» អាជីវរព្រួត​គ្នា​វ៉ៃ​គ្រូ​ជា​នាយក​សាលា​ម្នាក់​ហើយ​នាំគ្នា​ប្តឹង​ឲ្យ​ដកចេញ​ទៀត​!? » រកឃើញ​ថៅកែ​ក្លឹប​លុ​ច្ស​សារី​ដែល​នគរបាល​ចូល​បង្ក្រាប​ហើយ​គឺខ្មែរ​សុទ្ធ​! » ភាពស្អិតល្មួត​រវាង​ចិន​និង​រុស្ស៊ី​បង្ក​ការព្រួយបារម្ភ​ពី​សហភាព​អឺរ៉ុប​ » នគរបាល​ក្អម​សំណរ​បីនាក់​ចូល​ច្រឿ​ង​ខារ៉ាអូខេ​ត្រូវ​ចាប់ខ្លួន​ក្រោយពី​សម្លាប់​ស្រី​កំដរ​ម្នាក់​! » កម្លាំងចំរុះ​ខេត្ត​រតនៈគីរី​រកឃើញ​និង​ចាប់បាន​ឈើប្រណិត​ជាច្រើន​ដុំ​នៅ​ស្រុក​អណ្តូង​មាស​! » សង្សា​ទី​៣​នាយ​ចឺម​កញ្ញា​ប៊ី​ហ្វា​ថា​រឿង​ចាស់ៗ​បារម្ភ​មិន​អី​ទេ​! » ប្រជាពលរដ្ឋ​ស្រុក​កំពង់លែង​ថា​លោក​ស៊ុម​សុជាតិ​ស្នងការរង​នគរបាល​ខេត្តកំពង់ឆ្នាំង​ប្រើ​កម្លាំង​នគរបាល​ចាប់​និង​គម្រាម​ពួកគេ​បើ​ហ៊ាន​ចូល​មើល​តំបន់​ដែល​គេ​រំលោភ​យក​!? » បាត់​ប្រព​ន្ធ័​អនុគ្រោះ​ពន្ធ​ឥណ្ឌា​ប្រកាស​តម្លើង​ពន្ធ​នាំចូល​ទំនិញ​អាមេរិក​២៨​មុខ​ » ចិន​ចាប់​ជម្រឹត​ចិន​ត្រូវបាន​បង្ក្រាប​នៅ​ប៉ោយប៉ែត​! » ចត​ឡាន​ទុក​កូន​ពីរ​នាក់​ចុះ​ទិញ​គ្រឿង​ហូប​ក្បែរផ្ទះចោរ​ចូល​លួច​បើករត់ផ្អើល​នគរបាល​១​ក្រុង​! » ពលករ​ប្តឹង​សាលាបង្រៀន​កូ​រ៉​អាន់​សាន់​រឿង​បោក​ទៅ​តុលាការ​កំពង់​ឆ្នាំង​! » សាហាវ​ទៀតហើយ​!​ប្តី​បិទទ្វារ​ចាក់​សាំង​ដុត​ប្រពន្ធ ហើយ​បុរស​ជា​ប្តី​អាករ​ខ្លួនឯង​តាម​ក្រោយ​….! » អាមេរិក​ចោទ​ប្រទេស​អ៊ីរ៉ង់​នៅ​ពីក្រោយ​ការវាយប្រហារ​លើ​នាវា​ដឹក​ប្រេង​ជប៉ុន​និង​ន​រ័​វ៉េ​ស​! » អាជ្ញាធរ​និង​មន្ត្រី​ជំនាញ​បរិស្ថាន​និង​ជំនាញ​សុរិយោដី​ខេត្ត បាត់មាត់​ស្ងាត់ឈឹង​ករណី​មេ​ឈ្មួញ​រកស៊ី​ដី​ជើង​ខ្លាំង​ប្រចាំ​ស្រុក​ទឹកផុស​ឈ្មោះ​ប៉ក់​​ឈូសឆាយ​បំផ្លាញ​ដីព្រៃ​​ព្រះរាជ​ក្រិត្យនិង​ជា​ដែនជម្រកសត្វព្រៃ​ឱរា​ល់​រាប់រយ​ហិច​តា​ចំណុច​ជួរ​ភ្នំ​កញ្ជើរ​បាយ​ » តារា​សម្តែង​និង​ជា​មន្ត្រីនគរបាល​អង្គរ​ក្ស័ក​ញ្ញា​អ៊ុន​លីហ្សា​បង្ហាញ​ជីវិត​ឡួ​ឆាយ​និង​បង្ហាញមុខ​ប្រុស​ស្នេហ៍​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 489 នាក់

