វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 410 នាក់
ម្សិលមិញ 6501 នាក់
សរុប 13948965 នាក់
ភ្នំពេញ៖ លោក ឈួន ហៃ ប្រធានសាខាគយ និងរដ្ឋាករ ខេត្តកំពង់ស្ពឺ និងលោកប៉ោ សួន អនុប្រធាននាយករដ្ឋាន កិច្ចការច្បាប់សវនកម្ម និងទំនាក់ទំនងសាធារណៈ នៃអគ្គនាយកដ្ឋានគយ និងរដ្ឋាករកម្ពុជា ត្រូវបានមន្ត្រីគយដូចគ្នានិយាយថាបានទទួលជោគជ័យក្នុងការលេបថ្នាំពន្យាអាយុចូលនិវត្តន៍ប្រឆាំងច្បាប់សហលកន្តិកៈមន្ត្រីរាជការស៊ីវិល។
ប្រភពដដែលបានបន្តថា រឿងលោក ឈួន ហៃ និងលោកប៉ោ សួន លេបថ្នាំពន្យាអាយុចូលនិវត្តន៍បានធ្វើឲ្យមន្ត្រីនៅក្នុងអគ្គនាយកដ្ឋានគយ និងរដ្ឋាករកម្ពុជា និយាយខ្សឹបខ្សៀវពេញកន្លែងធ្វើការពីមាត់មួយទៅមាត់មួយថា លោកទាំងពីរនាក់នេះ ពិតជាមិនធម្មតារត់ការលេបថ្នាំពន្យាអាយុចូលនិវត្តន៍បានដោយក្នុងនោះលោក ប៉ោ សួន ពន្យាអាយុបាន ១០ឆ្នាំ និងលោក ឈួន ហៃ ពន្យាអាយុបាន ៥ឆ្នាំ។
មន្ត្រីអគ្គនាយកដ្ឋានគយ និងរដ្ឋាករកម្ពុជាដែលចង់បានថ្នាំលេបដែរបានទម្លាយឲ្យដឹងថា បើយោងតាមតារាងទូទាត់បៀវត្សឆ្នាំ២០២១ គឺលោក ប៉ោ សួន អនុប្រធាននាយករដ្ឋាន កិច្ចការច្បាប់សវនកម្ម និងទំនាក់ទំនងសាធារណៈ កើតនៅថ្ងៃទី០១ ខែកុម្ភៈ ឆ្នាំ១៩៦៤។ ស្រាប់តែនៅក្នុងតារាងទូទាត់បៀវត្សឆ្នាំ២០២២ គឺមានការកែប្រែឆ្នាំកំណើតដោយលោក ប៉ោ សួន កើតនៅថ្ងៃទី០១ ខែកុម្ភៈ ឆ្នាំ១៩៧៤ ពោលគឺពន្យាអាយុចូលនិវត្តន៍បាន ១០ឆ្នាំ។
ចំណែកលោក ឈួន ហៃ ប្រធានសាខាគយ និងរដ្ឋាករ ខេត្តកំពង់ស្ពឺ វិញ គឺនៅក្នុងតារាងបៀវត្សរ៍ឆ្នាំ២០២១ គឺកើតនៅថ្ងៃទី០១ ខែមករា ឆ្នាំ១៩៦៣។ ស្រាប់តែនៅក្នុងតារាងបៀវត្សរ៍ឆ្នាំ២០២២ បានកែប្រែឆ្នាំកំណើត គឺកើតនៅថ្ងៃទី០១ ខែមករា ឆ្នាំ១៩៦៨ ពោលគឺពន្យាអាយុចូលនិវត្តន៍បាន ៥ឆ្នាំ។
មិនដឹងថាតើថ្នាំពន្យាអាយុចូលនិវត្តន៍ជាថ្នាំដូចដែលលោកគុណញឹមមេគយធំស្រុកខ្មែរលេបដែរឬជាប្រភេទថ្នាំផលិតត្រឹមណានោះទេ។សម្រាប់លោកបណ្ឌឹតគុណញឹមមេគយធំដែលដល់អាយុចូលនិវត្តន៍វិញលោកប្រើថ្នាំខ្លាំងណាស់គឺលោកអាចនៅធ្វើជាមេគយបានមួយអាណត្តិរាជរដ្ឋាភិបាលក្រោយឬបន្តទៀត។នេះបើតាមការប្រកាសរបស់នាយករដ្ឋមន្ត្រីសម្តេចតេជោពេលសម្ពោធស្នាក់ការគយនាពេលថ្មីៗកន្លងមកនេះ។