បន្ទាប់ពីប៉ះគ្នារឿងដាក់ទណ្ឌកម្មលើមន្ត្រីយោធាកម្ពុជាអាមេរិកប្រកាសផ្តល់ជំនួយជួយកម្ពុជាប្រឆាំងជម្ងឺកូវីត!
09-November-2021 / ផ្សេងៗ
ភ្នំពេញ៖ រដ្ឋាភិបាលសហរដ្ឋអាមេរិក នឹងបន្តជួយឧបត្ថម្ភគាំទ្រដល់រាជរដ្ឋាភិបាលកម្ពុជាក្នុងការប្រយុទ្ធប្រឆាំងនឹងជំងឺកូវីដ១៩ តាមរយៈការផ្តល់ហិរញ្ញប្បទានឥតសំណងសម្រាប់អនុវត្តគម្រោង ឬកម្មវិធីនានា ដែលជួយកែលម្អគុណភាពនៃសេវាសុខាភិបាល, លើកកម្ពស់សន្តិសុខស្បៀង, និងកែលម្អជីវភាពរបស់ប្រជាជន ជាពិសេស ប្រជាជននៅជនបទ អ្នកបាត់បង់ការងារនៅទីក្រុង ស្ត្រីរងគ្រោះដោយសារអំពើហឹង្សា និងជនពិការ។
នេះបើតាមការប្រកាសរបស់លោកប៉ាទ្រិកមឺហ្វី( Patrick Murphy) ឯកអគ្គរដ្ឋទូតវិសាមញ្ញ និងពេញសមត្ថភាពនៃសហរដ្ឋអាមេរិកប្រចាំនៅព្រះរាជាណាចក្រកម្ពុជា នៅក្នុងជំនួបពិភាក្សាជាមួយលោកអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុនៅថ្ងៃទី ១៦ ខែ វិច្ឆិកា ឆ្នាំ ២០២១ នៅទីស្ដីការក្រសួងសេដ្ឋកិច្ច និងហិរញ្ញវត្ថុ។
លោកឯកអគ្គរដ្ឋទូតអាមេរិក Patrick Murphy បានវាយតម្លៃខ្ពស់ចំពោះរាជរដ្ឋាភិបាលកម្ពុជាការសម្រេចបានលទ្ធផលល្អប្រសើរក្នុងការបង្ការ និងទប់ស្កាត់ការរីករាលដាលនៃជំងឺកូវីដ-១៩ ប្រកបដោយជោគជ័យ តាមរយៈការបើកដំណើរការសេដ្ឋកិច្ចឡើងវិញលើគ្រប់វិស័យ ជាពិសេស ការបើកទទួលទេសចរណ៍អន្តរជាតិឡើងវិញដោយមិនតម្រូវឱ្យធ្វើចត្តាឡីស័ក ដោយនេះជាយុទ្ធសាស្ត្រមួយ ក្នុងចំណោមយុទ្ធសាស្ត្រសំខាន់ផ្សេងៗទៀតរបស់រាជរដ្ឋាភិបាលកម្ពុជា ក្នុងការស្តារសេដ្ឋកិច្ចឡើងវិញបន្ទាប់ពីផលប៉ះពាល់នៃការរីការាល់ដាលនៃ ជំងឺកូវីដ-១៩ ផងដែរ។
លោកអគ្គបណ្ឌិត-សភាចារ្យ អូន ព័ន្ធមុនីរ័ត្ន បានថ្លែងអំណរគុណចំពោះរដ្ឋាភិបាល និងប្រជាជនអាមេរិក ដែលបានផ្តល់ ហិរញ្ញប្បទានឥតសំណងរួមចំណែកដល់ការអភិវឌ្ឍសេដ្ឋកិច្ច និងសង្គមនៅកម្ពុជា ជាពិសេស លើវិស័យសុខាភិបាល អប់រំ បរិស្ថាន កសិកម្ម និងវិស័យអភិបាលកិច្ច និងការអភិវឌ្ឍតាមបែបប្រជាធិបតេយ្យ។ លោកឧបកនាយករដ្ឋមន្ត្រីអះអាងថាភាគីទាំងពីរនឹងបន្តពូនជ្រុំមូលដ្ឋានគ្រឹះនៃចំណងមិត្តភាព និងកិច្ចសហប្រតិបត្តិការដែលមានស្រាប់ឲ្យកាន់តែរឹងមាំថែមទៀត។
