វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3619 នាក់
ម្សិលមិញ 8227 នាក់
សរុប 14130500 នាក់
ខេត្តស្វាយរៀង៖នៅថ្ងៃអង្គារ ទី០៧ ខែកញ្ញា ឆ្នាំ២០២១លោក តូច ប៉ូលីវ៉ា អភិបាលរងនៃគណៈអភិបាលខេត្តស្វាយរៀង តំណាង ឯកឧត្តម អភិបាលខេត្ត បានអញ្ជើញជាគណអធិបតីក្នុងពិធីសំណេះសំណាលជាមួយអង្គការសង្គមស៊ីវិល និងយុទ្ធនាការចុះបាញ់ថ្នាំសម្លាប់មេរោគកូវីដ-១៩ ជុំទី៣ របស់វេទិកាសម្ព័ន្ធសង្គមស៊ីវិល ដោយមានការអញ្ជើញចួលរួមពីលោក ស៊ឹម វុទ្ធា ឯកឧត្តម ជា ពៅ អគ្គលេខាធិការរងប្រធានក្រុមប្រឹក្សាភិបាល និងអង្គការសមាគមក្នុងខេត្តស្វាយរៀង ។
លោកអភិបាលរងខេត្តបានមានប្រសាសន៍ថាសង្គមស៊ីវិលក្នុងស្រុក និងបរទេសបានដើរតួនាទីយ៉ាងសំខាន់ក្នុងការផ្តល់និងគាំទ្រដល់សេវាសង្គមនៅតាមមូលដ្ឋានជនបទ និងសហគមន៍ដាច់ស្រយាល និងធ្វើសកម្មភាពនៅគ្រប់ក្រុង ស្រុក ក្នុងវិស័យសំខាន់ៗ ដែលពាក់ព័ន្ឋនឹងសេដ្ឋកិច្ចសង្គមនៅក្នុងប្រទេសកម្ពុជាក៏ដូចជាក្នុងខេត្តស្វាយរៀងផងដែរ ។
លោកតូចប៉ូលីវ៉ា ក៏បានពាំនាំការផ្តាំផ្ញើសួរសុខ ទុក្ខពីសំណាកឯកឧត្តមអភិបាលខេត្ត ជូនដល់ សមាជិក សមាជិកា អង្គពិធី ដែលបានចូលរួមឱ្យអនុវត្តឱ្យបានខ្ជាប់ខ្ជួននូវវិធានការការពារ ៣កុំ ៣ការពារ ។ បន្ទាប់មក ឯកឧត្តមអភិបាលរងខេត្ត បានទទួលសម្ភារៈប្រយុទ្ធប្រឆាំងជំងឺកូវីដ-១៩ ពីឯកឧត្តមអគ្គលេខាធិការរងប្រធានក្រុមប្រឹក្សាភិបាល សម្រាប់ប្រើប្រាស់ក្នុងសកម្មភាពប្រយុទ្ធប្រឆាំងជំងឺកូវីដ-១៩ក្នុងខេត្តស្វាយរៀង និងបានផ្តល់ជូនអំណោចរបស់រាជរដ្ឋាភិបាលតាមរយៈវេទិកាសម្ព័ន្ធសង្គមស៊ីវិលជូនដល់ សមាជិក សមាជិកា អង្គការសមាគម ដែរចូលរួមផងដែរ ៕