វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7283 នាក់
ម្សិលមិញ 8227 នាក់
សរុប 14134164 នាក់
សៀមរាប៖ មន្ត្រីជាន់ខ្ពស់របស់អាជ្ញាធរជាតិអប្សរា បានបានចាត់ទុកការយកទង់ជាតិកម្ពុជាមកច្នៃធ្វើជាសម្លៀកបំពាក់ «ជាទង្វើមិនត្រឹមត្រូវទាល់តែសោះ»ធ្វើឲ្យប៉ះពាល់ខ្លាំងដល់កិត្យានុភាពរបស់ជាតិ ។
កាលពីរសៀលថ្ងៃទី០៧ ខែមីនា ឆ្នាំ២០២២លោក ឡុង កុសល អគ្គនាយករង និងជាអ្នកនាំពាក្សអាជ្ញាធរជាតិអប្សរា បានប្រាប់កាសែតថា កាលពីពេលថ្មីៗនេះ មានក្រុមហ៊ុនមួយបានដាក់ពាក្យសុំមកកាន់អាជ្ញាធរជាតិអប្សរា ដើម្បីថតចម្រៀង នៅក្នុងការអនុញ្ញាតនោះអាជ្ញាធរជាតិអប្សារាមិនបានដឹងថា មានការយកទង់ជាតិរបស់ខ្មែរមកគ្រងជាឯកសណ្ឋាននោះទេ។
បន្ទាប់ពីឃើញសកម្មភាពរបស់ក្រុមហ៊ុនមួយនេះ ខាងអាជ្ញាធរអប្សរាក៏បានតម្រូវឲ្យធ្វើការដកចេញនូវឈុតដែលមានការយកទង់ជាតិមកច្នៃជាសម្លៀកបំពាក់នេះ ខាងភាគីក្រុមហ៊ុនក៏បានកែសម្រួលរួចហើយដែរ។ទោះជាយ៉ាងណាដោយសារក្រុមហ៊ុនជាក្រុមហ៊ុនមានឥទ្ធិពលលោកឡុងកុសលនិយាយរបៀបប្រយត្ន័ប្រយ៉ែងថា«ឲ្យថាខុសក៏មិនខុសដែរ តែមិនសមរម្យ ។ មិនសមរម្យនៅត្រង់ថា ទង់ជាតិរបស់ព្រះរាជាណាចក្រកម្ពុជា គឺជានិមិត្តសញ្ញាមួយដែលយើងទាំងអស់គ្នាជាជនជាតិខ្មែរគោរព ហើយមិនមែនត្រឹមតែយើងទាំងអស់គ្នាជាជនជាតិខ្មែរទេប៉ុន្តែទទួលស្គាល់ជាលក្ខណៈសកលលោកទូទៅ។ហើយទង់ជាតិនេះ តែងតែ ត្រូវតែបង្ហូតឡើងទៅលើ ដោយអមជាមួយនឹងភ្លេងជាតិ អមនឹងស្មរតីស្នេហាជាតិ ស្រលាញ់ទឹកដី ស្រលាញ់ជាតិមាតុភូមិ។ ចឹងការយកទង់ជាតិមករចនាជាម៉ូតសម្លៀកបំពាក់ គឺជាលក្ខណៈមិនត្រឹមត្រូវ មិនសមរម្យនោះទេ»។នេះជាសម្ដីរបស់លោក ឡុង កុសល។