» គូ​រ៉េ​ខាងត្បូង​អាមេរិក​ពង្រឹង​ជំហរ​ទប់កូរ៉េខាងជើង​និង​ទប់ទល់​ជាមួយ​ចិន​ » សម្តេច​ក្រឡាហោម ស ខេង ៖ ដើម្បី​ពង្រឹង​ស្ថិរភាព និង​លទ្ធិប្រជាធិបតេយ្យនៅ​មូលដ្ឋាន គឺ​ត្រូវតែមាន​ការបោះឆ្នោត​ » តារា​និង​ពិធី​ការិនី​មេម៉ាយ​សុខ សោ​ម៉ា​វ​ត្តី រកបាន​អ្នក​ស្អំ​បេះដូង​ថ្មី​!? » កាណាដា​ហាមឃាត់​ក្រុមហ៊ុន​Huawei​មិន​ឲ្យ​ចូលរួម​ក្នុង​បណ្តាញ​5G​ក្នុងប្រទេស​ខ្លួន » វ៉ាក់សាំង​ដូ​ស​ទី​៥​នឹង ចាប់ផ្តើម​ចាក់​ពីថ្ងៃ​ទី​៩ ខែមិថុនា » ថ្ងៃទី​២២​ខែឧសភា ថៃ​នឹង​ចាប់ផ្តើម​បោះឆ្នោត​ជ្រើសរើស​អភិបាលក្រុង​បាងកក​បន្ទាប់ពី​ផ្អាក​៩​ឆ្នាំ​ » ឃាត់ខ្លួន​បុរស​ជនជាតិ​អង់គ្លេស​ម្នាក់ ករណី​ហិង្សា​ដោយ​ចេតនា​មាន​ស្ថាន​ទម្ងន់ទោស​ » បាក់​អាង​ស្តុក​ទឹក​របស់​ក្រុមហ៊ុន​ចម្ការចេក​ហ័ង​អា​ញ់​​វៀតណាម​លិច​ផ្ទះ​ប្រជាពលរដ្ឋ​ជាង​១០០​ខ្នង​នៅ​ស្រុក​កូន​មុំ​ » ស៊ី​ហ្គេម​លើក​ទី​៣១ នៅ​ទីក្រុង​ហាណូយ ប្រទេស​វៀតណាម​កម្ពុជា បាន​មេដាយមាស​ចំនួន ៦​ហើយ​ » វិបត្តិ​សេដ្ឋកិច្ច​ស្រីលង្កា​ប្រកា​សលក់​ក្រុមហ៊ុន​អាកាសចរណ៍​ជាតិ​ » សហរដ្ឋអាមេរិក​នឹង​បើក ការស៊ើបអង្កេត​លើ​ករណី​លោក អ៊ុក ទូច ដែល​គប់ ស្បែកជើង​មកលើ នាយករដ្ឋមន្ត្រី​កម្ពុជា​ » សម្តេច​តេ​ជោ ហ៊ុន សែន​ទុក​ឲ្យ​អាមេរិក​ចាត់ការ​យ៉ាងណា​គឺ​អនុវត្តន៍​យ៉ាងនោះ​ទៅ ករណី​អនិកជន​ខ្មែរ​គប់​ស្បែកជើង​ដាក់​សម្តេច​ » ឪពុកម្តាយ​តារាចម្រៀង​សុវត្ថិ​ឌី​ធី​រិ​កា​ស្លាប់​ភ្លាម​ដោយ​ក្រឡាប់​ឡាន​ » កីឡាការិនី​ម៉ាឡេស៊ី​ធើ​ស៊ី​កីឡា​រិ​នី​មេដាយមាស​ស៊ី​ហ្កេ​ម​២០១៩​រត់ប្រណាំង​៨០០​ម៉ែត្រ​វៀតណាម​ » ស្ត្រី​ដែល​យក​កាំបិទ​ឆូត​មុខ​ក្មេងស្រី​ដែល​គប់​ក្បាល​កូនប្រុស​ខ្លួន​ជាប់គុក​១២​ឆ្នាំ​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 1678 នាក់

