នាយករដ្ឋមន្ត្រីម៉ាឡេស៊ីបង្ហាញជំហរក្រៅប្រទេស រឿងរកស៊ីនិងសន្តិសុខ
20-March-2025 / ព័ត៌មានអន្តរជាតិ
ម៉ាឡេស៊ី៖កាលពីថ្ងៃចន្ទទី១២សីហាឆ្នាំ២០១៨ លោមមហាធៀ ម៉ូហាម៉ាតនាយករដ្ឋមន្ត្រីម៉ាឡេស៊ី បានប្រកាសព្យួ គំរោងដែលគាំទ្រដោយចិនដែលហៅគម្រោងផែនការផ្លូវមួយខ្សែក្រវ៉ាត់មួយរបស់លោកស៊ីជីងពីងថ្កោលទោស ការប្រព្រឹត្តលើជនរ៉ូហ៊ីងយ៉ារបស់មីយ៉ាន់ម៉ានិងបញ្ហា ជម្លោះសមុទ្រចិនខាងត្បូងនិងកិច្ចព្រៀងលក់ទឹកជាមួយសិង្ហបុរី ។
ក្នុងកិច្ចសម្ភាសន៍ជាមួយទីភ្នាក់ងារសារព័ត៌មានអង់គ្លេសអេភីបានប្រកាសថា៖លោកនឹងស្វះស្វែងសុំលុបចោលគំរោងហេដ្ឋារចនាសម្ពន្ធគាំទ្រដោយចិនតំលៃរាប់ពាន់លានដុល្លារ ដែលត្រូវបានចុះហត្ថលេខាដោយអ្នកកាន់តំណែងមុនលោក ខណៈរដ្ឋាភិបាលរបស់លោកខិតខំធ្វើយ៉ាងណាអោយប្រទេសរួចផុតពីបំណុល និងបានរិះគន់ការប្រព្រឹត្តលើជនអ៊ីស្លាមរ៉ូហ៊ីងយ៉ាថា”មិនត្រឹមត្រូវ”។លោកមហាធៀ បាននិយាយថាម៉ាឡេស៊ីមិនត្រូវការបណ្តាញផ្លូវដែកឆ្នេរខាងកើតតំលៃ២០.០០០លានដុល្លារនិងបំពង់បង្ហូរថាមពល២តំលៃ២.៣០០លានដុល្លារស្អីទេ។គំរោងទាំងនេះត្រូវបានព្យួរសំរាប់ការពិចារណា។
លោកនាយករដ្ឋមន្ត្រីម៉ាលេស៊ីបានប្រឆាំងនឹងការធ្វើយោធូបនីយកម្មខ្លាំងឡើងនៅក្នុងសមុទ្រចិនខាងត្បូងដែលកំពុងមានជម្លោះ។ លោកបានធ្វើការអំពាវនាវជាថ្មីថា៖កុំអោយមាននាវាចម្បាំងនៅទីនោះជាប្រចាំ និងបានព្រមានថា ទាំងនាវាចម្បាំងឆ្លងកាត់ទីនោះ តែកុំប្រចាំការនៅទីនោះ។វាជាការព្រមានមួយទៅកាន់គ្រប់គ្នា។កុំបង្កើតភាពតានតឹងដែលមិនចាំបាច់។
ជាមួយប្រទេសមីយ៉ានម៉ាលោកមហាធៀ បានរិះគន់ការប្រព្រឹត្តរបស់មីយ៉ាន់ម៉ាទៅលើជនអ៊ីស្លាមរ៉ូហ៊ីងយ៉ា និងបាននិយាយថា លោក”ខកចិត្តណាស់”ដែលមេដឹកនាំអ៊ុង សានស៊ូជី បរាជ័យក្នុងការបញ្ឈប់ការគាបសង្កត់លើក្រុមជនភាគតិចនេះ។លោកថាមីយ៉ាន់ម៉ាត្រូវតែទទួលស្គាល់ថា រ៉ូហ៊ីងយ៉ាដែលរស់នៅក្នុងប្រទេសនេះរាប់ជំនាន់គឺជាពលរដ្ឋ។”វាមិនត្រឹមត្រូវសោះដែលធ្វើអ្វីដែលគេបានធ្វើ សម្លាប់មនុស្ស ឃាតកម្មទាំងក្រុម ដែលមិនមែនជាវិធីដែលប្រទេសមានអារយ្យធម៌បានប្រព្រឹត្តទេ”។
