វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2342 នាក់
ម្សិលមិញ 8227 នាក់
សរុប 14129223 នាក់
កំពង់ស្ពឺ៖ គ្រាប់យុទ្ធភ័ណមិនទាន់ផ្ទុះជាច្រើនគ្រាប់ត្រូវបានប្រទះឃើញនៅក្នុងដីឡូត៍មួយកន្លែង ស្ថិតក្នុងចំណុចស្រះតាទាំ ភូមិឈើទាជ្រុំ ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ខណៈដែលក្រុមការងារកំពុងធ្វើការឈូសឆាយធ្វើថ្នល់ ។
ប្រភពពីសមត្តកិច្ចនគរបាល បានឱ្យដឹងថា គ្រាប់យុទ្ធភ័ណមិនទាន់ផ្ទុះ ដែលប្រទះឃើញ រួមមាន គ្រាប់ធុន Okano ចំនួន២០កេសដែក និងគ្រាប់ធុនឡង់សេកាសេ៣០គ្រាប់ ព្រមទាំងមានមួយចំនួនទៀត នៅកប់ក្នុងរណ្តៅដីមួយចំនួនក្បែរនោះ។ក្រុមការងារ មិនហ៊ានបន្តការងារទៀតទេព្រោះប៉ះពាល់ បង្ករគ្រោះថ្នាក់ហើយក៏បាន ដាក់ព័ទ្ធរបាំងសញ្ញាគ្រោះថ្នាក់ ព្រមទាំងបានរាយការណ៍ជូនអង្គភាពស៊ីម៉ាក់ ដើម្បីឱ្យចាត់ការបន្ត ។
សូមបញ្ជាក់ថាកាលពីរសៀលថ្ងៃទី១៧ ខែមករា ឆ្នាំ២០២២ លោក ទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន បានអនុញ្ញាតឲ្យ លោក រុន ដេល អានដ្រេសសេន ( Rune Dale-Andresen) នាយកប្រចាំ ប្រទេស នៃ អង្គការ NPA ចូលជួបពិភាក្សាការងារស្តីពីកិច្ចសហប្រតិបត្តិការ បោសសម្អាត មីននៅ កម្ពុជា ។កិច្ចប្រជុំនេះ បានផ្តោតសំខាន់ លើការអនុវត្ត គម្រោង និងរៀបចំពិធី ប្រកាសខេត្ត កែប ជាខេត្តអស់ មីនក្នុងឆមាសទី១ ឆ្នាំ២០២២ , ការរៀបចំ គោលការណ៍ណែនាំភូមិអស់មីន ដើម្បីសម្រេចកម្ពុជា គ្មានមីន ឆ្នាំ ២០២៥ និង ការរៀបចំចាត់អាទិភាពខេត្តអស់មីន ដទៃទៀត ជាពិសេសខេត្តដែល មាន ផលប៉ះពាល់ តិចតួច ។
ឯលោក លោក លី បញ្ញារិទ្ធិ៍ អគ្គលេខាធិការរងអាជ្ញាធរមីន បានអញ្ជើញដឹកនាំកិច្ចប្រជុំក្រុមការងារបច្ចេកទេសអប់រំអំពីគ្រោះថ្នាក់ដោយសារយុទ្ធភណ្ឌគ្រឿងផ្ទុះក្នុងគោលបំណងពិភាក្សាអំពីការត្រៀមរៀបចំទិវាជាតិ យល់ដឹងអំពីមីន ២៤ កុម្ភៈ ការអនុវត្តស្តង់ដារជាតិស្តីពីការអប់រំអំពីគ្រោះថ្នាក់ ដោយសារយុទ្ធភណ្ឌគ្រឿងផ្ទុះ និងការវាយតម្លៃរៀបចំផែនការ៣ឆ្នាំស្តីពីការ ពង្រឹងគុណភាព ក្នុងការផ្តល់សារអប់រំអំពីគ្រោះថ្នាក់ដោយសារយុទ្ធភណ្ឌ គ្រឿងផ្ទុះផងដែរ។
កិច្ចប្រជុំមានការអញ្ជើញចូលរួមពីតំណាងក្រសួង-ស្ថាប័ន ប្រតបត្តិករជាតិ និងអន្តរជាតិរួមមាន ក្រសួងអប់រំ យុវជន និងកីឡា ស្នងការដ្ឋាននគរបាលជាតិ កាកបាទក្រហមកម្ពុជា មជ្ឈមណ្ឌលសកម្មភាពកំចាត់មីនកម្ពុជាមជ្ឈមណ្ឌលជាតិ គ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្គ្រាម អង្គការ HALO Trust អង្គការ MAG អង្គការ NPA និងអង្គការ SOS។