វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9900 នាក់
ម្សិលមិញ 8227 នាក់
សរុប 14136781 នាក់
ភ្នំពេញ៖ ការបង្ហាញជំហរនេះ បានធ្វើឡើងក្នុងឱកាសដែលលោកស្រី រ៉េតណូ អិល.ភី. ម៉ារស៊ូឌី រដ្ឋមន្ត្រីការបរទេសឥណ្ឌូនេស៊ី ដែលមកបំពេញទស្សនកិច្ចនៅកម្ពុជាចូលជួបសម្តែងការគួរសមជាមួយ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី០១ ខែធ្នូ ឆ្នាំ២០២១នេះ នៅវិមានសន្តិភាព។
នេះបើតាមលោក កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានបញ្ជាក់ប្រាប់ក្រុមអ្នកសារព័ត៌មាន។
ក្នុងជំនួបនេះ សម្តេចតេជោ ក៏បានគូសបញ្ជាក់អំពីគោលជំហរកម្ពុជា ក្នុងការគាំទ្រដល់ប្រទេសទីម័រលេស្ត ដែលជាប្រទេសមួយនៅក្នុងតំបន់អាស៊ីអាគ្នេយ៍ដែលមិនទាន់ក្លាយជាសមាជិកអាស៊ានពេញលេញនៅឡើយ(បន្ទាប់ពីបានផ្តាច់ខ្លួនចេញពីឥណ្ឌូណេស៊ី) ។ សម្តេចក៏បានគូសបញ្ជាក់ថា កម្ពុជាក៏បានគាំទ្រទីម័រលេស្តឱ្យចូលជាសមាជិកអាស៊ានឱ្យបានឆាប់ក្នុងពេលខាងមុខនេះ(តាំងពីកម្ពុជាមិនទាន់ក្លាយជាប្រធានអាស៊ាន)។
សម្រាប់លោកស្រី រ៉េតណូ អិល.ភី. ម៉ារស៊ូឌី រដ្ឋមន្ត្រីការបរទេសឥណ្ឌូនេស៊ី បានលើកឡើងថា ឥណ្ឌូនេស៊ីគាំទ្រឱ្យប្រទេសទីម័រលេស្តបានចូលជាសមាជិកអាស៊ាន ហើយឥណ្ឌូនេស៊ីបានគាំទ្រតាំងពីដំបូងមកម្ល៉េះ ហើយក៏បានចូលរួមចំណែកក្នុងការកសាងសមាសភាពមន្ត្រី ប្រទេសទីម័រលេស្តផងដែរ។អាស៊ានត្រូវបានបង្កើតឡើងនៅថ្ងៃទី៨ ខែសីហា ឆ្នាំ១៩៦៧ ដែលដំបូងឡើយមានប្រទេសចំនួន៥ គឺម៉ាឡេស៉ី ឥណ្ឌូនេស៉ី ហ្វីលីពីន សិង្ហបុរី និងប្រទេសថៃ។
ក្រោយឆ្នាំ១៩៨៤ ទើបប្រទេស៥ទៀតក្នុងតំបន់ ចូលជាបន្តបន្ទាប់ទៀត រួមមាន៖ ប្រ៊ុយណេ វៀតណាម ឡាវ មីយ៉ាន់ម៉ា និងប្រទេសកម្ពុជា ចូលថ្ងៃ៣០ ខែមេសា ឆ្នាំ១៩៩៩។ក្នុងនាមជាប្រធានអាស៊ានឆ្នាំ២០២២ ប្រទេសកម្ពុជា បានបញ្ជាក់ជំហរម្តងទៀតដោយនឹងគាំទ្រប្រទេសទីម័រលេស្ត ឱ្យក្លាយជាសមាជិកទី១១ របស់អាស៊ាន ឆាប់ៗនេះ ។