-សម្រាប់កិច្ចព្រមព្រៀងលក់ទឹកជាមួយប្រទេសសិង្ហបុរីលោកមហាធៀប្រកាសថាគួរត្រូវបង្កើនជាង១០ដង។ក្រោយកិច្ចព្រមព្រៀងលក់ទិញទឹកចំណាស់មួយទសវត្សរ៍ ដែលនឹងផុតអាណត្តិនៅឆ្នាំ២០៦១ ម៉ាឡេស៊ីលក់ទឹកឆៅអោយសិង្ហបុរីថ្លៃ៣សេនក្នុងមួយពាន់ហ្កាឡុង(៣៧៨៥,៤១លីត្រ)និងទឹកចម្រាញ់ស្អាតហើយ៥០សេនក្នុងមួយពាន់ហ្កាឡុង។
លោកបញ្ជាក់ថា”សព្វថ្ងៃ៣សេនទិញអីបាន។ខ្ញុំគិតថារាល់កិច្ចព្រមព្រៀងត្រូវពិនិត្យសើររើឡើងវិញដោយសារការចំណាយលើការរស់នៅកើនខ្ពស់។រដ្ឋចូហ័រខាងត្បូង លក់ទឹកឆៅទៅអោយរដ្ឋមួយទៀតក្នុងតំលៃ៣០សេនក្នុងមួយពាន់ហ្កាឡុងហើយវាជាថ្លៃមនុស្សធម៌ផងសំរាប់កិច្ចព្រមព្រៀងលក់ក្នុងស្រុក។សំរាប់ប្រទេសក្រៅណាមួយ យើងត្រូវការថ្លៃខ្ពស់ជាងនេះ”។
លោកនាយករដ្ឋមន្ត្រីមហាធៀបញ្ជាក់ថា៖ ម៉ាឡេស៊ីចង់រក្សាជំហរអព្យាក្រិតមួយ និងមិនត្រូវអោយគេទាញចូលក្នុងជម្លោះនៅមជ្ឈិមបូព៌ាឡើយ។រដ្ឋាភិបាលរបស់លោកបានបិទមជ្ឈមណ្ឌលប្រឆាំងភេរវកម្មដែលគាំទ្រដោយអារ៉ាប៊ីសាអូឌីត បន្ទាប់ពីវាត្រូវបានបង្កើតឡើងកាលពីឆ្នាំមុន និងមានផែនការដកទាហានម៉ាឡេស៊ីចេញពីព្រះរាជាណាចក្រនេះទៀតផង។
លោកមហាធៀបាននិយាយថា”អារ៉ាប៊ីសាអូឌីតកំពុងមានសង្គ្រាម។យើងមិនចង់ពាក់ព័ន្ធក្នុងសង្គ្រាមបរទេសណាមួយទេ…យើងនឹងមិនត្រូវបានចោទប្រកាន់ថាជួយសង្គ្រាមឈ្លានពានណាមួយឡើយ”។
ពាក់ព័ន្ធនឹងការចោទប្រកាន់អ្នកដឹកនាំមុនលោក មហាធៀ បាននិយាយថារដ្ឋាភិបាលនឹងធានាសវនាការដ៏យុត្តិធម៌សំរាប់អតីតនាយករដ្ឋមន្ត្រីណាជីប រ៉ាហ្សាក់ ដែលកំពុងប្រឈមការចោទប្រកាន់ជាច្រើន ពាក់ព័ន្ធនឹងការបាត់លុយរាប់ពាន់លានដុល្លារពីមូលនិធិវិនិយោគរដ្ឋ1MDB។” យើងសន្យាថានឹងមិនមានការសងសឹកទេ តែច្បាប់មានផ្លូវរបស់វា…គាត់នឹងត្រូវកាត់ទោសដោយយុត្តិធម៌នៅក្នុងប្រទេសនេះ។ណាជីបជាមេក្លោងដ៏សំខាន់។ពិភពលោកដឹងថាណាជីបបានលួចលុយ”។
លោកបានបញ្ជាក់ថា”នឹងមានមានការលក់ទ្រព្យសម្បត្តិរដ្ឋដើម្បីយកលុយសងបំណុល។នោះជាទំហំនៃកំហុសរបស់ណាជីប។វារួមមានការលក់ភាគហ៊ុននៅក្នុងស្ថាប័នជំនួញពាក់ព័ន្ធរដ្ឋនិងទ្រព្យសម្បត្តិរដ្ឋ”។
.jpg&h=97&w=146)