ម្សិលមិញ 5559 នាក់

សរុប 2345855 នាក់

អ្នកនាំពាក្យ​គណបក្ស​ប្រជាជន​អះអាង​ពី​ជំហរ​គណបក្ស​ពេល​ចូលកាន់​អំណាច​អាណត្តិ​ទី​៦អត់កែធម្មនុញនិងបទបញ្ជាផ្ទៃក្នុង

 

​ភ្នំពេញ​៖ លោក សុខ ឥសាន អ្នកនាំពាក្យ​គណបក្ស​ប្រជាជន​កម្ពុ​ជានា​ព្រឹក​ថ្ងៃទី​១៦ ខែសីហា ឆ្នាំ​២០១៨ បាន​ថ្លែងថា​គណបក្ស​ប្រជាជន​កម្ពុជា​គ្មាន​គោលការណ៍​ចែករំលែក​អាសនៈ​នៅក្នុង​រដ្ឋសភា​ទៅ​ឲ្យ​គណបក្ស​ដែល​មិន​ឈ្នះឆ្នោត​នោះឡើយ​។​a cpp spoke 

​នៅ​សណ្ឋាគារ​ភូ​គី​ត្រា លោក សុខ ឥសាន​បានបញ្ជាក់​ក្នុង​សន្និសីទ​ព័ត៌មាន​ស្តីពី​លទ្ធផល​បោះឆ្នោត​ថា​៖«​យើង​មិន​បោះបង់ចោល​នូវ​ឆន្ទៈ​ប្រជាពលរដ្ឋ ហើយ​យើង​ក៏​មិន​ប្រមាថ​ឆន្ទៈ​ប្រជាពលរដ្ឋ​ទេ​។ គណបក្ស​ប្រជាជន គឺជា​គណបក្ស​ដែល​តែងតែ​គោរព​ឆន្ទៈ​ប្រជាពលរដ្ឋ យើង​មិនអាច​យក​ឆន្ទៈ​ប្រជាពលរដ្ឋ​ទៅ​ចែក​ឲ្យ​គណបក្ស​ផ្សេង ដែល​ប្រជាពលរដ្ឋ​មិនបាន​បោះឆ្នោត​គាំទ្រ​នោះទេ​។

កុំ​យក​ឆន្ទៈ​ប្រជាពលរដ្ឋ​ទៅ​ប្រៀប​ធៀ​នឹង​ដី​សម្បទាន​សេដ្ឋកិច្ច សង្គមកិច្ច ពីព្រោះ​ឆន្ទៈ​ប្រជាពលរដ្ឋ​មិនមែនជា​ដី​សម្បទាន​សេដ្ឋកិច្ច និង​សង្គមកិច្ច​នោះទេ​»​។​
​បើទោះបី​មិនមាន​គោលការណ៍​ចែករំលែក​អាសនៈ​រដ្ឋសភា​ទៅ​គណបក្សនយោបាយ​ដទៃ​យ៉ាងណាក្តី តែ​សម្តេច​តេ​ជោ ហ៊ុន សែន ដែលជា​បេក្ខភាព​នាយករដ្ឋមន្ត្រី​អាណត្តិ​ថ្មី បានប្រកាស​បើកភ្លើង​ខៀវ​ឲ្យ​ថ្នាក់ដឹកនាំ​គណបក្សនយោបាយ​ចូលរួម​បោះឆ្នោត​អាច​ចូលរួម​ផ្តល់​ទស្សនទាន និង​កែលំអ​រលើ​គោលនយោបាយ​របស់​រាជ​រដ្ឋាភិបាល តាមរយៈ​វេទិកា​រវាង​រាជរដ្ឋាភិបាល និង​គណបក្សនយោបាយ​មិន​ជាប់ឆ្នោត​ផងដែរ​និង​អាច​ផ្តល់​តួនាទី​ជាទី​ប្រឹក្សា​ដល់​ថ្នាក់ដឹកនាំ​បក្សនយោបាយ​មិន​ជាប់ឆ្នោត​នៅតាម​ក្រសួង​ដែល​ខ្លួន​មាន​ជំនាញ​ផងដែរ ដើម្បី​បាន​ផ្តល់ឱកាស​ជួយ​ដល់​រាជរដ្ឋាភិបាល​។