ម្សិលមិញ 5271 នាក់

សរុប 10741680 នាក់

តួ​សម្តែង​រឿង​ខ្លី​ប្រពន្ធ​មិនបានការ​ចេញមុខ​សុំទោស​តែ​មហាជន​មិនទាន់​អស់ចិត្ត​

​ភ្នំពេញ​៖ ប៉ុន្មាន​ថ្ងៃ​មកនេះ​មានការ​ចាប់អារម្មណ៍​និង​រិះគន់​ទៅកាន់​ក្រុម​សម្តែង​យុវវ័យ​មួយក្រុម​ដែលមាន​រហ័ស​នាម​ថា អា​មាន និង​រ៉ា​ប៊ី​ដោយសារតែ បាន​បញ្ចេញ​រឿង​ខ្លី បង្ហាញ​ឈុត​ឱបថើប​ស្រើប​ស្រាយ​លូក​រាវ​ច្របាច់​គ្នា​ដោយ​គ្មាន​ភាព​អៀនខ្មាស​។​បន្ទាប់មក​នៅ​ព្រលប់​ថ្ងៃទី​២៣ ខែមករា​គេ​បានឃើញ តួ​សម្តែង​ប្រុស​ស្រី​ក្នុង​រឿង​សិច​នេះ​ចេញមុខ​សុំទោស​ជា​សាធារណៈ​ដោយ​លើកឡើងថា ខ្លួន​បានដឹង​កំហុស​និង​ស្នើ​ឲ្យ​មានការ​យោគយល់ និង​សន្យា​បញ្ចប់​ការសម្តែង​រឿង​បែបនេះ​បន្តទៀត ។a boy sex1

វីដេអូ​ដែល​យុវជន​បាន​សម្តែង និង​រង​ការរិះគន់ ដែលមាន​អ្នក​ចូល​ទស្សនា​ច្រើនជាង​៣​លាន​ដងនោះ​នៅឡើយ​គិត​ត្រឹម​ព្រឹក​ថ្ងៃទី​២៤ ខែមករា​ឆ្នាំ ២០២២​នេះ​។​វីដេអូ​រឿង​”​ប្រពន្ធ​មិនបានការ​”​ត្រូវបាន​បញ្ចេញ​កាលពី​ព្រលប់​ថ្ងៃទី​១៧ ខែមករា​ឆ្នាំ ២០២២​នៅលើ​គណនី​យ​ហ្វេ​ស​ប៊ុ​ក ឈ្មោះ​Mean Gaming​។ ក្រៅពី​បង្ហោះ​នៅលើ​បណ្តាញ​សង្គម​ហ្វេ​ស​ប៊ុ​ក​គេ​ក៏​សង្កេតឃើញ​មាន បង្ហោះ​នៅលើ​បណ្តាញ​សង្គម​Tik Tok ជា​ហូរហែ​ផងដែរ​។ អ្វីដែល​មានការ​ព្រួយបារម្ភ​គឺ​វីដេអូ​នេះ​បានបង្ហាញ​ពី​ភាព​ស្រើបស្រាល​ជាច្រើន​ឈុត​ច្រើន​ឆាក ហើយ​អ្វី​ដែលជា​ក្តីបារម្ភ​គឺ​វីដេអូ​នេះ​ត្រូវបាន​ទាំង​ក្រុម​យុវវ័យ និង​ក្មេងៗ​ដែល​ប្រើប្រាស់​បណ្តាញ​សង្គម​។

