ក្រៅពីនេះគឺ ការបិទខ្ទប់ក្រុងសៀមរាបអាចនឹងធ្វើឡើងរយៈពេលពី៧ថ្ងៃទៅ១៤ថ្ងៃ ដើម្បីបោសសម្អាតនិងទប់ស្កាត់ការរីករាលដាលនៃជំងឺកូវីដ-១៩ មុនពេលពិធីបុណ្យភ្ជុំបិណ្ឌមកដល់។អភិបាលខេត្តសៀមរាប លោក ទៀ សីហា មានប្រសាសន៍ប្រាប់ កាសែតថា៖ «ការបិទខ្ទប់មាន២ គឺការបិទខ្ទប់គោរពតាមបម្រាមគោចរ គឺបិទការធ្វើដំណើរចេញចូលនៅម៉ោង៩យប់ ដល់៣ព្រឹក និងការបិទខ្ទប់ក្នុងភូមិសាស្រ្តខេត្ត[ក្រុងសៀមរាប]មានរយៈពេល៧ថ្ងៃ ទៅ១៤ថ្ងៃ» «អាជីវករក្នុងតំបន់លឿងទុំ អាចធ្វើការលក់ដូរបាន តែមិនឱ្យឆ្លងស្រុកទេ។ សម្រាប់អ្នកធ្វើដំណើរ គឺមិនឱ្យចូលក្រុងនោះទេ លើកលែងតែអ្នកមានលិខិតបេសកកម្ម កិច្ចការចាំបាច់ដូចជាទៅពេទ្យព្យាបាលជំងឺ ជាដើម។»
សេចក្តីជូនដំណឹងរបស់រដ្ឋបាលខេត្តសៀមរាប កាលពីថ្ងៃទី១១ ខែកញ្ញា បានឱ្យដឹងថា រដ្ឋបាលខេត្តបានសម្រេចកំណត់ជា “តំបន់លឿងទុំ” នៅក្នុងភូមិសាស្ត្រក្រុងសៀមរាប ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ ជាបណ្ដោះអាសន្ន រយៈពេល១សប្តាហ៍ គិតចាប់ពីវេលាម៉ោង២៣និង៥៩នាទី នាថ្ងៃទី១១ ខែកញ្ញា រហូតដល់ថ្ងៃទី១៨ ខែកញ្ញា ឆ្នាំ២០២១។
ចំណែកសេចក្តីសម្រេចរបស់រដ្ឋបាលខេត្តសៀមរាប ចុះថ្ងៃទី០៩ ខែកញ្ញា ឆ្នាំ២០២១ ក៏បានកំណត់ភូមិសាស្ត្រមួយចំនួនជា “តំបន់លឿងទុំ” ដែរ រួមមាន ឃុំពួក ឃុំមុខប៉ន ឃុំសសរស្តម្ភ ឃុំល្វា ឃុំខ្នាត និងឃុំសំរោងយា ស្រុកពួក និងឃុំក្រឡាញ់ ឃុំស្រណាល ឃុំកំពង់ថ្កូវ និងឃុំសែនសុខ ស្រុកក្រឡាញ់ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ជាបណ្ដោះអាសន្ន រយៈពេល១៤ថ្ងៃ គិតចាប់ពីវេលាម៉ោងសូន្យនាទី នាថ្ងៃទី០៩ ខែកញ្ញា រហូតដល់ថ្ងៃទី២២ ខែកញ្ញា ឆ្នាំ២០២១៕
