វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1498 នាក់
ម្សិលមិញ 6359 នាក់
សរុប 14088131 នាក់
កំពង់ស្ពឺ៖នាយក្រូចត្រូវបានគេចាត់ទុកជាតារាកំប្លែងប្រចាំស្ថានីយ៍ទូរទស្សន៍ដែលមានប្រជាប្រិយភាពម្នាក់ដែលធ្វើឲ្យមនុស្សសើចសប្បាយ។តែសម្រាប់ជីវភាពប្រចាំថ្ងៃនាយក្រូចមិនសូវបង្ហាញភាពស៊ីវីល័យឡូយឆាយលេងសម្ភារៈទំនើបៗនោះទេ។ ប៉ុន្តែថ្មីៗនេះនាយក្រូច បានធ្វើឱ្យមិត្តភក្តិមួយចំនួនមានការភ្ញាក់ផ្អើលក្រោយពីដឹងថានាយកំពុងសាងសង់ផ្ទះវីឡានៅលើផ្ទៃដីដល់ទៅបួនហិចតាឯណោះ!។
នាយក្រូច បានបង្ហោះរូបភាពការសាងសង់ផ្ទះមួយចំនួនដោយលើកឡើងថា«ជិតយើញរូបរាងហើយបងប្អូនផ្ទះខ្ញុំនៅឯស្រុក»។ ក្រៅពី សាងសង់ផ្ទះវីឡា នាយក្រូច ក៏គ្រោងនឹងដាំជាដំណាំហូបផ្លែនិងបន្លែផ្សេងនៅក្នុងដីដ៏ធំល្វឹងល្វើយនេះហើយក្នុងនោះនាយក៏គ្រោងនឹងសាងសង់ជាផ្ទះលំហែរថែមទៀតផងដែរ ។ផ្ទះរបស់លោកចាប់ផ្តើមសាងសង់កាលពីអំឡុងពិធីបុណ្យភ្ជុំបិណ្ឌ។ដោយសារផ្ទះវីឡាមួយនេះមិនទាន់សង់រួចរាល់ទើប នាយក្រូច មិនទាន់មានការប៉ាន់ស្មានទៅលើតម្លៃនៅក្នុងការចំណាយទៅលើវីឡារបស់លោកនោះទេ ។
ទោះជាយ៉ាងណាវាមិនមែនជាផ្ទះដំបូងរបស់លោកនោះទេ កន្លងមក នាយក្រូច មានផ្ទះមួយចំនួនដូចជានៅឯស្រុកកំណើតរបស់លោកនិងនៅជិតទូរទស្សន៍ស៊ីធីអិនផងដែរ ។ ប្រភពឲ្យដឹងថាទម្រាំបានដីដល់ទៅបួនហិចតានេះ នាយក្រូច បានសន្សំប្រាក់ទិញដីម្តងបន្តិចៗដើម្បីសម្រេចបំណងព្រោះលោកស្រឡាញ់ផ្ទះដែលមានដំណាំធម្មជាតិគ្រប់មុខ ។ខុសពីតារាសម្តែងរួមក្រុមអ្នកនាងខ្ញុងនិងតារាសម្តេចអ្នកនាងសឿសុធារ៉ាដែលល្បីល្បាញខាងជម្ពាក់លុយគេតារាកំប្លែងនាយក្រុចមានទ្រព្យសម្បត្តិក្នុងដៃច្រើនគួរសម ព្រោះក្រៅពីអាជីពកំប្លែងលោកក៏មានមុខរបរក្នុងដៃជាច្រើនផងដែរ ។ នាយក្រូច ត្រូវបានគេស្គាល់ថាជាបងប្រុសរបស់តារាកំប្លែង នាងអ៊ីត និងជាពូរបស់តារាចម្រៀង នាយចឺមដែលមានជីវភាពឡូឆាយមានស្រីស្អាតជាគូស្នេហ៍ផងដែរ៕