វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 830 នាក់
ម្សិលមិញ 5020 នាក់
សរុប 14116277 នាក់
ខេត្តសៀមរាប៖ឆេះនៅក្នុងអាគារផ្សារទំនើបអាស៊ីផ្លាហ្សា និងភោជនីយដ្ឋានអេលីត ជាន់ក្រោមដី បណ្តាលឲ្យថប់ដង្ហើមស្លាប់មនុស្សចំនួន ០៣នាក់របួសម្នាក់ កាលពីវេលាម៉ោង១៩និង៣០នាទី ស្ថិតនៅក្នុងភូមិតាភុល សង្កាត់ស្វាយដង្គំ ក្រុងសៀមរាប។
សមត្ថកិច្ចបានឲ្យដឹងថា ករណីឆេះអាគារផ្សារទំនើបអាស៊ីផ្លាហ្សា និងភោជនីយដ្ឋាន អេលីត ជាន់ក្រោមដី នេះបណ្តាលឲ្យរងការខូចខាត និងមានមនុស្សស្លាប់៣នាក់ ដែលជនរងគ្រោះទី១ ឈ្មោះ អ៊ឹង ស៊ឹម ភេទប្រុស អាយុប្រហែល ៤២ឆ្នាំ រស់នៅភូមិ បន្ទាយឈើ សង្កាត់ទឹកវិល មុខរបរសន្តិសុខក្លឹប អេលីត(ស្លាប់ខណះបញ្ជូនដល់មន្ទីរពេទ្យ)។ ជនរងទី២ ឈ្មោះ ធី មេសា (ហៅ ចិត្ត) ភេទប្រុស អាយុ ៣៦ឆ្នាំ រស់នៅភូមិ កន្ត្រក សង្កាត់ ស្វាយដង្គុំ មុខរបរ សន្តិសុខ ស្លាប់នៅកន្លែងកើតហេតុ។ ជនរងគ្រោះទី៣ ឈ្មោះ ឈឿន សំណាង ភេទប្រុស អាយុ ២៦ឆ្នាំ រស់នៅភូមិ ខ្នា សង្កាត់ជ្រាវ មុខរបរ អ្នកចំរៀង ស្លាប់នៅកន្លែងកើតហេតុ។ជនរងគ្រោះទី៤ឈ្មោះ ប្រាក់ សុភ័ណ្ឌ ភេទប្រុស អាយុ៤១ឆ្នាំ រស់នៅបន្ទប់ជួលភូមិ តាភុល មុខរបរ DJ ក្លឹបអេលីត (កំពុងសង្គ្រោះបន្ទាន់នៅពេទ្យបង្អែកខេត្តសៀមរាប) ។
មូលហេតុបណ្តាលមកពីឆ្លងចរន្តអគ្គីសនី។សមត្តកិច្ច បានប្រើប្រាស់រថយន្តពន្លត់អគ្គិភ័យ ចំនួន១០គ្រឿងទើបពន្លត់បានជាង២ម៉ោងក្រោយ។
ម្ចាស់អាគារផ្សារទំនើបអាស៊ីផ្លាហ្សា និងភោជនីយដ្ឋានអេលីត ជាន់ក្រោមដី ត្រូវបានស្គាល់ថាឈ្មោះ តោ សីហា ភេទប្រុសអាយុ៣៦ រស់នៅទីតាំងខាងលើអត់អី។