លោក សុខ ឥសាន បាន​គូស​អះអាងថា​៖ «​ទោះបី​គណបក្ស​នៅក្នុង​សភា​មាន​គណបក្ស​ប្រជាជន​តែមួយ​ក៏ដោយ ក៏​រដ្ឋធម្មនុញ្ញ និង​បទបញ្ជាផ្ទៃក្នុង​របស់រ​ដ្ឋ​សភា​ហ្នឹង​មិនមាន​ការធ្វើ​វិសោធនកម្ម​កែ​នោះទេ​។ អ៊ីចឹង​នៅក្នុង​បទបញ្ញត្តិ​ទាំងឡាយ​ដែល​មានចែង​ក្នុង​មាត្រា​នៅ​រដ្ឋធម្មនុញ្ញ​របស់​យើង គឺ​បើកផ្លូវ​តួនាទី​ភារកិច្ច​របស់​អង្គនីតិបញ្ញត្តិ​របស់​យើង​មាន​សិទ្ធិ​អញ្ជើញ​រដ្ឋមន្ត្រី បានន័យថា​សមាជិក​រា​ជ​រដ្ឋាភិបាល​មក​សួរ​។ អាហ្នឹង​ជា​រឿង​ធម្មតា​ទេ តួនាទី​ភារកិច្ច​មាន​ហើយ គណបក្ស​ប្រជាជន​កាន់តែ​មានការ​លើកទឹកចិត្ត ដើម្បី​អនុវត្តន៍​ឲ្យ​បាន​ត្រឹមត្រូវ​ទៅតាម​ខ្លឹមសារ​ដែលមាន​ចែង​នៅក្នុង​រដ្ឋធម្មនុញ្ញ ក៏ដូចជា​បទបញ្ជាផ្ទៃក្នុង​របស់​រដ្ឋសភា​។

អាហ្នឹង​យើង​ត្រូវធ្វើ​ទៅតាម​កម្មវិធី​ជា​ប្រក្រតី​របស់​យើង​ដែលមាន​ចែង​»​។​
​លោក សុខ ឥសាន​សន្យាថា «​សូមកុំ​មានការ​ព្រួយបារម្ភ ទោះបី​បក្ស​តែមួយ​ក៏ដោយ​ក៏​យើង​នឹង​បំពេញ​តួ​នា​តី​នេះ​ឲ្យ​បាន​ប្រកបដោយ​ប្រសិទ្ធភាព ហើយ​សម្តេច​តេ​ជោ ហ៊ុន សែន ដែលជា​បេក្ខភាព​នាយករដ្ឋមន្ត្រី​គណបក្ស​ប្រជាជន​កម្ពុជា​លោក​បាន​លើក​ហើយ គឹ​កាន់តែ​បង្កើន​ការយក​ការទទួលខុសត្រូវ​ទ្វេដង​ថែមទៀត ដើម្បី​ធ្វើយ៉ាងណា​បង្កើន​ប្រសិទ្ធភាប​ការងារ​របស់​បណ្តា​ស្ថាប័ន​រួមមាន ស្ថាប័ន​នីតិបញ្ញត្តិ ស្ថាប័ន​នីតិប្រតិបត្តិ គឺ​រាជរដ្ឋាភិបាល​ហ្នឹង ហើយនឹង​តុលាការ​»​។​

