វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2776 នាក់
ម្សិលមិញ 6359 នាក់
សរុប 14089409 នាក់
ខេត្តតាកែវ ៖ ដីព្រៃសួនសត្វភ្នំតាម៉ៅដែលជាដីជម្រករបស់សត្វមានប្រមាណរាប់ពាន់ហិកតារាប់សិបឆ្នាមកហើយត្រូវនឹងត្រូវគេឆ្វៀលប្រមាណ៣០០ហិកតា លក់ឲ្យឈ្មួញនាពេលពេលឆាប់ៗខាងមុខនេះហើយ ។
តាមប្រភពបានអោយដឹងទៀតថា បច្ចុប្បន្ននេះ ដីចំនួន៣០០ហិកតាកំពុងមានអ្នករត់ការសុំ ស.ជ.ណ.កាត់ពីដីរដ្ឋទៅជាដីឯកជន ឬជាដីក្រុមហ៊ុនឯកជនមួយដែលកំពុងមានឥទ្ធិពល មហាជននៅមិនទាន់បានដឹងនៅឡើយ ។ករណីយ៍នេះលោកញឹប ស្រ៊ន ប្រធានមន្ទីកសិកម្មរុក្ខាប្រមាញ់ និងនេសាទខេត្តតាកែវ បានទទួលស្គាល់ថាព័ត៌មានដែលកាត់ដីរដ្ឋសួនសត្វភ្នំតាម៉ៅ៣០០ហិកតា គឺពិតជាមានមែនព្រោះគេកំពុងរត់ការសុំ ស.ជ.ណពីថ្នាក់លើ ។
ទោះជាយ៉ាងណាលោកប្រធានមន្ទីកសិកម្មរុក្ខាប្រមាញ់ និងនេសាទខេត្តតាកែវ បានបដិសេធមិនហាននិយាយថាជាក្រុមហ៊ុនណានោះឡើយ។ លោកនិយាយថា៖លោកមិនដឹងទេព្រោះរដ្ខបាលខេត្តតាកែវប្រគល់អោយទៅខាងមន្ទីសុរិយោដី និងសំណង់ខេត្តតាកែវជាអ្នកគ្រប់គ្រង ។ មកទល់ពេលនេះ អ្នកយកព័ត៌មានមិនទាន់សុំការបំភ្លឺពីលោកនួន សុធាប្រធានមន្ទីសុរិយោដីនិងសំណង់ខេត្តតាកែវបានឡើយទេដោយលោករវល់ចូលឆ្នាំពេលណាបានព័ត៌មានបន្ថែម យើងនឹងមានផ្សាយជូនបន្តទៀត ។