ក្រោយពី​លេចចេញ​ការរិះគន់​ខ្លាំងៗ​ស្រាប់តែ​កាលពី​ព្រលប់​ថ្ងៃទី​២២ ខែមករា នេះដែរ​លោក ជំទាវ​ចិត្តធម៌ ហ៊ុន ស៊ី​ណាត ប្អូនស្រី​បង្កើត​សម្តេច​តេ​ជោ​ហ៊ុន សែន បាន​បញ្ចេញ​សារ​ប្រតិកម្ម និង​ស្នើ​ឲ្យ​ស្ថាប័ន​ពាក់ព័ន្ធ​ពិនិត្យ​លើ​ករណី​ខាងលើ​ផងដែរ​។ គេ​នៅ​បន្ត​រង់ចាំ​មើល​ដែរ​ថា​តើ​ករណីនេះ​នឹង​ទៅជា​យ៉ាងណា​។
​គួរ​បញ្ជាក់ដែរថា​កាលពី​អំឡុង​ខែឧសភា ឆ្នាំ ២០២០ ក្រសួង​វប្បធម៌ និង​វិចិត្រសិល្បៈ បាន​ណែនាំ​ដល់​អ្នកប្រើប្រាស់​គេហទំព័រ និង​បណ្តាញ​ទំនាក់ទំនង​ទាំងអស់ ឱ្យ​បញ្ឈប់​នូវ​ការ​ផ្សា​ព្វ​ផ្សាយ​គ្រប់​រូបភាព សារ​ជា​អក្សរ សំឡេង និង​វីដេអូ​ដែលមាន​លក្ខណៈ​អាសអាភាស ស្រើបស្រាល អុជអាល បំបែកបំបាក់ ប្រកាន់ពូជសាសន៍ ពណ៌​សម្បុរ ដែល​បង្ក​មាន​ផលប៉ះពាល់ យ៉ាងធ្ងន់ធ្ងរ​ដល់​វប្បធម៌ ទំនៀមទម្លាប់ ប្រពៃណី ជំនឿ សាសនា សេចក្តីថ្លៃថ្នូរ និង​កិត្យានុភាព​សង្គមជាតិ ចាប់ពី​ថ្ងៃ​ចេញ​សេចក្តីណែនាំ​នេះ​ជា​កំហិត​។

ការចេញ​សេចក្តីណែនាំ​នេះ បាន​ធ្វើឡើង​បន្ទាប់ពី​សង្កេតឃើញ​មាន​អ្នកប្រើប្រាស់​គេហទំព័រ និង​បណ្តាញ​ទំនាក់ទំនង​សង្គម​មួយចំនួន ជាពិសេស​អាជីវករ​តាម​ប្រព័ន្ធ Online អ្នកនិពន្ធ​បទ​ភ្លេង ទំ​នុង​ច្រៀង និង​អ្នក​សម្តែង​ក្រៅ​ប្រព័ន្ធ​បាន​ផ្សព្វផ្សាយ​រូបភាព សារ​ជា​សំឡេង អក្សរ និង​វីដេអូ​ប្រកបដោយ​អសីលធម៌ ប្រាស​ចាស​ក្រមសីលធម៌​បង្កឱ្យមាន​ផលប៉ះពាល់​យ៉ាងធ្ងន់ធ្ងរ​ដល់​វប្បធម៌ ទំនៀមទម្លាប់ ប្រពៃណី អត្តសញ្ញាណ និង​កិត្យានុភាព​ជាតិ ជារឿយៗ​។​

តាម​សេចក្តីណែនាំ​ក្រសួង​វប្បធម៌ និង​វិចិត្រសិល្បៈ ក៏បាន​ព្រមាន​ថា ក្នុងករណី​ដែល​បុគ្គល ឬ​ក្រុម​ណាមួយ​នៅតែ​បន្ត​ប្រព្រឹត្ត​សកម្មភាព​អវិជ្ជមាន​ខា​ង​លើ ក្រុមប្រឹក្សាវិន័យ​នឹង​សហការ ជាមួយ​ក្រសួងមហាផ្ទៃ ក្រសួង​ព័ត៌មាន ក្រសួង​ប្រៃ​ណី​យ៍ និង​ទូ​គមនាគមន៍ និង​ក្រសួង​ពាក់ព័ន្ធ​មួយចំនួនទៀត ចាត់វិធានការ ដោយ​អនុលោម តាម​ក្រមសីលធម៌​នៃ​អ្នកសិល្បៈ ឬ​ប្រកាស​អន្តរក្រសួង ស្តីពី​ការគ្រប់គ្រង​ការផ្សព្វផ្សាយ​តាម​គេហទំព័រ និង​បណ្តាញ​ទំនាក់ទំនង​សង្គម ដែល​ដំណើរការ​តាម​ប្រព័ន្ធ​អុ​ី​ន​ធឺ​ណេ​ត​នៅ​កម្ពុជា ឬ​នឹងដាក់​ពាក្យបណ្តឹង​ទៅ​តុលាការ​ដោយ​អនុលោម តាម​ក្រមព្រហ្មទណ្ឌ ឬ​ច្បាប់​ស្តីពី​ការបង្ក្រាប​អំពើ​ជួយ​ដូរ​មនុស្ស និង​អំពើ​ធ្វើ​អាជីវកម្ម​ផ្លូវភេទ​៕a boy sex a boy sex2