វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8821 នាក់
ម្សិលមិញ 8227 នាក់
សរុប 14135702 នាក់
ភ្នំពេញ៖ សម្តេចតេជោ ហ៊ុន សែន បានថ្លែងថា «មានអ្នកវិភាគបានវិភាគថា មូលហេតុដែលគណបក្សប្រជាជនកម្ពុជា មិនធ្វើពិធីរំលឹក៧មករា កន្លងទៅ ដោយសារតែបក្សប្រជាជន ចង់ដកឥទ្ធិពលពីវៀតណាម»។
សម្តេចតេជោ ហ៊ុន សែន បានបញ្ជាក់ថា ខ្ញ៉ំសូមផ្តាំទៅអ្នកវិភាគថា គណបក្សប្រជាជនកម្ពុជាគ្មានថ្ងៃបំភ្លេចចោលថ្ងៃ ៧ មករានោះទេ »។ នេះជាការលើកឡើងរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាក្នុងពិធីបើកការដ្ឋានសាងសង់ស្ពានអាកាសផ្លូវជាតិលេខ៥ ស្ថិតក្នុងភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ នៅព្រឹកថ្ងៃទី៣១ ខែមករា ឆ្នាំ ២០២២នេះ។សម្តេចតេជោ ហ៊ុន សែន បានបញ្ជាក់ថា «៧មករា គឺជាក្បាលរបស់យើង ហើយថ្ងៃ៧មករា ជាថ្ងៃដែលប្រជាជនកម្ពុជាមិនអាចបំភ្លេចបាន »។
សម្តេចតេជោ ហ៊ុន សែន ក៏បានបញ្ជាក់ថា យើងមិនប្រារព្ធការជួបជ៉ំ ៧មករា គឺជាសារមួយក្រើនរំលឹកដល់ប្រជាពលរដ្ឋថា បើទោះបីជាមានពិធីធំក្នុងប្រតិទិនរបស់ជាតិក៏ដោយក៏យើងមិនប្រារព្ធ ដើម្បីការពារក៉ំឱ្យឆ្លងកូវីដ១៩ ព្រោះប្រសិនបើធ្វើគឺមនុស្សរាប់ម៉ឺននាក់ចូលរួម».។តាមការអោយដឹងពី លោក ឃួង ស្រេង អភិបាលរាជធានីភ្នំពេញបានអោយដឹងថា ស្ពានអាកាសដែលបើកការដ្ឋានសាងសង់ថ្មីនេះ ស្ថិតនៅលើបណ្តោយផ្លូវជាតិលេខ៥ ចំណុចប្រសប់នៃផ្លូវតភ្ជាប់ពីស្ពានខ្សែកាបឫស្សីកែវ ឆ្លងកាត់ទន្លេសាប ដែលតភ្ជាប់រវាងផ្លូវជាតិលេខ៥ និងទីក្រុងរណបជ្រោយចង្វា។
ស្ពានអាកាសនេះ មានបណ្តោយសរុបប្រវែង ៤៨៣ម៉ែត្រ (បណ្តោយស្ពានអាកាស ១៤៥ម៉ែត្រ និងផ្លូវគល់ស្ពានសងខាង ៣៣៨ម៉ែត្រ), មានទទឹង ១៥.៨ម៉ែត្រ។ គ្រោងចំណាយថវិកាសាងសង់ជិត ១០លានដុល្លារអាមេរិក។ គម្រោងស្ពានអាកាសនេះ សាងសង់ដោយក្រុមហ៊ុនវិនិយោគទុនអនិកជនកម្ពុជា (OCIC) ដោយប្រើរយៈពេលប្រមាណ ១៥ខែ។សម្តេចតេជោនាយករដ្ឋមន្ត្រីបានមានប្រសាសន៍ថា តាមរយៈការសាងសង់ស្ពានអាកាសត្រង់ចំណុចនេះ នឹងរួមចំណែកយ៉ាងសំខាន់ក្នុងការសម្រួលការកកស្ទះចរាចរណ៍ ខណៈដែលតំបន់នេះ កំពុងមានគម្រោងអភិវឌ្ឍន៍ជាច្រើន។
សម្តេចតេជោបានមានប្រសាសន៍រំលឹកថា នយោបាយអភិវឌ្ឍន៍ប្រទេសជាតិយើង គឺនៅតែផ្តោតលើអាទិភាពទាំង៤ គឺ ទឹក , ផ្លូវ ,ភ្លើង និងធនធានមនុស្ស ដែលក្រោយមកយើងបានប្តូរទិសយកការអភិវឌ្ឍធនធានមនុស្ស ជាអាទិភាពនាំមុខវិញ គឺ មនុស្ស ផ្លូវ ទឹក ភ្លើង ដែលអាទិភាពទាំង៤នេះ យើងបានដាក់ចេញតាំងពីក្រោយថ្ងៃរំដោះប្រទេសជាតិមកម្លេះ។