លោកអគ្គបណ្ឌិតសភាចារ្យ ឧបនាយករដ្ឋមន្ត្រី ក៏បានគូសបញ្ជាក់អំពីកិច្ចសហប្រតិបត្តិការយ៉ាងជិតស្និទ្ធរបស់រដ្ឋាភិបាលអាមេរិក ក្នុងការជួយទប់ស្កាត់ប្រយុទ្ធប្រឆាំងនឹងការរីករាលដាលនៃជំងឺកូវីដ-១៩ តាមរយៈការផ្តល់ហិរញ្ញប្បទាន ឥតសំណងសរុបប្រមាណជា ១៥លានដុល្លារអាមេរិក ដោយក្នុងនោះ ថវិកាទាំងនះ ត្រូវបានផ្តល់ជូនឱ្យប្រើប្រាស់តាមរយៈទីភ្នាក់ងារអភិវឌ្ឍន៍អន្តរជាតិសហរដ្ឋអាមេរិក (USAID) សម្រាប់ការប្រយុទ្ធប្រឆាំងនឹងជំងឺកូវីដ-១៩ និងប្រើប្រាស់ផងដែរសម្រាប់ការស្តារសម្បទាសេដ្ឋកិច្ចឡើងវិញ បន្ទាប់ពីរងផលប៉ះពាល់ដោយសារជំងឺកូវីដ-១៩ នៅកម្ពុជា។
លោកអគ្គបណ្ឌិត-សភាចារ្យ អូន ព័ន្ធមុនីរ័ត្ន លើកបានឡើងទៀតថា នាពេលថ្មីៗនេះ រដ្ឋាភិបាលសហរដ្ឋអាមេរិកក៏បានផ្តល់ជាវ៉ាក់សាំងបង្ការជំងឺកូវីដ-១៩ Johnson & Johnson ចំនួនជាង ១លានដូស ដែលត្រូវផ្តល់តាមរយៈយន្តការ COVAX ដើម្បីត្រៀមខ្លួនជាស្រេចក្នុងការចាក់វ៉ាក់សាំងជូនដល់ ប្រជាជនកម្ពុជា។
ភាគីទាំងពីរ ក៏បានកត់សម្គាល់លើចំណុចវិជ្ជមាននៃកិច្ចសហប្រតិបត្តិការទ្វេភាគីរវាងប្រទេសទាំងពីរលើវិស័យសេដ្ឋកិច្ច ទាំងវិស័យពាណិជ្ជកម្ម និងការវិនិយោគ ដែលមានការកើនឡើងគួរឱ្យកត់សម្គាល់នានាថ្មីនេះ ផងដែរ។សូមបញ្ជាក់ថាក្នុងពេលដែលទូតអាមេរិកផ្តល់ជំនួយឲ្យកម្ពុជានៅពេលល្ងាចនាពេលព្រឹកសម្តេចតេជោហ៊ុនសែនទើបទទួលវ៉ាកសាំងប្រឆាំងកូវិតចិន២លានដូសថែមទៀត។
ថ្មីៗនេះអាមេរិកនិងកម្ពុជាទើបនិងប៉ះទង្គិះគ្នាបន្ទាប់ពីក្រសួងរតនាគាអាមេរិកប្រកាសដាក់ទណ្ឌកម្មលើនាយឧត្តមសេនីយ៍យោធាខ្មែរពីររូបគឺលោកនាយឧត្តមសេនីយ៍ទៀវិញមេទព័ជើងទឹកនិងលោកនាយឧត្តមសេនីយ៍ចៅភិរុណអគ្គនាយកបច្ចេកទេសកងទព័ពីបទពុករលួយ។បញ្ហានេះភាគីកម្ពុជាបានចោទអាមេរិកថាធ្វើដោយឯកតោភាគីនិងបំពានអធិបតេយ្យភាពប្រទេសកម្ពុជា!។សហរដ្ឋអាមេរិកបានដាក់ទណ្ឌកម្មបង្កកទ្រព្យសម្បត្តិ និងរឹតត្បិតទិដ្ឋាការលើមន្ត្រីយោធាជាន់ខ្ពស់កម្ពុជា ជាច្រើនរូបជាបន្តបន្ទាប់ ក្រៅពីនេះក៏មានឈ្មួញបំផ្លាញព្រៃឈើនិងក្រុមហ៊ុនចិនដែលរកស៊ីនៅកម្ពុជាផងដែរ។
បន្ទាប់ពីមានប្រតិកម្មរបស់កម្ពុជាអាមេរិកក៏បានចេញការអំពាវនាវឲ្យអ្នកវិនយោគអាមេរិកប្រុងប្រយ្នត័ក្នុងការដាក់ទុនមករកស៊ីក្នុងស្រុកខ្មែរផងដែរប្រយត្ន័ប៉ះដៃគូមិនល្អ។ ជាងនេះទៅទៀត សហរដ្ឋអាមេរិកក៏មិនទាន់បានផ្ដល់ប្រព័ន្ធអនុគ្រោះពន្ធទូទៅរបស់ខ្លួនGSPឲ្យកម្ពុជាវិញដែរ ក្រោយពីបានផុតសុពលភាពកាលពីចុងឆ្នាំ២០២០៕