​លោក ឈឹម ផល​វរុណអ្នកនាំពាក្យដែរ បាន​ថ្លែង​បញ្ជាក់ដែរថា «​តំណាងរាស្ត្រ​មកពី​គណបក្សកាន់អំណាច ក៏​គាត់​ឈរលើ​គោលនយោបាយ​គណបក្ស​ដែរ ហើយក៏​គាត់​ឈរលើ​គោលនយោបាយ​នៃ​ប្រសិទ្ធភាព​នៃ​ការអនុវត្តន៍​កម្មវិធី​នយោបាយ​របស់​រាជរដ្ឋាភិបាល​។ ដូច្នេះ​គាត់​ក៏មាន​សតិសម្បជញ្ញៈ​បំពេញ​កាតព្វកិច្ច​កោះអញ្ជើញ​រដ្ឋមន្ត្រី បើសិន​មាន​បញ្ហា​អសកម្ម​ច្រើន ដើម្បី​បំភ្លឺ​ទៅលើ​បរិបថ​ហ្នឹង ពីព្រោះ​មិនមែន​បុគ្គល​ដែល​មិន​ធ្វើ​ខុស​ទេ បើ​មិន​មានការ​ដាស់តឿន និង​បំភ្លឺ​ជា​សាធារណៈ​នៅក្នុង​វេទិកាសភា​»​។​

​យោងតាម​លទ្ធផល​ផ្លូវការ​របស់​គណៈកម្មាធិកា​រ​ជាតិ​រៀបចំ​ការបោះឆ្នោត​ដែល​ចេញផ្សាយ​នៅ​យប់​ថ្ងៃទី​១៥ ខែសីហា ឆ្នាំ​២០១៨ គណបក្ស​ប្រជាជន​កម្ពុជា​បានទទួល​ជ័យជម្នះ​គ្រប់គ្រង​អាសនៈ​នៅក្នុង​រដ្ឋសភា​ទាំង​១២៥​។ រដ្ឋសភា​អាណត្តិ​ថ្មី​នឹង​កោះប្រជុំ​ជា​លើកដំបូង​ក្រោម ព្រះរាជអធិបតីភាព​ព្រះមហាក្សត្រ​ខ្មែរ ព្រះករុណា ព្រះបាទ​សម្តេច ព្រះបរមនាថ នរោត្តម សីហមុនី នៅ​ថ្ងៃទី​០៥ ខែកញ្ញា ឆ្នាំ​២០១៨​នេះ​។​បើតាម​ការប្រកាស​រប​ស់ស​ម្តេច​តេ​ជោ ហ៊ុន សែន រាជរដ្ឋាភិបាល​អាណត្តិ​ថ្មី អាណត្តិ​ទី​៦ នឹង​បង្កើតជា​ផ្លូវការ​នា​ថ្ងៃទី​០៦ ខែកញ្ញា ឆ្នាំ​២០១៨ ខាងមុខ​ឆាប់ៗ​នេះ ហើយ​ការបើក​កិច្ចប្រជុំ​គណៈរដ្ឋមន្ត្រី​ជា​លើកដំបូង នឹងធ្វើ​ឡើង​នា​ថ្ងៃទី​០៧ ខែកញ្ញា​។ ចំណែកឯ​គោលនយោបាយ​ក្នុងការ​ដឹកនាំ​រាជរដ្ឋាភិបាល​អាណត្តិ ក៏បាន​រៀបចំ​រួចរាល់​ហើយ​ដែរ គឺ​សម្តេច​តេ​ជោ​បាន​បន្ត​ដាក់ចេញ​គោលនយោបាយ​ចតុកោណ​ដំណាក់កាល​ទី​៤ ដោយ​មានការ​សម្រួច​មុខព្រួញ​ការអភិវឌ្ឍ​មួយចំនួន​៕