទៅនាយឧត្តមសេនីយ៍ ឆាយ ស៉ីណារិទ្ធិ អគ្គស្នងការរង នគរបាលជាតិ ក៏ដូចជាមេធាវីរបស់ខ្ញុំ។សម្តេចតេជោ ហ៊ុន សែន បានថ្លែងថា បើសិនជាសម្ដេច មិនអន្តរាគមន៍ទេ មកដល់ម៉ោងនេះ កញ្ញា ពេជ្រ រីតា នឹង នៅដេកគុកនៅឡើយទេ។
សម្តេចតេជោ ហ៊ុន សែន បានបញ្ជាក់ដូច្នេះថា៖ «ប្រសិនបើបញ្ហានេះ គ្រាន់តែ"ស្រីញីប្រុសឈ្មោល" ខ្ញុំគ្មានការចាំបាច់ដើម្បីធ្វើអន្តរាគមន៍ទេ ប៉ុន្តែបញ្ហាវាស្ថិតនៅលើអំពើអយុត្តិធម៌ ក្មេងស្រីជានិស្សិត(ពេលនោះ)កំពុងជាប់នៅក្នុងមន្ទីរឃុំឃាំង ក្រោមអន្តរាគមន៍របស់ឧកញ៉ា៤-៥នាក់ឯនោះ តើខ្ញុំឱ្យខ្ញុំនៅស្ងៀមទេរឿងនេះ ខ្ញុំមិនមែនតិរច្ឆានទេ បើអ្នកជាតិរច្ឆានធ្វើតិរច្ឆានខ្លួនឯងចុះ ប៉ុន្តែក្នុងឋានៈជានាយករដ្ឋមន្ត្រី ខ្ញុំត្រូវតែមានការទទួលខុសត្រូវ ដើម្បីយុត្តិធម៌សម្រាប់ពលរដ្ឋរបស់ខ្លួន ដែលត្រូវគេបំពាន»។
ករណីរំលោភបំពានរបស់ លោកឧកញ៉ា ហេង សៀ លើកញ្ញាមាន ពេជ្ររីតា បានកើតឡើង នៅក្បែរផ្សារគីឡូលេខ៤ ជិតសាកលវិទ្យាល័យអាស៊ីអឺរ៉ុប។ ក្នុងហេតុការណ៍នោះបានកើតឡើងក្នុងរថយន្តមួយគ្រឿងដោយ កញ្ញា មាន ពេជ្ររីតា បានចោទថា លោកឧកញ៉ា ហេង សៀ បានប៉ុនប៉ងរំលោភសេពសន្ថវៈមកលើរូបនាងក្នុងរថយន្តតែម្តង។ ចំណែកឧកញ៉ា ហេង សៀ បានចោទប្រកាន់តារារូបនេះថា បានចាក់រូបលោក២កំបិត និងលួចយកទូរស័ព្ទ iPhone ស៊េរីខ្ពស់មួយគ្រឿង បន្ទាប់ពីប្រវាយប្រតប់គ្នា។ ក្រោយកើតហេតុនេះចំនួន៤ថ្ងៃ ពោលគឺថ្ងៃទី០៨ ខែឧសភា ឆ្នាំ២០២១ កញ្ញា មាន ពេជ្ររីតា ត្រូវបានសមត្ថកិច្ចចាប់ខ្លួនតាមពាក្យបណ្តឹងរបស់ ឧកញ៉ា ហេង សៀ។សម្តេចតេជោ ហ៊ុន សែន បានបញ្ជាក់ថា ករណីនេះ សម្តេចបានបញ្ជាឱ្យមេធាវីរបស់សម្តេច ស្រាវជ្រាវ ជាបន្ទាន់រហូតដឹងថា ក្មេងស្រីរងគ្រោះស្ថិតនៅក្នុងមន្ទីរឃុំឃាំង ដោយសារការប្តឹងរបស់ឧកញ៉ា ដែលថា ចាក់ចំពោះខ្លួន។
សម្តេចបានបញ្ជាក់បន្ថែមថា «បន្ទាប់ទៅ កូនប្រសាររបស់ឧកញ៉ានេះ បានទិញដល់មេធាវីខ្ញុំទៅទៀត (មេធាវីខ្ញុំរាយការណ៍ឱ្យ) ដោយគេលើកឡើងថា នាយករដ្ឋមន្ត្រីនៅខាងឧកញ៉ាហើយ សារសំឡេងឆ្លើយឆ្លងទាំងប៉ុន្មាន គេបាញ់ Forward ជូនគ្នាទៅវិញទៅមក ហើយទីចុងបំផុតយើងបញ្ជាក់បានថា ខ្ញុំត្រូវឱ្យមេធាវីរបស់ខ្ញុំ ទៅធ្វើការធានាឱ្យ និស្សិតជានារីនៅក្រៅឃុំ»។សម្តេចតេជោ ហ៊ុន សែន បានបង្ហើបថា ក្រោយមកទៀត មានការបំបិទមាត់សារព័ត៌មានទាំងអស់ សម្តេចក៏បានបញ្ជាឱ្យនាំខ្លួនកូនប្រសារឧកញ៉ា ហេង សៀ ហើយរកឃើញថា នៅក្នុងទូរស័ព្ទកូនប្រសារនេះ មានការកាត់តរូបភាពអាសអាភាសនៅលើគ្រែច្រើនសន្លឹក ដោយដូរដាក់រូបឧកញ៉ា ហេង សៀ និងកញ្ញា មាន ពេជ្ររីតា។
សម្តេចបានបញ្ជាក់ថា «បើខ្ញុំមិនអន្តរាគមន៍ ពេលនេះម៉ោងនេះ ចៅស្រីនោះកំពុងស្ថិតនៅក្នុងគុកនៅឡើយទេ សូមកុំច្រឡំ មានឧកញ៉ា ៥រូប បានចូលរួមព្រឹត្តិការណ៍នេះ ខ្ញុំមិនតិរច្ឆានដូចអ្នក អ្នកកុំអញ្ជើញខ្ញុំទៅធ្វើតិរច្ឆាន ខ្ញុំមិនទៅទេ ខ្ញុំដឹងរឿងខុស រឿងត្រូវ»។សម្តេចតេជោ ហ៊ុន សែន បានលើកឡើងទៀតថា រឿងនេះបានបង្ខំឱ្យនាយករដ្ឋមន្ត្រីអន្តរាគមន៍ជួយក្មេងស្រីជាបន្ទាន់ ដើម្បីបាននៅក្រៅឃុំ។ សម្តេចបានបញ្ជាក់បន្ថែមទៀតថា៖ «អាងតែមានលុយទៅបំពាន ដល់ចុងក្រោយខាងស្រីក៏មិនចង់មានរឿង ខាងប្រុសក៏មិនចង់ មានរឿង ខាងប្រុសឧកញ៉ាក៏បានសារភាព ឧកញ្ញានេះបំពានហើយ លើកទៀតថា និស្សិតនេះជាស្រីរបស់ខ្លួនធ្លាប់ដេកធ្លាប់អីៗជាមួយគ្នាដែលបំពានថែមមួយរឿងទៀត ហើយទារលុយមិនបានទើបបានចាក់។ ក្រោយមកសារភាព ហើយស្នើសុំដោះស្រាយនៅខាងក្រៅ ខាងស្រីក៏មិនចង់ខូចឈ្មោះ ខាងប្រុសឧកញ្ញាក៏មិនចង់ខូចឈ្មោះ ទៅដោះស្រាយស្ងាត់ស្ងៀមទៅ»។
តើករណីយ៍មួយនេះជាបទល្មើសព្រហ្មទណ្ឌតតើគួឲ្យឱកញ៉ាហេងសៀរួចខ្លួនដែរទេ?ឡូវដូចសម្តេចថាចឹងមែនគេនាំគ្នាបិទរឿងស្ងាត់ឈឹង។តើចាំមើលមើថាតើច្បាប់ស្រុកខ្មែរនៅទ្រឹងចឹងទៀតឬអត់បន្ទាប់ពីសម្តេចបានហែកចំហរទៅហើយនោះ?។
ទាក់ទងសិស្សវិញម្ដេចតេជោ ហ៊ុន សែន បានបញ្ជាក់ថា «ថ្ងៃនេះ ខ្ញុំនាំមកសម្រាប់សិស្សនិទ្ទេស A ក្នុងម្នាក់ៗ ទទួលបានប្រាក់កាក់ស្លឹងខ្មែរមួយ, សៀវភៅ២ក្បាល មួយជាបណ្ឌិត អ៊ូ ចុង និងមួយទៀត សៀវភៅ ភិរម្យ អ៊ូ (ក្រម ង៉ុយ) និង iPad ដែលជាអំណោយរបស់ក្រុមហ៊ុន ជីបម៉ុង និងថវិកាក្នុងម្នាក់ៗ ២លានរៀល»។សម្តេចតេជោ ហ៊ុន សែន ក៏បានឧបត្ថម្ភដល់លោកគ្រូ អ្នកគ្រូ ដែលបានដឹកនាំសិស្សចូលរួមកម្មវិធី ៤២១នាក់ ក្នុង១នាក់ ទទួលបានប្រាក់ស្លឹងមួយ សៀវភៅអប់រំពីរក្បាល និងថវិកា១លានរៀល។ សម្តេច ក៏បានឧបត្ថម្ភសាលា ៤២១ ដែលមានសិស្សជាប់និទ្ទេស A ចំនួន ៣លានរៀលផងដែរ។
